نصيحة

من باب التنويع أورد لكم هذه القصيده وهي
نصيحه لأحد أبنائي , وهي عامه , أقول :

سرا الليل يا خالد وطرف الشقي ما ذاق = من النوم حلوه ,ساهر ليال طابقها
جفانا زمان الهم وملخبط الأوراق = ياكم من هموم تحل ماني بطايقها
أبوصيك يا خالد وابعطيك من ما لاق = وصية مجرب صاغها قبل ينطقها
تصبر وقو العزم لو ضاقت الافاق = يفرج همومك واحد الخلق رازقها
وحذرا تصادق راعي الخبث والبواق = وميز في الأجناس قبلك تصادقها
وزعلك اكظمه بالصدر لو شانت الاخلاق = نفوسٍ تسابق للردا لا تسابقها
ولا من عطيت العهد لا تخلف الميثاق = وناسٍ توريك الجفا لا ترافقها
مباد الجبال النايفه لك بها موياق = وبعض المبادي فالوطا لا توايقها
وحذرا يجي للباب قدم الضيوف اغلاق = ولا تحتري حتى والابواب تطرقها
وحذرا تجي وتروح بين العرب بنفاق = مثل من تثور في خباها بنادقها
ودينك نجاتك يوم تلتف ساق بساق = تغانم ثواني هجرتك مع دقايقها
وحذرا تظلي عجل وألا كما الطرباق = تثبت قبل ما الناس ودك تفارقها
ولا تعتمد للمخطيه من لها ينساق = تسوقه رجال العرف ما هو بسايقها
ولا من بدا لازم ولا لك عنه مدراق = تجمل وروحك رزقها عند خالقها
وخلك على درب العلا دايما تواق = عن الهون رجلك دايما للعلا سقها
وفالماقف اثبت عند ما تيبس الارياق = هل الكيد رجع كيدها في عمايقها
لا ترخص شنبك ولحيتك ملك للحلاق = ترا لا استلمها لا هيا انه بيحلقها

رائعه بحق


سلمت شاعرنا وصح لسانك


ولامن عطيت العهد لاتخلف الميثاق


احترااامي وتقديري

.



















تَغرفُ منْ بَحرٌ لُجيَّْ يَ كَريِمْ القافْ ’ نصٌ مُذهِلْ
بِكُلْ ماجاءْ فيه منْ حِكَّم وَ نصائِح وَ مَعرفَّة بالحيَّاة
صَّح الله بوُحكْ حتىْ مَددٌ بِلا عَدد وَ غمَّد الرحمنْ
لكْ حَرفْ وَ حفِظْ الله لكْ أَبنائُكْ
طِبتْ بخيِر وَ لا هِنتْ ’

تَعتليْ الثُريَّا إسبوع كَامِلْ وَ توُشَّمْ
بـِ/ التَميَُّز

ودينك نجاتك يوم تلتف ساق بساق
تغانم ثواني هجرتك مع دقايقها

لا يسعني ان اقول الا
الصمت بحرم الجمال جمال
لك اعذب التحايا

صح لسانك مليون ولايسدون
ولاهنت شاعرنا على القصيدة الأكثر من رائعة

الف شكر
اختي الكريمه


اتمنى لك
التوفيق

الف
شكر
يامشرفتنا
الكريمه

تحياتي الاخوية

يامرحبااااااا
يابدر
وانت راع
الذوق

ياهلااااا
اختي
بنت النشامى

واشكرك

كفو والله يا أبو سلطان
والله يخليهم لك يا بعدي

مبدع ومميز ورائع
لا هنت ولا هان قافك ونبض شعرك
وصح لسانك ملايين