يا الله لطفك بالمحتاج

يالله لطفك . بالمحتاج
باللي حاديه . المخراج
تجعل له درب ومنهاج
من ضيقه واللي حاديه

ما غيرك يقدر .. يرفاه
يا رب العبد ... ومولاه
سهل له شي .... يبغاه
في درب الخير وناويه

يآرب الشهر .. الفضيل
شهر رمضان .. الجليل
ارزقنا رزق ...... جزيل
رزق من عندك . نرجيه

مد من مدك .... يغنين
يكفيني من شر . الدين
وهروج الناس الغاوين
والشامت واللي يباريه

انا في وجهك .. يا رب
وسع لي في دربي درب
وأرزقني بالبار . الذرب
واجعل سنعنا ... بيديه

يالعالم في سر .. الحال
اصلح لي باقي الاحوال
عبدك محتاجك بالحال
يا من وان ضقنا ندعيه

القارظ العنزي

اللهم آمين أخوي القارظ
الله يكون في عون كل محتاج ويلطف بكل عباده


ما قصرت وصح لسانك وحضورك معنا في المنتدى
ومشاركاتك أضافت وستضيف الكثير بإذن الله
وفقك الله ورعاك

قصيدة مميزة
ما نقول حيالها إلا: (اللهم آمين)
وصح لسانك وما قصرت والله يتقبل
منا ومنكم صالح الأعمال

اللهم آمين وجزاك الله خيرا السلطان
وصحة ايامك يا بعدي لاهنت ولا هان منطوقك

اللهم آمين وجزاك الله خيرا
سمو الشدادين ومرورك المميز