ذاك الفتى الشدادي

يالموقع وين .. الهادي
ذاك الفتى .. الشدادي
ياكم اكتب .. . وانادي
للسلطان .. . وجمهوره

جمهوره عندي .. غالي
ايضا سلطانه ... عالي
وانا مخلص . وموالي
موالي صوت . وصورة

قولوا له مر .... وشفنا
في تقريرك .... وصفنا
ادعمنا ثم ..... شجعنا
من نورك يكسب نوره

شرفنا ... يالسلطان ي
في صفحة عضو فاني
جاكم من داره . عاني
يبي الضفة المنصورة

مر يشرفنا ..... حرفك
لو هو صعيب . ظرفك
خصص لنا من . صفك
صف يزهى ... طابوره

ماحلا طابور الخطوة
تشبك يديك .... بنقوة
من شبابك ... والهقوة
في خطوتهم مشهورة

القارظ العنزي

اي والله يا أبو فيصل
والله إننا كلنا مقصرين في منتدانا
والمفروض يكون اهتمامنا به أكثر من كذا
وأخونا السلطان والله ما قصر وسنين طويلة
وهو قائم بالمنتدى وصابر على تقصيرنا وبعدنا عنه
وأنت يا أبو فيصل رأيتك بيضاء وعلمك غانم والمنتدى
منتداك وأنت منا وفينا وبيض الله وجهك على اهتمامك
الغير مستغرب من رجل مثلك وشرواك

كفو والف كفو بك
درع الخوي ما عليك
زود وكلنا مقصرين
لكن نتعشم بالتواجد
الملموس للتشجيع
الجمهور ما شاء الله
تبارك الله حاضر، ومحتاج
تشجيع من خلال تشجيعنا
حتى يستمر معنا وحنا نستمر
بالعطاء كذلك فالكاتب والشاعر
يحتاجان لمن يشجعهما والا كالنار
تطفي جذوتها اذا افتقدت النفخ
والنفيخ والحرص على استمرارها
عشت ولا هنت درع الخوي

يا مرحبا تراحيب السيل والمطر يا أبو فيصل
والله يبيض وجهك ويعلي قدرك على هذا التحفيز والحماس
واللي والله ما يستغرب على مثلك من الرجال الطيبين
كلنا والله مقصرين في المنتدى وأولكم أنا

وإن شاء الله تزين الأمور ويزيد التواجد وأخوي درع الخوي
ما قصر الله يعطيه العافية
وصح لسانك ولا هنت وبيض الله وجهك

وجهك ابيض وما عليك زود
ايها القدير السلطان المهم
سعدنا في مرورك العطر
وطلتك البهية لاهنت
ولا هان منطوقك
حفظكم الله ورعاكم

صح لسانك واعتلى شانك شاعر
مبدع جزل في حضورك وشعرك
كل متصفح لك فيه بصمة جميلة
وجهوداً جبارة بارك الله فيك
ياابو فيصل

صحة ايامك خيال الشدادين
انت منبع الجزالة ومعدنها كل
الشكر على مرورك العطر وحضورك العذب

بارك الله فيك أخوي أبو فيصل
بهذه القصيدة استثرت الكثير من النفوس
لما يحصل منا من تقصير في حق منتدانا
وإن شاء الله تجد هذه القصيدة صدىً واسعاً
لكل من يمر عليها من أعضاء منتديات الشدادين
وتجعلهم يعيدون حساباتهم في ذلك التقصير

الله يحفظك سمو الشدادين
فعلا الموقع يستاهل من يهتم
فيه. موقع متميز بأهله وجمهوره
وادارته مثل هذا الموقع الموقر
لا يجب تركه بدون متابعة خصوصا
وجمهوره لا زال متمسك فيه. وكثيرا
من المواقع رأيتها أعضاء تفوق الخمسين
والستين عضوا بلا جمهور
الله يسعدك يا صاحبة السمو.

حياك الله أخوي الشاعر القارظ العنزي
بالتأكيد التقصير حاصل من الجميع والله يصلح الأحوال
وأنت ما قصرت والله يبيض وجهك ويعلي قدرك وصح لسانك