|
|||||||||||||||||
الوجد
الوجد نوعا من الخيال فاسمحوا لي ان اسافر مع خيالي واهديكم هذه الابيات المتواضعه .
الله من ليلٍ تزايد همومه = يعقد على راسي همومه ويبرم
عينٍ لذيذ النوم عيّت ترومه = وعينٍ تقول بوسطها داخل السم ياوجد حالي وجد من ضاع يومه = يطرد ورى علمٍ يسره ولا تم وحيد ابوه ولا يضّيع سلومه = روّح لاجل مستقبله ويتعلم في ديرةٍ ما قوم اهلها بقومه = غريب دارٍ لليالي تولم وقامت قرانيس الليالي تحومه = وظروف وقتٍ لا ذكرها تهشم قال اتصبر واطلب الله بصومه = ويفرج مع الايام ما كان معتم ويوم الفرج قرّب يحقق حلومه =الله بلاه ببلوة ما ترمم ثم اطردوه بتهمة له ظلومه = وفصل بعد ما كان فاهم ومهتم احلامه اللي قد بناها مهدومه= يشوفها قدام عينه تهدم اخذ ثلاث أيام تبكي رسومه = وان جا يواسى فالبلا ما تكلم ثم عقبها عوّد لداره وشومه = ومصيبةٍ قدامها مصيبة اعظم أبوه من سو البخت والشؤومه = ذبح ثلاث عيال والحقهم الام شايبهم الله سلمه صار بومه = وهو السبب من كثرت الحكي والنم ويوم احتمى المضراب في كل دومه = خلا عياله وامهم وانحر اليم وجاهم قضاهم ثم راحوا عدومه = من يد شقردي راعي الطايلة قرم من نزعةٍ لابليس صوّب سهومه = ومن طاوع الشيطان لا بد يندم وحطوه في سجنه ولا طاب نومه =لا به انيس له ولا عاد يحلم الابسيفٍ يفصله عن كمومه =ونارٍ بفوحة ويل قامت تنسم وعقب شهرينٍ صدّروا فمحكومه =حكم عليه الشرع بالقتل ..واسلم وشاش الولد قامت تناهض عزومه = بجاهية تكسب مع الطيب ...والنعم روّح ومعه شيوخ وابنا عمومه = مافيهم اللي يذكرونه بالاهلم تنطّحوا دارٍ تعجعج سمومه = دار الحكاوي راعي النم والذم ماهوب كفوٍ لا توفق وقومه = لجاهية سيقت لهم والسبب دم جوهم وقالوا كلمتين محكومه =قالوا اطلبو باللي تبونه ولاهم قالوا نبي عشرين مليون كومه = وعشرين جيب وددسنينٍ وبي ام وعشرين بندق من سلاح الحكومه = وعشرين راس من الابل ماتضرم ومهلتك ثالث يوم تبدي نجومه =وان كان ماتقدر على حكمنا ...قم وقام يتلفت ضايعاتٍ علومه = جاهيته ماتمموها على تم وخلا المكان ودمع عينه رزومه = وعن السوالف والحكاوي تبرطم شرّق وغرّب من عدامه لهومه = ينصى اجانيبٍ وينصى ولد عم وقبل الغروب ومهلته بالعمومه = ازرى يوفي فنهم بالمتمم جاهم بجاه الله ثم جاه قومه = وحب الكتف والكف والخد والخشم وعيوا عليه وزاد همه غمومه = وجاوب نواح الورق بصياح منهم غبّر على راسه وشقق هدومه = صايح بصوتا يسمعه كل منصم كن الحشا تشويه نارٍ ضرومه = وكن العروق يقصها سيفٍ اثلم وجابوا ابوه مقيدا مع كمومه = في يوم جمعه واكثر الناس ملتم مركّعينه والحلايا مغمومه =ركع بامر العبد وهوه محرم ثم اضربه بالسيف باقوى عزومه = الراس طار وغرق الموقع الدم بكى بكى ثم بكى من يلومه = ابوه عمره من يد العبد يختم وعوّد لبيتٍ فيه صوت الامومه = عقب الابو ما فارق الروح واسلم وقدام بيت الام بارت جرومه = قالوا توفت قبل ساعه من الهم في ظرف يوما واشحٍ بالجهومه =من الابو والام صار متيتم ودارت به الدنيا ثمانين هومه = ومات ولحق من يومه الاب والام هذاك وجده مثل وجدي وقومه = من بعد مافارقت صافي المبسم
التعديل الأخير تم بواسطة الرهاوي ; 17 Aug 2006 الساعة 04:11 PM
|
17 Aug 2006, 01:11 PM | [ 2 ] | |||||||
شاعر
|
مالها غيرك ياالرهاوي وسلمت يالغالي وصح لسانك |
|||||||
|
||||||||
17 Aug 2006, 01:16 PM | [ 3 ] | |||||||
عضو متميز
|
الله الله قصيدة وتوجد في قمة الروعه أخوي الرهاوي ولكن متى يقدر صافي المبسم هذا التوجد صح لسانك وسلمت يمينك والله لايحرمنا من قصائدك الرائعه |
|||||||
التعديل الأخير تم بواسطة البرنس ; 17 Aug 2006 الساعة 02:35 PM
|
||||||||
17 Aug 2006, 01:31 PM | [ 4 ] | ||||||||
عضو متميز
|
الرهاوي معلقه يسجلها التاريخ باسمك ويحق له ان يفخر بوجود عملاق بهذا الحجم ابداع لا متناهي تتوقف الكلمات دون ان تعبر عن مدى التاثير الذي تتركه مثل هذه القصيده على المتلقي ويكفي انها من ابداع الرهاوي الرهاوي فقط من يطوع الكلمات لادق التفاصيل في قالب شعري اخاذ صح لسانك |
||||||||
|
|||||||||
17 Aug 2006, 02:24 PM | [ 5 ] | ||||||||
مؤسس شبكة الشدادين
|
يا قو الوجد يالرهاوي قواه الله يكون بعونك فعلاً ليس كل من نظم شاعر هنا الخيال اللامتناهي صنع أسطورة وجدانية رهاوية قرأتها ثلاث مرات ولم أمل قراءتها وسأعاود القراءة هكذا هم الشعراء الذين يرغمون على متابعتهم بيض الله وجهك وخفف من وجدك وصح لسانك وعلا شانك. |
||||||||
|
|||||||||
17 Aug 2006, 03:19 PM | [ 6 ] | |||||||
شاعر
|
هلا وغلالالالالالالالا بالغاااااي شكرا على تواجدك يازعيم الحب وتقبل وافر التحايا |
|||||||
17 Aug 2006, 03:22 PM | [ 7 ] | |||||||
شاعر
|
البرنس حياك الله يالامير تسأل متى ؟؟؟ وانا مدري متى؟؟ بس الله يعجل برجعته ويرده بالسلااامه صح بدنك وتقبل شكري وامتناني لشخصك الكريم |
|||||||
17 Aug 2006, 03:28 PM | [ 8 ] | |||||||
شاعر
|
جزاء دهيس احرجتني ياجزاء ورفعة قدري رفع الله قدرك قد نستحق بعضا مما قلت ولكن توناااا مبتدئين ولا تزودون المدح وننتهي قبل ما نبداههههههه ما عليك زووود يابو دهيس والله انك علم من اعلام الشعر وانت استاذنا فشكرا لك على اطرائك وتواجدك المبهر |
|||||||
17 Aug 2006, 03:34 PM | [ 9 ] | |||||||
شاعر
|
ارحب ارحب وياهلا وغلا بالسلطان والله ان مرورك وتعليقك على مشاركاتي وتفاعلك مع ما اكتب له الاثر الكبير في نفسي ومما يسعدني ان لا يكون المرور على القصيده مرور الكرام لقد اسعدتني بااعجابك بها يابو عبدالله فلك مني كل الود والحب والاحترام |
|||||||
17 Aug 2006, 05:46 PM | [ 10 ] | ||||||||
عضو متميز
|
صح لسانك يا الرهاوي ليتك تسافر بنا دايم وفيت ولا هفيت يا ذيبان صح لسانك مليون تحياتي |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عجيل الندى | ولد الأمس | أعلام ورجال | 10 | 20 Mar 2012 07:45 AM |
يهزنا الوجد | سعود سليمان الحارثي | بحور القوافي | 22 | 10 Oct 2008 02:41 PM |
الوجد ( اناشيد روعه ومحزنه) | أبو نايف | منتدى المرئيات والصوتيات | 6 | 15 Aug 2007 11:23 PM |
امطر الندى على منتديات الشدادين | قصة حزن | الترحيب والتهاني | 17 | 17 Apr 2007 06:51 PM |
درس الكتابة بقطرات الندى | الشامخ | دروس الفوتوشوب | 11 | 19 Aug 2006 10:49 AM |
|