أغلى قصائدي

هاذي القصيده مجاراه لوالدي رحمه الله عندما قال

الشوف قل ودمعة العين تذرف=ولاعاد لي عند العيال احتراما

قلت

ياليت شوفي في عيونك يولف=كان اعتذر عن شوف سمر الثاما
حتى تشوف اللي يحبك وتعرف=وتحق في المقناص رمي الاداما
غلاك وسط قلوبنا مايوصف=وقدرك رفيع عندنا فوق هاما
ياعود في كثر الحلا ماتخفف=وعلى العيال الوم والاتهاما
تخلط عسل على الحليب المجفف=ترى ماهو خلط النفل والخزاما
تبغى العيال تحط لك في الركب سلف=والاترد العمر عشرين عاما
ترى الذي يكتب على العبد يصرف=والوح يكتب قبل تنشى العظاما
العارف اللي مثلكم مايعرف=كم حجة تجوز عنها الصياما
خمس مع ابن ادم لها سادسه ضف=واستعمل السته وتبقى تماما
كم واحد يمشي مع الناس منكف=ويطلع الوضحى بوسط الجهاما
وكم واحد عينه سليمه ويقذف=في حفرة مقدار تسعين قاما
وكم واحد يمشي مع الناس مختف=دايم يرخي اذنه لنقل الكلاما
وكم واحد مقفي عن الناس يحذف=ويندس حذافه بسد الخياما
وكم واحد فعله وقربه يشرف=هذاك اخو فاحا بعيد المراما
لاقيل ياهل الخيل والخيل تلتف=راع البواضا في نهار الزحاما
ابو حنس كمل طريقه وخلف=سعد الرفيق منفذين الكماما
بغيت ازيد القاف مير القلم جف=وختامها مني لبوي السلاما
وصلاة ربي عد زاير ومنكف=على شفيع الخلق يوم القياما

صح للسانك يا أنحش

جيتك ورحم الله والدك

شاعر من ظهر شاعر لاعدمناك

	صح للسانك ولاهنت قصيده رائعه كروعتك رحم الله والدك وأباءالمسلمين وأسكنهم فسيح جناتك الف شكر على القصيده الملكة غيود

الله الله
على روعة الأبيات ومعناها السامي ..

صح لسانك وسلمت يمينك

وبأنتظار قادمك

الأجمل ..

آدامك الله .

اشكر الجميع ولولا تشجيعكم ماجانا الابداع الله يحفظكم وصحت ابدانكم

الله الله يا القصيد وجماله
والله يرحم أبو فواز ويسكنه فسيح جناته
وصح لسانك يا الذيب ولا هنت عسى عمرك طويل
قصائدك قوية ومن رأس شعار كبار عسى الله يجعل مثواهم الجنة

صح بدنك يابو نوره وتسلم ياعصابة راسي تحياتي لك

كم واحد يمشي مع النـاس منكـف
ويطلع الوضحـى بوسـط الجهامـا
وكم واحد عينـه سليمـه ويقـذف
في حفـرة مقـدار تسعيـن قامـا
وكم واحد يمشي مع الناس مختـف
دايم يرخـي اذنـه لنقـل الكلامـا
وكم واحد مقفي عن الناس يحـذف
وينـدس حذافـه بسـد الخيـامـا
وكم واحـد فعلـه وقربـه يشـرف
هذاك اخـو فاحـا بعيـد المرامـا
لاقيل ياهل الخيـل والخيـل تلتـف
راع البواضا فـي نهـار الزحامـا
ابو حنـس كمـل طريقـه وخلـف
سعـد الرفيـق منفذيـن الكمـامـا

ابن حديد منبع الشعر الأصيل وسلالة الشعراء

صح لسانك مليون ورحم الله شاعرنا أبو فواز وأسكنه فسيح جناته