عرفك ينومس والشرف لي

أبيات( اعتذار )
للأخ العزيز / سلطان بن مهرس
في عدم حضوري لحفل زواجه , ويعلم الله عندما قرأت
الدعوة العامة التي وجهها للجميع بمناسبة زواجه وكأنه مقدمها لي
خاصة لما لهذا الرجل من معزة وتقدير عندي وعند الجميع إن شاءالله , مع العلم أنه أعذر وقبل
عذر جميع من لم يحضروا مقدماً . ولكن لشي في نفسي قلت هذه الأبيات التي آمل أن تليق بالموضوع .

صدوق المشاعر يابن مهرس تراديد=وفاحت بها الأطياب من صدر واعي
اهنيك جعل ايامكم كلها عيد=ومبروك عرسك ياطويل الذراعي
عليّ الله الشاهد والايمان ترديد=نوينا حضور الحفل والقلب طاعي
لكن الظروف اللي علينا مسانيد=عليّه عصت ماعاد في المستطاعي
هذا عذري الواضح واخاف المناقيد=وأنا خابرك طيب تعذر وتراعي
ولابد ماللوقت صورة وتجديد=تبدل بها الضيقات بالاتساعي
وازورك في بيت العز ورث الأجاويد=هل الطايلة من وقت سوق المباعي
تقدم رخاص اعمارها للبواريد=ليا ذل ملعون الجدف والرعاعي
ولها الرأي يرجع يالعقول المعانيد=على صادق الأفعال صيتٍ يذاعي
وعرفك ينومس والشرف لي ولا أزيد=وحبيت ابين موقفي وانطباعي

بعيداً عن الشعر


كم هو جميل اعتذار الرجال من الرجال والابتعاد عن الكبر والتغطرس

هنا تكمن الرجولة وهنا نرى مبدأ رائع من مبادئ الحياة والصداقة


وأن عدنا للنص فما اقول فيه ومن كتبه واعي



ودي

واعي

أبا عبد الله

سلمت وصح لسانك وبيض الله وجهك هذا من طيبك والرجال تقدر ضروف الرجال وأنت من عزوتنا ونعرف ذلك والله يحفظك ويطول بعمرك ويستاهل سلطان ولك تقديري الجزيل

ترسل للجميع لمافيها من الخوة الصادقه والمشاعر أيضاً

لا هنت وصح لسانك يا أبو عبدالله
والله يحييك من جديد
وابو علي يستاهل كل خير
وأكيد بيعذر الرجال اللي مثلك وشرواك
والظروف تحكم الإنسان والله يسهلها على الجميع

كلنا يا أبا عبدالله
مهما قدمنا لهذا الرجل من أعذار
فأرى وأنا بالأخص أننا مقصرين

لكن مافي اليد حيلة والشركات ذبحتنا

ألف مبروك لأخوي سلطان بن علي
وألف شكر لك أخوي واعي على مشاعرك الطيبة
وصحّ لسانك على هالجزلة .

صح لسانك اخوي واعي

ولاهنت ياذيب

		المشاركة الأصلية بواسطة : محمد المريري اقتباس
	بعيداً عن الشعر كم هو جميل اعتذار الرجال من الرجال والابتعاد عن الكبر والتغطرس هنا تكمن الرجولة وهنا نرى مبدأ رائع من مبادئ الحياة والصداقة وأن عدنا للنص فما اقول فيه ومن كتبه واعي ودي

محمد المريري
مرحباً بك ملاييين وماعليك زود
وعسى عمرك طويل , سعدت بتواجدك
والف شكر على حضورك ومرورك الجزل .
دمت بخير ,,,

		المشاركة الأصلية بواسطة : خيال الشدادين اقتباس
	واعي أبا عبد الله سلمت وصح لسانك وبيض الله وجهك هذا من طيبك والرجال تقدر ضروف الرجال وأنت من عزوتنا ونعرف ذلك والله يحفظك ويطول بعمرك ويستاهل سلطان ولك تقديري الجزيل ترسل للجميع لمافيها من الخوة الصادقه والمشاعر أيضاً

ابو مشعل
مرحباً بك ملاييين وصح بدنك
ووجهك ابيض وماعليك زود طال عمرك
أسعدني تواجد , وألف شكر على جهودك وتواجدك
في متصفحي المستمر وعلى مرورك الجزل .
دمت بخير ,,,

		المشاركة الأصلية بواسطة : السلطان اقتباس
	لا هنت وصح لسانك يا أبو عبدالله والله يحييك من جديد وابو علي يستاهل كل خير وأكيد بيعذر الرجال اللي مثلك وشرواك والظروف تحكم الإنسان والله يسهلها على الجميع

الله يحيييك يابو عبدالله
أسعدني تواجدك وحضورك
ومرورك الجزل وشرواك الطيب
دمت بخير ,,,

		المشاركة الأصلية بواسطة : النايف اقتباس
	كلنا يا أبا عبدالله مهما قدمنا لهذا الرجل من أعذار فأرى وأنا بالأخص أننا مقصرين لكن مافي اليد حيلة والشركات ذبحتنا ألف مبروك لأخوي سلطان بن علي وألف شكر لك أخوي واعي على مشاعرك الطيبة وصحّ لسانك على هالجزلة .

الله يحييك اخوي / النايف
وصح بدنك وماعليك زود أسعدني
تواجدك ومرورك الطيب على الموضوع
دمت بخير ,,,