|
||||||||||||||||||
سرعة أتصالك
. . . صبحهم الله بالخير هل تعلم عزيزي القارئ أنا أتصالنا مع الانترنت سئ للغايه لدرجة أن الفلبين ومنغوليا أحسن مننا بسرعة أتصالهم . . خلونا نعرف وشلون نقيس السرعه عشان من خلالها نشوف كيف الوضع صاير عندنا هذا موقع حلو وأعتمده في قياسي لسرعة الانترنت عندي http://www.speedtest.net/ وأعتمدته بسبب مصداقيته لقياس السرعه بمعنى أنو أحيان لما الاتصال بدأ يستهبل معاي وقام يتميلح أدخل على هذا الرابط وفعلا ألقى عندي سرعته ضعيفه والعكس ... طيب أول شئ أتبعوا معاي بالصور وكل واحد يقيس اتصاله ويورينا لما تدخل الموقع,, راح تجيك الواجهة بالشكل هذا.. اضغط على Begin Test عشان تختبر سرعة النت عندك وضروري تغلق البرامج اللي تعتمد على اتصال النت كاالمسن وغيرهن.. وراح تظهر النتيجة بالشكل التالي.. مثل ما نشوف في الصورة: 1 : سرعة Downlod 2 : سرعة الأبلود 3 : الوقت المتوقع لتحميل ملف MP3 , ومقطع فيديو , وفلم 4 : نسبة السرعة اللي عندك الى نسبة السرعة الكلية لموفر الخدمة 5 : تقييم مزود الخدمة 2,5/5 !! 6 : مقارنة اختبارك للاختبارات السابقة.. وبجنبها Your Summary ملخص اختبار السرعة اللي سويته.. طيب خلونا نشوف مع بعض الانترنت عندنا وعندهم هنا راح اعتمد على نفس الموقع السابق وموقع آخر.. نواصل من حيث انتهينا في موقعنا السابق ونضغط على خانة رقم 7 من الصورة السابقة اللي هي World Results راح تظهر عندنا كالتالي.. يعرض لك هنا ترتيب سرعة التحميل على مستوى القارات.. حيث تتصدر قارة اوروبا القائمة بمتوسط سرعة تحميل 8.77 ميقا/ثانية يليها امريكا الشمالية ثم آسيا ... لما تضغط على Your Location مرة واحدة راح يوضح الدول العشرة الأوائل من حيث سرعة التحميل في نفس القارة اللي انت فيها.. يعني مثلا ماد خلنا ولا ضمن قائمة افضل عشرة دول ولما نضغط على Your Location مرة ثانية راح يوضح العشرة الاوائل من حيث سرعة التحميل في دولتك.. مثل ما نشوف منطقة مكة المكرمة تحتل المركز الاول عندنا من ناحية سرعة الاتصال يليها الرياض فمثلا لو شفنا الرياض راح نشوف ان "المركز السعودي لمعلومات الشبكة" يحتل المركز الاول,, يليه مدينة الملك عبدالعزيز للعلوم والتقنية.. وبقية القائمة ولما تنزل تحت.. راح يجيك تقييم سرعة التحميل على حسب الدول مثل ما نشوف.. ويلاحظ التطور الكبير اللي تشهده الـ STC عندنا بإحرازها المركز الـ 69 على مستوى العالم,, والمركز الـ 111 ومثل ما نشوف لما تخلي مؤشر الماوس يظهر لك عدد مرات اختبار السرعة في تلك الدولة,, مثلا عندنا,, عدد مرات فحص السرعة بلغ تقريبا 8 مليون و750 الف مرة !! و تقريبا تم الاختبار لمليون IP مختلف !! بينما تحتل كوريا صدارة القائمة يليها لاتفيا ثم مالدوفا ثم ليتوانيا وهولندا.... و و !! لكنه جامع بين سوء الاتصال و"غلاء" الخدمة << شين وقوي عين !! وهنا موقع منظمة ITIF يوضح تكلفة النت على مستوى العالم http://www.itif.org/ هذا الموقع برضوا مسوي تصنيف اخر,, لسرعة الاتصال النتايج تختلف نوعا ما عن نتائج موقعنا الاول,, لكن المهم في هذا التصنيف انه قارن سرعة الاتصال بسعر الخدمة في الدول,, مثل ما نشوف بالصورة لو اخذنا مثلا اليابان صاحبة المركز الاول,, راح نشوف متوسط السرعة عندهم 61 ميقا بالثانية,, وسعر الخدمة عندهم مثل ما نشوف 0.27 دولار لـ1MBPS أي لسرعة 1 ميقا بالثانية/ شهر,, يعني بالريال تقريبا ريال واحد للميقا/شهر !! بينما.. شركة الاتصالات الموقرة عندنا تاخذ على سرعة الميقا الواحد بالشهر تقريبا 210 ريال !!! أترك المجال لكم .. دمتم بحفظ الله
|
18 Aug 2010, 01:46 PM | [ 2 ] | |||||||
عضوة متميزة
|
رد: سرعة أتصالك
دايم متقوقين ع العرب جت ع النت!! هذا اختراعهم يعطيك العافيه حبيبتي |
|||||||
|
||||||||
18 Aug 2010, 02:33 PM | [ 3 ] | ||||||||
|
رد: سرعة أتصالك
ليتهم ياخذون 300 بس اهم شي يخلون الاتصال صااروخ ( سريع ) يعطيكِ العافيه اختي شغب تقبلي مروري * * * |
||||||||
18 Aug 2010, 03:49 PM | [ 4 ] | ||||||||
شاعر
|
رد: سرعة أتصالك
استحي اقيس اتصالي اخاف تحسدوني هههههههههههههههه هذي الصورة قولو ماشاء الله >> ترى مايدري عن السرعات وين هي رايحه |
||||||||
|
|||||||||
18 Aug 2010, 07:28 PM | [ 5 ] | ||||||||||||||||||||||||||||
عضوة متميزة
|
رد: سرعة أتصالك
هههههه اي والله ياغلا أجل منغوليا تصير أحسن مننا تسلمين والله على تواجدك ^ ^ |
||||||||||||||||||||||||||||
18 Aug 2010, 07:30 PM | [ 6 ] | ||||||||||||||||||||||||||||
عضوة متميزة
|
رد: سرعة أتصالك
أجل صاروخ هاذي ولا حتى بالاحلام ... لا والمشكله كل يوم ماهوب الثاني يطلعون عروض وان السرعه عاليه ومدري أيش تسلم يابن الامير ... |
||||||||||||||||||||||||||||
19 Aug 2010, 01:24 AM | [ 7 ] | ||||||||||||||||||||||||||||
عضوة متميزة
|
رد: سرعة أتصالك
ههههههه أجل خايف من العين والله العالم يارعد أن أتصالي أبطأاتصال بالعالم كله وصور شرحي توضح ذلك بس الله يسلمك وين الصوره حقت سرعة أتصالك ماطلع شئ |
||||||||||||||||||||||||||||
19 Aug 2010, 01:34 AM | [ 8 ] | ||||||||
|
رد: سرعة أتصالك
والله ياشغب موضوعك هذا طلع فضايح اتصالي وشكلي عفته كنت اول ماشيه وعاجبني .......... وبعدين وين نروح من شركات الاتصالات مالنا غيرها نلف نلف ونرجع لها تسلمي شغب ولاحرمنا من جديدك .................... |
||||||||
|
|||||||||
19 Aug 2010, 02:30 AM | [ 9 ] | ||||||||
عضوة متميزة
|
رد: سرعة أتصالك
^ ^ هلا بك خشوف ^ ^ لا بس احيان وانتي تناظرين التطور اللي مشوا فيه الدول الثانيه ويمكن تستغربين أكثر ان بعضها من الدول الفقيره ومع ذلك يعرفون كيف يطورون أما حنا بس نهب وأستغلال و..... أيييه الله يصبرنا بس ... أجل طلع أتصالك أردى من أتصالي شاكره هالتواجد مانعدمه يارب ^ ^ |
||||||||
19 Aug 2010, 02:25 PM | [ 10 ] | ||||||||
شاعر
|
رد: سرعة أتصالك
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هام قصص عن سرعة إستجابة الدعاء | الأمير العربي | منتدى القصص والحكايات | 6 | 11 May 2009 02:12 AM |
سرعة البديهة | حمد الشدادي | القسم العام | 14 | 15 Oct 2008 04:03 PM |
خلي سرعة جهازك مثل الصاروخ | لحن الصمت | جديد المواقع ـ شروحات البرامج ـ المشاكل والحلول | 7 | 03 Feb 2008 02:03 AM |
أدوات الموضوع | |
|