يالسيف ابو حدين رساله لصاحب السمو الملكي الامير محمد بن نايف حفظه الله

الاخوه الاعزاء اداري واعضاء
((شبكة الشدادين الرسميه)
اسعد الله اوقاتكم جميعا بكل خير
رساله بعد تدشين تحية الولاء والطاعه والعرفان
لصاحب السمو الملكي الامير/محمد بن نايف ال سعود وزير الدخليه حفظه الله ورعاه
كنت قد حجزت موعد جلسه مع سموه تحدد في يوم الاثنين الموافق/8/8 بجده ولكن لم يحالفنا الحظ بلقاه ولسموه مكانت خاصه في نفسي
لشفافيته ودماثة اخلاقه الاصيله وكتبت فيه الكثير من القصائد وقد حضرت هذه القصيده المتواضعه لالقائها بين يدي سموه وهي عباره عن شكوي
رمزيه بلغة الشعر والحاق لاستدعائي رقم القيد/165000 بتاريخ /8/8/1434
امل ان تحقق الهدف المنشود وتحوز على رضاكم والسلام عليكم ورحمة الله وبركاته

سلام يامير ألأمارات والعزم=سلام ياراس السمو في مقامه
يالسيف أبو حدين والمرهف الوسم=ياقامة العدل وشموخ أحترامه
انت السماء كله بالانظار والنجم=يامطوعآ عوج الرقاب أستقامه
يامير انا شاعر من الهم للهم=نائب عزيز القوم قائم مقامه
في دائرات التيه نتنفس الحلم=صاحين ولانيم ضمن احتكامه
مخنوق بالطائف من الظلم الاظلم=والجاري اللي مايفارق ظلامه
بين المحافظ والمحاكم غدى علم=والعلم عندك ياسليل الكرامه
الجاري اللي عذر النفس في السلم=خلف الكواليس انفرد بالملامه
يسود بالطائف ملامح من الجهم=وانته عليك النور راعي أمامه
لاقروا اللي غير واضح على الفهم=يجوز يعطيه المهندس علامه
والواضح الواضح لقى السود والعتم=وعزي لمن ينسى نهارالقيامه
كلآ على دعواه منصور بالكم=والشرع له هيبه ويفرض نظامه
يعني على الكيدي يجمل مع الرسم=ويكرر الكذبه وصدق كلامه
الى متى نتنفس الغيض والهم؟=الى متى نحيا صراع الرخامه؟
اسئلك بلي بلغك سدت الحكم=كيف السلامه؟حالفتك السلامه

يالشاعر / جزل البيان
ابيات جزله من شاعر جزل
صح لسانك واعتلى شــــــــانك يا نبض القصيد وسلم بنانك
قصيده جزله وعساك ع القوه
وخيرها في غيرها
تستاهل التنبيه+التقييم

كفو والله يا شاعرنا أبو محمد
والله يحييك اليوم ودوم في منتداك

سعدنا والله بعودتك لنا ومشاركتك معنا
ويستاهل الأمير محمد كل خير
وتستاهل أنت العز والتقدير

لا هنت
وصح لسانك ملايين

قصيدة رائعة
فلله درك من شاعر
لا تأتي الا بالجزل فصح لسانك وبيض الله وجهك

والله يحفظ الامير محمد بن نايف

تسلم اخوي على القصيدة الرائعه
كلمات جزلة المعاني
صح لسانك
بالتوفيق لك

صح لسانك واعتلى شانك
رائع بكل ماتعنيه الكلمه من معنى
تحيةتقدير لكم مني

صح لسانك ولا هنت شاعرنا القدير
قصيدة رائعه
الف شكر لك

صح لسانك
وعلا شانك
ولاهنت شاعرنا
على القصيدة الجزلة

يستاهل الامير محمد بن نايف
فعلا هو سيف ابو حدين


صح لسانك
يــ جزل البيان
نص جميل
وعسى ان يزيل الله عنك الهم ويحقق منالك
دمت
بخير

		المشاركة الأصلية بواسطة : شيهانة المرقاب اقتباس
	يالشاعر / جزل البيان ابيات جزله من شاعر جزل صح لسانك واعتلى شــــــــانك يا نبض القصيد وسلم بنانك قصيده جزله وعساك ع القوه وخيرها في غيرها تستاهل التنبيه+التقييم

اختي
شيهانة المرقاب
صح بدنك وسلمتي يالنشميه
شكرا على الاطراء العطر والمرور الراقي
تقبلي تحياتي وخالص الود