تبي تمشيها علي

السلام عليكم ورحمة الله وبركاته

هذي قصيده لاتحتاج الى مقدمات وعسى ان تحوز على رضا الجميع

ياصاحبي بنصحك هد شوي من لعب البلوت=ترى صحيبك ياصحيبي مل لعب الاربعه
مليت قول اشكل دبل وزع ثلاث من الكروت=ومن الطناخه لا لعبة اعرف خويي وش معه
اللعب صن ارجوك كلاً يلتزم وضع السكوت=سجل عليه افلان اشوفه مشرلك بصبعه
تبي تمشيها علي بدري عليكم ماتفوت=سجل عليهم يامسجل والله اني لرقعه
انكشفت الخطه وبان اللي ورا شقر البشوت=وعرفت من كان يتستر خلف ذيك الاقنعه
وضاع الرجاء بلي تمسك في خيوط العنكبوت= وضاعت هقاوي كل واحد في طريقه يتبعه
مير انتبه ياصاحبي انت ابحر مليان حوت= افهم كلامي زين لو ان الحقيقه موجعه
فق ونتبه وحذر من اللي حطلك بالسم توت=وانته وراه تقلب الدومه سوات الامعه
الجاهل اللي ثبت الكوره وجيت انته تشوت=حكم ضميرك زين قبل تشوت ولاتشجعه
فكيت شفرات الطلاسم والعرب هجع سبوت=الامجرد صوت واحد دايمٍ كنت اتسمعه
صحيح انا ماني بلا ساحر ولا قاري بخوت=لاكن انا عندي شهود ومعي حجه مقنعه
عرفت قصدي زين والا عيد لك شرح البيوت=ركز معي ورجوك صوتك ياولد لاترفعه
هذي ترى دايم مشاكل تحصل بلعب البلوت=وكانك تبي نصيحتي مالك ومال الاربعه

صح لسانك ياولد عمي على هالرااائعه

قصيدة جزله من شاعر جزل

لاهنت وفي انتظار جديدك

كل الود

صباح الخير يا صالح ولعب البلوت يبله حريف عشان ما يتعبك

صح لسانك مليون يولد العم

وفيه رسالة على الخاص لك اتمنى ترد بالقبول لا هنت

		المشاركة الأصلية بواسطة : عبدالله الشدادي اقتباس
	صح لسانك ياولد عمي على هالرااائعه قصيدة جزله من شاعر جزل لاهنت وفي انتظار جديدك كل الود

صح بدنك

يابو عابد اشرقت هذه الصفحه

بمرورك الكريم بيض الله وجهك وجعلني ما نحرم منك

		المشاركة الأصلية بواسطة : زعيم الحب اقتباس
	صباح الخير يا صالح ولعب البلوت يبله حريف عشان ما يتعبك صح لسانك مليون يولد العم وفيه رسالة على الخاص لك اتمنى ترد بالقبول لا هنت

زعيم

راحو اللي يلعبون البلوت هههههههه

معاد باقي الا انا وياك ومعنا ثنين ثلاثه الباقين اكلتهم الخطوط ههههههههه

بيض الله وجهك وصح بدنك وبيجيك باقي العلم على الخاص

قصيدة رائعة
أعجبتني مضموناً وصياغة

صح لسانك اخوي

		المشاركة الأصلية بواسطة : صالح بن هميجان اقتباس
	السلام عليكم ورحمة الله وبركاته هذي قصيده لاتحتاج الى مقدمات وعسى ان تحوز على رضا الجميع ياصاحبي بنصحك هد شوي من لعب البلوت=ترى صحيبك ياصحيبي مل لعب الاربعه مليت قول اشكل دبل وزع ثلاث من الكروت=ومن الطناخه لا لعبة اعرف خويي وش معه اللعب صن ارجوك كلاً يلتزم وضع السكوت=سجل عليه افلان اشوفه مشرلك بصبعه تبي تمشيها علي بدري عليكم ماتفوت=سجل عليهم يامسجل والله اني لرقعه انكشفت الخطه وبان اللي ورا شقر البشوت=وعرفت من كان يتستر خلف ذيك الاقنعه وضاع الرجاء بلي تمسك في خيوط العنكبوت= وضاعت هقاوي كل واحد في طريقه يتبعه مير انتبه ياصاحبي انت ابحر مليان حوت= افهم كلامي زين لو ان الحقيقه موجعه فق ونتبه وحذر من اللي حطلك بالسم توت=وانته وراه تقلب الدومه سوات الامعه الجاهل اللي ثبت الكوره وجيت انته تشوت=حكم ضميرك زين قبل تشوت ولاتشجعه فكيت شفرات الطلاسم والعرب هجع سبوت=الامجرد صوت واحد دايمٍ كنت اتسمعه صحيح انا ماني بلا ساحر ولا قاري بخوت=لاكن انا عندي شهود ومعي حجه مقنعه عرفت قصدي زين والا عيد لك شرح البيوت=ركز معي ورجوك صوتك ياولد لاترفعه هذي ترى دايم مشاكل تحصل بلعب البلوت=وكانك تبي نصيحتي مالك ومال الاربعه

صالح بن هميجان




هذي كبوت ....

يعني بلوت شعر ومعاني ...

ماهو بلوت ورق ..

هذا الشعر اللي يستحق الوقوف عنده

صح لسانك صح لسانك ..

وانشاء الله ابن جربان يدبل عليك

الله أكبر
يابن هميجان
هذي قصيدة بمعنى الكلمة من حيث المبنى والمعنى والتركيب والمفردات
لاهنت يا صالح وأنت شاعر مبدع

قصيدة رائعه فعلا
صح لسانك اخوي لاهنت

صح إلسانك ولا هنت وبيض الله وجهك