قصيدة رثاء للشاعر/ دوخي الشلوي ، فالشاعر حسن بن محيميد الشلوي

بسم الله الرحمن الرحيم

اعزائي مشرفين واعضاء منتديات الشدادين
السلام عليكم ورحمة الله وبركاته

حسن بن مبارك بن محيميد الشلوي
علم من اعلام الشعر ومن رجال الحنكة والحكمة والكرم والشجاعه
رحمه الله واسكنه فسيح جناته
قدم للشعر الكثير والكثير بكل قوافيه واغراضه
اعجز الشعراء في نظمه ومحاورته
فقد كان ملازماً للشعر والشعر ملازماً
ويأبى الشعر إلا ان يرثيه تقديراً وإجلالً له
وهذه القصيدة للشاعر دوخي بن محمد الشلوي في رثائه رحمه الله

بسم من لاحول ولا قوةٍ الا به=العزيز اللي يعز بقوته وبجوده
استجيره من سخط بطشه ومن عذابه=واطلبه عفوه نهار الساعه الموعوده
يوم لاظلٍ ظليل الا لمن يشاء به=يوم من هوله تشيب الطفله المولوده
لو تصك ابوب غيره ماتصك ابوابه=الثنا والشكر له وإرادته محموده
استعزي ياهجوس الشاعر الجذابه=وابدعي جزل الكلام وجنبي منقوده
لا طرقت الشعر ادور ندّره وعذابه=واتخير في طواريقه وعذب بنوده
في ضميري جرح ماضي مايطيب مصابه=اشتكي ضيمه واعاني حسرته ولهوده
والحق الوقت الجروح جروح وابرز نابه=الزمان اللي على بيضه تغطي سوده
امس جاني علم فأجاني به اللي جابه=الخبر حطم كياني يوم جاء مردوده
ماقدرت انشد بعد ماصار ويش اسبابه=علم جعل اللي جرى بامره لنا مايعوده
الفقيد ابن محيميد العلم بأدابه=القدر حكمه كذا واعمارنا محدوده
احسن الله العزاء يامن بكيت غيابه=للقبيلة والقرابه والاهل مقصوده
والعزاء يوصل لعشاق الشعر واصحابه=كم بذل للمعرفه والشعر من مجهوده
كم وقف في ماقفه وقت اللزوم وجابه=وان تعدى الخصم حده رجعه لحدوده
الوفا والطيب لبسه مثل لبس ثيابه=حكمته منها تحل العقده المعقوده
سيفنا اللي نستعز بسلته ونصابه=عدنا اللي بالروى تلقى رهاه وروده
عطر الله قبره ووسع عليه رحابه=وجعله اول روض في الجنه تراب لحوده
ياعسى الوسمي ليا انشى واحتدم سحابه=البروق بمقدمه وارزف ولج رعوده
وانهمر وبله بغزره وانعزل ربابه=الوطى يدرج بسيله والسكون بنوده
بامر ربي مايخيل غير فوق ترابه=اربع وعشرين ليله بالمطر معدوده
لين ينبت حول قبره من جديد اعشابه=يكتسي قبره من ازهار النفل و وروده
مابكيت الا الفقيد اللي نحسب احسابه=يوم بعض الناس لاتفقد ولا مفقوده
الشجيع ابن الشجيع مجرّي الهيابه=الكريم اللي يمينه بالوفا ممدوده
جعل من لا يفقد الطّيب ولا يدرا به=مايزود الا بنقصانه وينقص زوده
السنين من المصايب والكوارث غابه=يومها لاتامنه لو الأمان يسوده
والقضا في حكم من نزل بحق كتابه=والحظيظ اللي من الخشيه يطيل سجوده
المنيه سهم والاسباب ماتتشابه=والسنين تمر وسيوف الخطر مجروده
بامر من لاحول ولا قوة الا به=الثنا والشكر له وإرادته محموده

الشاعر/ دوخي بن محمد بن حريش الشلوي

منقول

رحمه الله رحمه واسعه

مشكوور أخوي عواض على إختيارك للقصيدهـ

لآ هنت يالنشمي

المنيه سهم والاسباب ماتتشابه=والسنين تمر وسيوف الخطر مجروده

[/QUOTE]

رحم الله أبن محيميد وسكنه فسيح جناته.....القصيدة قمه.....مشكور يا عواض
على النقل

الله يرحم شاعرنا حسن بن محيميد ويغفر له ويسكنه فسيح جناته

وفيه يجب أن يقال المدح وفيه أيضاً يقال الرثاء

وصح لسان الشاعر دوخي بيض الله وجهه

ولا هنت يا أبو بريكان على نقل هذه القصيدة الله يعافيك

رحم الله الشاعر حسن الشلوي

وصح لسان الشاعر دوخي على القصيده

لاهنت ياعواض

الله يرحمك ويسكنه الجنه ...
ولهذا يقال الشعر.. مشكور يابو بريكان

بسم الله الرحمن الرحيم

رحم الله الشاعر حسن الشلوي

وصح لسان الشاعر دوخي على القصيده

لاهنت ياعواض

اخواني الكرام

سيف الشدادين

سعود سليمان الحارثي

السلطان

عبدالله الشدادي

المستحيلة

أبوياسر العمري

المعذره عن التأخر على التعقيب على ردودكم

فكلا منكم يستحق موضوع كامل واكثر

وأشكركم على مروركم الرائع وحضوركم المميز

وأسأل الله ان يتقبل منا ومنكم وان يرحم شاعرنا حسن بن محيميد ويغفر له

ويسكنه فسيح جناته

نعم كما قال أبوعبدالله فيه يجب أن يقال المدح وفيه أيضاً يقال الرثاء

ان شاء الله فالأيام القريبه سوف اشارك ببعض من محاوراته

بارك الله فيكم

رحم الله الشاعر حسن الشلوي

وصح لسان الشاعر دوخي على القصيده

لاهنت ياعواض

الله يسكنه فسيح جناته

ويلهم اهله الصبر والسلوان

بيض الله وجهك

اخوي عواض