قبيلة بلي

هذه القصيده موجهه للنقيب فهد البلوي شكر وامتنان لمواقفه الجليه معي امل ان تحوز على رضاء الجميع

ســــــلام الله ســلامٍ يمشي المعنى على ممشاه = يـــوجه للــرجال اللي عــريبات مناسبها
يــوجه للرجــال اهــل الكرم واهل الوفا والجاه = رجـــــالٍ تكسب الناموس والعليا مطالبها
بلي ، والنعـم في قــوم لهــم مجــدٍ ماحد ينساه = ليا رتـبت شـعـب المملكه عـليت مراتبها
لهــم مجـدٍ مسجله الــــزمن ماحدٍ قــدر يمحاه = ولايمحا ولو دارت به الســاعه عقاربها
وانا ما اقصــد ورا مدحي لهم سمعه ولامباهاه = انا اعــد الحـقايق والحـقايق من يكـذبها
انا امـدح مستحق المدح والطيب ما احد يخفاه = ترا عـلم الحيا والطيب تبدى في مراقبها
وانا جــربت رجـــــالٍ على الطاله بـســط يمناه = طـويل ذراع صعبات المواقف مايحسبها
فهـد ياسعـد من جــالــه فهـد ياسعـد مـن ينخاه = ليا جته النشاما ما تـوانا عـن مطالبها
وهــذا ماهوب مستغرب على مثله ولا شرواه = كما حـــرار الصقوراللي تعشيها مخالبها
وصـلــى اللـه علـى محمد عـدد مـزن تنثر ماه = وعدد رسم الحروف وعد قاريها وكاتبها

الشاعر : متعب الشدادي

صح لسانكـ أخوي متعب


والنقيب فهد البلوي يستاهل كل خير


لا هنت يالغالي على القصيدهـ

صح لسانك أخوي متعب

قصيدة جميلة ورائعه

صح لسانك وإعتلا شأنك اخوي متعب

قصيدة جزله ولاهنت أخوي متعب

وقبيلة

بلي غنيه عن التعريف ويستاهلون المدح

مشكور أخوي متعب
على ذا الابيات الرائعه

صح لسانك ولاهنت يامتعب على

القصيده الراااائعه في انتظار جديدك

يا هلا يا متعب

صح لسانك يا الغالي .... ننتظر جديدك دائماً .

تحياتي لك

صح لسانك يامتعب الشعار
وينك ماعاد أشوفك في المحاورات؟

الله الله الله يا أبو فراج

وأخيراً شفناك

يا هلا والله وألف مرحبا وصح ولسانك ويستاهل النقيب

البلوي .... والرجال أهل المعاريف وأهل الخير تستحق الفخر بها