يالغربي

السلام عليكم ورحمة الله وبركاتة
ادعو اخوي الغربي للمحاورة كان ماعندة مانع

ولا ياعريب الجد ماشافت العين = تشيب منه وهية بعدها شبابي

بعد شفت بعض الناس صف بسكاكين = يبون الوليمة جعلهم للذهابي

يا مرحبا تراحيب المطر يا ولد عمي سهم القصيد

ويا هلا بك وهلا برجعتك لنا

والغربي بيجي إن شاء الله الليلة أو بكرة

هلا مرحبا في موقعٍ للشدادين=هلا ياصحيبي بعد طال الغيابي
وليمتك يامسحل نصيب الشجيعين=خذوها بقول وفعل قدم الحرابي

يدوم البقا لك ياصعوط المجانين = ولد مير مدري ويش ودا وجابي
نبا المهرة اليا طبوبها الميادين = تدك الحصون المانعة ماتهابي

		المشاركة الأصلية بواسطة : سهم القصيد اقتباس
	يدوم البقا لك ياصعوط المجانين = ولد مير مدري ويش ودا وجابي نبا المهرة اليا طبوبها الميادين = تدك الحصون المانعة ماتهابي

انا يالسنافي نسل ناسٍ سلاطين=تعلوا بعلم الطيب لين السحابي
ولا فيه مهره غير شرواك يازين=يوم انك تدسس عند راعي الحجابي

على وين ياراع المطية على وين= تعديت يابن عبيد عين الصوابي
لكن الغلط مردود والدين فالدين=جديلك سواد الليل والا الغرابي

انا الشاعر الموهوب في العسر واللين=ولا رحت اتاجر فالردى والخرابي
اغني قصيدٍ جزل قدم الموامين=واغوص البحور الهايله والغبابي

ياعيد اتمنا والمنى جنبك متين=تداحم به الشعار والفال طابي

ترا الشعر زينه زين والشين ابة شين=ومزودة تختار فيها الزهابي