مجلة الشدادين للقصائد المختارة

		المشاركة الأصلية بواسطة : السلطان اقتباس
	اسمح لي اقتحم الإغلاق وأقول بيض الله وجهك يا أبو فيصل ولا هنت جهد جبار جداً تشكر عليه ومن رأيي أن تبقي الموضوع مغلقاً حتى لا تتداخل الردود بالقصائد المختارة استمر وفقك الله ،،،، فقد جمعت من كل بستان أطيب وروده .

يـا هلا والله ...


شرفت ولا هـنت يا بوعبدالله ...


شكرا لك وان شاء الله المووضوع يعجب الجميع

أتمنى أن تكمل المشوار يا أبو فيصل

أدري إنك لحالك

وأدري إن الحمل ثقيل

لكنك جملها وما همك حملها

وأنا معك باللي أستطيع

اخوي العزيز ابو فيصل بيض الله وجهك

يالغالي على هذا الجهد الجبار الذي قمت به

في هذا القسم الرائع واختياراتك الرائعه

واسمحلي ان اقوم انا بتكميل الباقي بعد اذنك يابو فيصل

أنثى تثير بلا حرير بـلا هجيـر وزمهريـر=مركب غـرام وجاذبيـة والسحـر ربّانهـا
مثل إشجرة عشقٍ شذاها فاح في كف العبير=اوراقها مـن زود فتنتهـا تـذل اغصانهـا
دلّول فيها من دلالك يا العشق والما كثيـر=جفول حتى الريح ما تقوى تقـود إعنانهـا
غنّوج ممزوج الحكي فيها بلتغات الصغيـر=لاوش وشت بي ثارت عروقي على دمانهـا
تشوفني غير البشر وآشوفها في الناس غير=دولة حلا وسط الملا والزين مـن سكانهـا
البارحه ودعتهـا والبارحـه مانـي بخيـر=والبارحه دنيـا الشقـى تفتّحـت بيبانهـا

للشاعر: صالح الشادي

اختيار الاخ :بدوي فاهم

ياسعود مايجـرح الرجـال ويهمـه=الا الخطاء والجفاء والغبن والحاجـه
وأخوك ماهوب شرط انك جنين أمـه=اخوك من لاضهدك الوقـت تحتاجـه
لوهو من اقصى العرب من نايد الامه=آخير لك من رفيقااا يعقـد حجاجـه
والرجل مايعتبـر زلـة ولـد عمـه=وان جت من اللي هناك يجود علاجه
وانا اعتبر منزلك في عالـى القمـه=وان قسم الطيب تلبس درعه وتاجـه
لاتستمع في رفيقـك هرجـة النمـه=وأنت ابخص الناس في طبعه ومنهاجه
لوكان يزعل عليـك ويحتـرق دمـه=مايستمع فيك هرجـة كـل هراجـه
وأن كان ناوي تصد وتخلـف اليمـه=ياقاك رب السماء والكـون وابراجـه
من صد عني ماجوده بطـرف كمـه=طرد المقفي سبب للرجل فى ا حراجه
قلته وانا اقصد علشان ابـري الذمـه=حتى ضميري يسج ويترك ازعاجـه

اختيار الاخت:فاقده ابوها

الليلـة هـذي واضحـة ليلـة فــراق=حاولـت أعديهـا وعـيـت تـعـدي
ظروف مـا تنطـاق ولا راح تنطـاق=صد القـدر ماهـو بصـدك وصـدي
تعـال خذنـي بيـن أياديـك مشتـاق=قبـل انتفـارق حـط يــدك بـيـدي
بجلس معك ساعـة حبايـب وعشـاق=من بعدها كيفك ولـو صـرت ضـدي
فيني خليط اشـواق بأشـواق باشـواق=واصل معك من كثـرة الشـوق حـدي
ودي المك واحضنـك حضنـة اعنـاق=ياشيـب عينـي كـل مـا قلـت ودي
في خاطري وش خاطري خاطري ضاق=الكـون كلـه ضـاق ماهـو بـقـدي
حتى الدموع الي استحت كبر وأخـلاق=تساقطـت مـن فـوق خـدك وخـدي
لوحة شعر تبكي علـى بيـض الأوراق=بيحت فيهـا مـن ردى الحـظ سـدي
ليلة جفـا وافـراق مـا مثلـه افـراق=حاولـت أعديهـا وعـيـت تـعـدي

اختيار الاخ: سهم المنايا

طلبتك لا تحاكيني عـن أحبابـك ولا ذكـراك=ولا ودي تعلمنـي عـن المـاضـي ولا أدري
أنا ما همني الماضي ولا أيامه قبل ما ألقـاك=أنا عندي بداياتنـا بدايـة عمـرك وعمـري
أخيرا جيت يا وجه قضى عمري وأنا أستنـاك=وجيت بصورة فاقت خيالي وحلمـي العـذري
حبيبـي خلنـا نبـدا حكايتنـا أنـا ويــاك=قبل ما الوقت يسرقنا ولحظات الهوى تسـري
أنا أبغى حبنـا راقـي يـودي لبعيـد هنـاك=لدنيا مـا بهـا فرقـى ولا كذبـة ولا غـدري
اذا عن الوصل أنا عاهد وربي ما بيوم أجفـاك=لأاخجل بالعطا غيري وجازي صبرك وصبـري
أنا طمعانه بوصالك وشـاري بدنيتـي دنيـاك=وحكم الحب في ايدينك تبيع احساسي أو تشري
اذا شاري سنين العمر يا عمري الهوى فـداك=ولو انك بعت لاتنطق أبعـرف عندهـا قـدري

اختيار الاخت:الوجد