عزوة ابن مهرس صعوط المجانين

هذه القصيدة للشاعر متعب بن فراج الشدادي يفخر فيها بالشدادين
واستسمحه لأني وضعتها هنا دون علمه ولا أعلم له أي وسيلة اتصال

نبدا بذكر مكون الكون تكوين=الخالق اللي رحمته نرتجيها
خلّاق الانفس خالق الخلق من طين=حسيبها في ساعة(ن) تحتريها
ومن بعد ذكره نستعيذ الشياطين=ابداية(ن) في ابياتنــــــا نبتد يها
ومن بعدها بذكر فعول الشدادين=قبيلتي عن غيرها منتقيها
عزوة ابن مهرس صعوط المجانين=جلّابة الارواح ماتشتريها
ربعي بني شدّاد كرب المعادين=تدوس الاعداء بالقدم ماعليها
عن المجامل بالشهاده غنيّن=يشهد لها تاريخها ويحميها
يشهد لها سيف(ن) مذهب ومرتين=وظهور خيل(ن) في الوغا تمتطيها
ويشهد لها جيش(ن) حرار(ن) مزايين=ركابها ماينثني ورد فيها
وتشهد لها البيداء وغبر الميادين=وعدود قوم(ن) في الضماء ترتويها
وقبايل(ن) لديار ربعي حديدين=وقبايل(ن) تبعد بعيد تغزيها
منها عتيبه لو تفوق الملايين=افعالنا في جالهم مانتسيها
ومنها مطير مغيرين الموازين=ماجتلنا لكن حنا نجيها
ومنها سباع اللي بعدهم غنيين=كم من حلال(ن) خيم الفقر فيها
ومنها البقوم موسعين الطواعين=وقفاتنا قدامهم نحتميها
ومنها بعد قوم القلاع المحاصين=غامد وغامد لو علت نعتليها
ومنها قبايل للقبيله موالين=عليهم الميلات مانرتضيها
لكن شغل ابليس تفريق الاثنين=ذي شغلته بين البشر مهتويها
تلقاه يسعى بين الاخوان بالشين=والناس ربي بالحسد مبتليها
ومن بعد ذكر فعول ربع(ن) شجيعين=بذ كر طبايعهم ولا بحتصيها
ربعي بعسرات الليالي كريمين=اتقدم الجزلات للي يجيها
يشهد لها من قال بالشعر بيتين=بيتين ابدل وزنها ؤحتويها
ياما نزل من مال يم الامرين=في حلة(ن) ضيف العشاء يمتنيها
وربعي ليا صاحت رعاة البعارين=تفرح وتسعد واحد(ن) ينتخيها
وربعي حماة ادخيلها من هل الدّين=وتكمل حقوق الجار لمجاوريها
وربعي ليا جاها فقير(ن) ومسكين=يبشر بجتزلات العطاء من يديها
وخويّها مخدوم في العسر واللين=هذا الوفاء ماتقصره عن خويّها
ربع(ن) كرام وفي المجالس سلاطين=ربت على كسب المدايح بنيها
اللي ذ كرته ثابت(ن) بالبراهين=ماهي علوم(ن) زايفه مفتريها
واختامها صلوا على مكمل الدين=شفيع هالامه محمد نبيها

الاخ السلطاااان


شكرا على هذا الختار الرائع


وصح لسان كاتبها

والله يعطيك العافيه ياابوو نووووره ويعينك

الله يعين الجميع يا شامخ الذات

هذا واجبنا كلنا وعسى الله يعطينا

القدرة على تكملة المشوار

مشكور لتواصلك الرائع

مشكوووور يابوعبدالله

اختيار اكثر من رائع


يعطيك العافية وعساك على القوة

قصيده رائعه لشاعر رائع وكاتب اروع لحرصه على النهوض بما فيه الفائده للجميع فعسى ان نوفق لمواكبة هذا الركب الذي يحث الخطى ثابتةً ان شاء الله الى القمه ولاشي غير القمه ،،،،،،
شكراً ابا فراج وشكراً ابا نوره،،،،،،

مشكورين لتواصلكم وجهودكم الطيبة

ومنتدانا أنتم دعائمه وركائزه

مشكورين مرة ثانية

الاخ متعب قلت وابدعت جرح الزمان

أخوي قصيده في منتهى الروعه
لشاعر معروف
تسلم يمينك على طرحها لنا في هذا المنتدى
ولك جزيل الشكر

اشكرك على هذه القصيده الرائعه وصح السانك ياشاعر الشدادين
والى الاماااااااااااااااااااااااااااااااااااااااااااااا ام وعين الله ترعاك

جرح الزمان

صقر الشدادين

عابر القارات

حياكم الله يا هلي وعزوتي في المنتدى

الذي يحمل اسماً غالياً علينا كلنا