مرثية شهر تسعة

بعـَـد التحيـّـة و السـلام أخوآنــي و أخـوآتي

أضع بين أيديكم هذه القصيدة و هي عبارة عن مرثية في جدي رحمة الله عليه
و هي موجودة بالنص و بالصوت أيضا ً
إن شاءالله إنها تنال إعجابكم
* يوجد أسماء أماكن و هي بلاد و مزارع تعود ملكيتها للمرحوم بإذن الله
تحيتي للجميـَع

[RAMS]http://www.sh3be.com/song-12621.ram[/RAMS]

شهر تسعه علينا حل و لا أشوفه على السفره=هذا ثاني رمضان يمر و أنا فاقد أعز إنسان
هذاك المذن و يسأل هو وينه غايب ٍ فتره=و هذا باب هالمسجد وحشه الشايب السلطان
درج هالبيت يترجا رجوله تدوسه لو مره=و لكنه بقى صامت فأمل يتحقق الطلبان
تراب الديره يا شاهر يعيد الكر فالنظره=يمينه لا شماله لا يظن إنه نوى النسيان
شجاري البيت يا خيي تجرد من بها الخضره=عقب ما عـِلمت إن جدي رحل للخالق الرحمن
بيار الما و جفت في قعرها مابقى قطره=مصلاه إللي فالعارض هجره الناس و السكان
بقايا زراعته تبكي معاها بلاد أبو الحفره=بقايا الخوخ و المشمش مكسر حزنها الأغصان
الأسهم محتويه القحط مع المكظم مع الفقره=بقايا اللوز يتحسر مع غصن ٍ من الرمان
زوايا البيت تتألم بعد ما أقضى بها عمره=هذاك المجلس الأبكم كره ياشاهر الضيفان
هذيك الغرفه اللي بآخر المنزل نوت هجره=تريد تغادر الديره تريد تهاجر الأوطان
أناظر كل ديره قد مشيناها غدت قفره=ألا يا قبر علمني عسى ماهو علي زعلان
رحل و الكل له يدعي عساه الرحمه و الغفره=رحل و الكل يتحسف و لا مثله بقآ إنسآن
هني إللي لفا جاره بحياته و إلا في قبره=عليه بالحرام إنه سعيد الحظ يا الأخوان
أفكر وش يجيني علم لا منّه بدى بكره=أبي هالناس تلفيني تقول إنه كذب يا فلان
و لكنه رحل من جد عن حدود الوطا بأسره=عسى ربي يصبرني و يرزقني قوى النسيان
الا ياذا الولي يارب تسفّر عتمة الحفره=و تجعل ريحه الراحل من الكافور و الريحان
تسكنه الجنان العليا يا ذا العلم و القدره=ألا يا ربي بالرحمه ترّجح كفة الميزان
و تغفر زلته إنكان له في ذا الزلل سمره=ألا يا من إليك العفو تعفو عنه بالإحسان

الله يا أبو عبدالله

قصيدة معبرة وأكثر من رائعة

واداءك فيها كان جميلاً جداً

ووفقت كثيراً في مؤثراتها بشكل رائع

رحم الله جدك وأدخله فسيح جناته

وصح لسانك يا شاعرنا ولا هنت

		المشاركة الأصلية بواسطة : السلطان اقتباس
	الله يا أبو عبدالله قصيدة معبرة وأكثر من رائعة واداءك فيها كان جميلاً جداً ووفقت كثيراً في مؤثراتها بشكل رائع رحم الله جدك وأدخله فسيح جناته وصح لسانك يا شاعرنا ولا هنت

صح بدنك أخوي السلطان

و الله لا يحرمني هالتواجد يا بعدي

و شهادتك وسام على صدري أعتز بها يالغلا

و جزاك الله الف خير

و عسى الله يرحم جميع أموات المسلمين و المسلمات و يكتب لهم المغفرة و الجنان العلا

لك محبتي و إحترامي

مرثيه حزينه صح لسانك أخوي

وبيض الله وجهك

والله يرحم جدك ويغفر له أن شاء الله

كل الشكر يا الغالي ولاهنت ..

أحتــرامي .,

		المشاركة الأصلية بواسطة : ALMAHKOOM اقتباس
	مرثيه حزينه صح لسانك أخوي وبيض الله وجهك والله يرحم جدك ويغفر له أن شاء الله كل الشكر يا الغالي ولاهنت .. أحتــرامي .,

صـح بدنك أخوي المحكوم

و بيض الله وجهك على هالمرور العطـِـر

و جزاك الله خير

و الله لا يهينك يا بعدي

تحيتي لك

صح إلسانكـ يابعدي وبيض الله وجهكـ

قصيده جميله جدا ورحم الله جدك وأموات المسلمين آمين

وجمعك به في الجنه

صح السانك يا الغالي

قصيده جزله ومأثرهـ .. وأداء صوتي ولا اروع

تسلمـ على المجهود الطيب .. ولا هنت يا الغالي

والله يرحمـ جدكـ ويسكنه فسيح جناته

مرثية حزينة أخوي الغالي
والله يرحم موتانا وموتى المسلمين

قصيده رائعه فاقده خوي ومحزنه

تحياتي لكـ

مرثية حزينه
رحم الله جدك واسكنه فسيح جناته
مشكووور اخوي
تحياتي