افتح ياسمسم والا يافلم ابو كرتون ...!

انا يازماني في فوادي ثـلاث اطعـون=ولاهي بطعنه من سيـوف وسكاكينـي
من افتح ياسمسم والا يافلم ابو كرتون=امورن تغث اكبود حتـى الوراعينـي
وجمهوري الغالي يسوق الشره ويمون=ونا قد شرهات العتـب مـن محبينـي
يقولون ماشاركت واقول هل توحـون=ابي كل واحد يفتـح اذنـه ويوحينـي
لابالله ماشاركت في شاعـر المليـون=لواني على المليون تومـي شرايينـي
ولكن انا مانـي بخبـلٍ ولا مجنـون=اجي وقطع ارزاق الضعوف المساكيني
ولامرّ وادها اني علي للرجال اديـون=ومليـون واحـد مايسـدد دياييـنـي
الاياحمام الورق يااللي تجـر الحـون=تغانم زمانك بيـن خضـر البساتينـي
تراها لا ركبت كل جمره على الغليون=وراد الله انه يصفي الماء من الطينـي
حشرنا الضباء بقرون والابدون اقرون=اقرون الظبي تصلى على النار وتليني
مثل ماوطى هامان والاوطى فرعـون=ثياب الشرف ماتستـر الاالشريفينـي
الاجواد مدت للمواهب اكفوف العون=وهاذي صفاتٍ من صفات الكريمينـي
والاقزام تهدم كل ماأهل الكرم يبنـون=اصروحٍ من الامجاد ماهي من الطيني
بنتها الكفوف اللي كرمها سحاب امزون=ارموز البطوله نصرة الحق والدينـي
غضبهم وأنا سلطان يهتز منه الكـون=وكرمهم تربع فيـه حتـى البعارينـي
اجبالٍ قممها فوق والها حجا وركـون=اليا مر طاريها على الراس والعينـي
بطوله عربيـه وتاريخهـا مصيـون=عـن الاستهانـه باالقيـم والقوانينـي
واليامن لحقني من زماني جفا وغبـون=تذكرتهم ومسيـت فـي راس علّينـي
عساالله يهونها على الناس لين اتهـون=وتزين القرايه فـوق روس المجانينـي
اضعاف العقول اللي تهبد على مالـون=على كـل ملـواحٍ تهـز الجناحينـي
ماتنظف يديهم لو تغسل من الصابـون=كثر ماتقدمها علـى الزيـن والشينـي

سلطان بن وسّام الهاجري

يقولون ماشاركت واقول هل توحـون
ابي كل واحد يفتـح اذنـه ويوحينـي
لابالله ماشاركت في شاعـر المليـون
لواني على المليون تومـي شرايينـي

صح لسان الشاعر سلطان الهاجري
ومشكور يابدوي فاهم على النقل الرائع
تحياتي

ماشاء الله القصيدة شامله كل شيء

أفلام كرتون - شاعر المليون - العطف على الفقراء والمساكين - ذكر الأمم السابقة

رضا الوالدين والبر بهم - طلب العفو والرحمه من الله ..

بس ايش الغرض الرئيسي من القصيدة أحس ماني فاهمته قصيدة غامضة ..

تسلم أخوي بدوي على النقل...

		المشاركة الأصلية بواسطة : الغربي اقتباس
	يقولون ماشاركت واقول هل توحـون ابي كل واحد يفتـح اذنـه ويوحينـي لابالله ماشاركت في شاعـر المليـون لواني على المليون تومـي شرايينـي صح لسان الشاعر سلطان الهاجري ومشكور يابدوي فاهم على النقل الرائع تحياتي

ياهلا والله .. يا الغربي


صح بدنك بالنيابه


سلمت ولاهنت

		المشاركة الأصلية بواسطة : عايشة بعز أبوها اقتباس
	ماشاء الله القصيدة شامله كل شيء أفلام كرتون - شاعر المليون - العطف على الفقراء والمساكين - ذكر الأمم السابقة رضا الوالدين والبر بهم - طلب العفو والرحمه من الله .. بس ايش الغرض الرئيسي من القصيدة أحس ماني فاهمته قصيدة غامضة .. تسلم أخوي بدوي على النقل...

اهلين يا عايشه :joystick:


افلام كرتون >>>>> يقصد ( افتح ياسمسم ) تذكرين نعمان وعبله وميسون ( ياحليله ) هذولي طال عمرك يشبه الشعراء فيهم و ( الافلام كرتون ) هذي البرامج اللي تعرض للشعر في الوقت الراهن

شاعر المليون >>>> معروفه

العطف على الفقراء والمساكين >>> يعني ان الشعراء اللي شاركوا في شاعر المليون على قد ملابسهم ومايبي ابووسام يقطع رزقهم ( واصلا المليون ما تسدد ديونه )

ذكر الامم السابقه >>>>> هذا هامان ساحر بتاع فرعون ( وش الجديد )
اقول لك الجديد شنهو هذا هامان وفرعون يقصد فيهم شاعرين غير الشاعر اللي هو يهدده ومسميه
( حمام يجر لحون ) ويقول اصبر علي واسوي بك مثل ماسويت فيهم واخذ راحتك وغن في خضر البساتين لين اجيك

رضا الوالدين والبر بهم >>> هذا موضوع المسابقه في المنتدى الإسلامي والا في القصيده مالقيته

طلب الرحمه والعفو من الله >>>> اي والله يا عايشه الله يعفو عنا وعنك ( آمين )


لاهنتي يا عايشه وشكرا لتواجدك وردك

صح لسان الشاعر ولا هنت يا أبو فيصل على نقل القصيدهـ ..


مودتي لك يالطيب ..!

صح لسان الهاجري

ولا هنت يا مشرفنا بدوي فاهم على النقل الجميل

والاختيار الذوق لهذه القصيدة

تسلم يديك

اختيار موفق يابدوي كل الشكر

والله يعطيك العاااافيه

		المشاركة الأصلية بواسطة : سيف الشدادين اقتباس
	صح لسان الشاعر ولا هنت يا أبو فيصل على نقل القصيدهـ .. مودتي لك يالطيب ..!

ولاتهون حبيب قلبي

		المشاركة الأصلية بواسطة : السلطان اقتباس
	صح لسان الهاجري ولا هنت يا مشرفنا بدوي فاهم على النقل الجميل والاختيار الذوق لهذه القصيدة تسلم يديك

ولاتهون يا بوعبدالله

وصح بدنك