مرثيه في ابو سعود

هذه المرثيه في ابو سعود الشيخ سعد بن عياد الشدادي

رحمه الله رحمةٍ واسعه واسكنه فسيح جناته

دار الزمان وشفت منه المصايب=همي يزيد وحسرتي مالها قياس
ودموع عيني فوق خدي سكايب=والقلب مل امن المصايب والاتعاس
هليت دمعي والليالي غرايب=هليت دمعي ثم ضاعن الانفاس
ابكي على ابو سعود اعز القرايب=رجلٍ وفي ماشفت مثله من الناس
رجلٍ شجيع ودايم البال طايب=من روس ربعٍ متعبه قب الافراس
يلفونه الضيفان من كل صايب=لكن اخذه الموت قطاع الارماس
الموت مايعرف شبابٍ وشايب=دربٍ يسير وكلنا فيه نحتاس
من عقب ابو سعود والبدر غايب= والكون مظلم والليالي بها باس
روح وصار القلب بالحزن عايب=روح شجيعٍ كنه الطير قرناس
الموت لامن حل جاله سبايب =والدايم الله خالقٍ كل الاجناس
جانا الخبر وانا من العلم هايب=والفكر من زوغات الايام محتاس
قالوا توفى اللي يفك النشايب=قالوا توفي طيب الذكر والساس
وجريت ونه من ضلوعي غصايب=ونه مريضٍ ون من شده الباس
ودموع عيني فوق خدي صبايب=دمعه يتيمٍ حال من دونه الياس
واقول يادنيا كفايه مصايب=خلاص يا ديناي شيبتي الراس
شلناه يم القبر والدمع سايب=والمقبره مليانه كلها ناس
حطوه مابين اللحد والنصايب= وعيوننا تدمع والارياق يباس
قفيت وظلوعي بصدري صوايب=والقلب من حزنه فقد كل الاحساس
ابكي على اللي رابع الشهر غايب=شهر الرمضان اللي به الناس لناس
والحزن في صدري يسوق الركايب=والحال تعبت والزمن مابه اوناس
يالله يامعبود منشي السحايب=ترحم شجيعٍ سيرته ترفع الراس
وصلاه ربي عد ذاري الهبايب=على النبي عداد ماهب نسناس

صح السانك أخوي الغربي على هذي القصيده

ورحم الله الشيخ سعد بن عياد الشدادي وأسكنه فسيح جناته

مشكووور أخوي الغربي

تحياتي لك ..

... المحــــكوم ...

:؛:



الله يرحمة رحمة واسعة وجعل الفردوس الاعلى دارة ..

قصيدة مؤثرة ومعبرة .. واحساس يحزن كل من فقد غالي ..

لفتة وفاء غير مستغربة من الاوفياء امثالكـ ..

سلمت يمنيكـ ولا هنت ..




:؛:

		المشاركة الأصلية بواسطة : المحــــكوم اقتباس
	صح السانك أخوي الغربي على هذي القصيده ورحم الله الشيخ سعد بن عياد الشدادي وأسكنه فسيح جناته مشكووور أخوي الغربي تحياتي لك .. ... المحــــكوم ...

صح بدنك يالمحكوم

والله يرحم ابو سعود ويسكنه الجنه

شاكر لك مرورك الجميل

تقبل تحياتي الغربي

الغربي

الله على هالأبيات الرائعه الجميلة المؤثرة

والقصيدة العظيمة في رجل عظيم يستحق

كل الثناء والمدح حتى بعد موته رحمك الله

يابو سعود رحمة واسعة وجعل مسكنك الجنه

ولاهنت يابو عبيد وصح لسانك وتسلم يمينك يالذيب.

		المشاركة الأصلية بواسطة : #شموخ# اقتباس
	:؛: الله يرحمة رحمة واسعة وجعل الفردوس الاعلى دارة .. قصيدة مؤثرة ومعبرة .. واحساس يحزن كل من فقد غالي .. لفتة وفاء غير مستغربة من الاوفياء امثالكـ .. سلمت يمنيكـ ولا هنت .. :؛:

اللهم امين الله يسمع منك

مشكوره ياشموخ

على مرورك والله يعطيك العافيه

تقبلي تحياتي الغربي

الغربي
صح لسانك على هذه المرثية الرائعة
التي ينبع منها احساس عميق بالحسرة
والأسى على فراق أبو سعود
الله يرحمه ويغفر له

يعطيك العافية
أبو حسام

يالله يامعبـود منشـي السحايـب=ترحم شجيعٍ سيرته ترفع الـراس

اللهم آمين.. تسلم وصح لسانك يالغربي

ابكي على ابو سعود اعز القرايـب = رجلٍ وفي ماشفت مثله من النـاس
يالله يـامعـبــود منشــي السحايـب = تـرحم شجيعٍ سيرته ترفع الـراس
وصـلاه ربــي عــد ذاري الهبايـب = عـلـى النبي عداد ماهـب نسنـاس

صح لسانك يالغربي
وسعد بن عياد فقيد بن الحارث كلهم الله يرحمة ويسكنه فسيح جناته
والخير والبركة في اخوانه سعود وسعيد واولاده والبيت يبقى عامر
بذن الله والدنيا هكذا جمع وفراق وافراح واحزان الله يعين عليها
وتقبل تحياتي

		المشاركة الأصلية بواسطة : الأمــــــــير اقتباس
	الغربي الله على هالأبيات الرائعه الجميلة المؤثرة والقصيدة العظيمة في رجل عظيم يستحق كل الثناء والمدح حتى بعد موته رحمك الله يابو سعود رحمة واسعة وجعل مسكنك الجنه ولاهنت يابو عبيد وصح لسانك وتسلم يمينك يالذيب.

مشكور يالامير على مرورك

وصح بدنك يابو عبدالله

والله يرحم ابو سعود رجال فقيده

على القبيله

مشكور على مرورك مره اخرى

والله يعطيك العافيه تقبل تحياتي الغربي