الشاعر الحضري بداح والبدوية

بدااح العنقري شاعر وفارس ذكره التاريخ وهو حضري يعني ما يشدوون مثل البدوو

ولا يبعدوون عن الماء بعكس البدو الي وقت الشتااء يبعدوون عن الماء لقلة حاجتهم له

وبالقيظ يرجعوون له لحاجتهم الماسه وشدة الضما 000

في يوم من الا يام وكان ايام القيظ جاور ربعه بدوو وكان فيهم بنت جميله جدا وشافها بداح

واعجبته لكن ما قدر يكلمها لكثر صدها عنه وكان بأحد الا يام سباق بالخيل راح بداح لخالته

وقال اذا بدا السباق اجلسي جنبها واسمعي وش تقول عني --

جلست خالته جنبها وبدا بدااح يستعرض بالفرس قدامها مع عيال عم البنت لكن البنت مشغوله

تتابع عيال عمها سالتها الخاله وقالت وش رايك بهالخيال قالت البنت خيال حضر زين منظر

قليل فعل --
انتهي السباق وسال بدااح خالته قال وش قالت قالت الخاله وخر عنها البنت ماهي يمك تقول

كذا وكذا ---

انصدم بداااح وقال ياخاله ادعي بيوم تشوف فعلي فيه 000


وباليوم الثاني صاح الصيااح وقال ابل الجيران اخذوها القووم وذبحوو الرجال الي عندها الي

هم عيال عم واخوان البنت فزع بداح ورد الا بل وذبح المغيرين وجته البنت ومسكت رسن

فرسه ومدحته وبينت له اعجابها بس هو قفا عنها وتركها وقال بنت عافتني والله اشووم عنها

وقال هالا بيات0000

يالله يا ما غزينا وحبينا =وياما ركبنا عاليات المشاويح
وياما علي كيرانهن اعتلينا= ويا ما ركبناها عصير مراويح
وياما تعاطت بالهنادي يدينا= ويا ما تقاسمنا حلال المصاليح
وراك تزهد يا اريش العين فينا= تقول خيال الحضر زين تصفيح
ترا الظفر ماهوب للضاعنينا= قسم هو بين الوجيه المفاليح
يا عود ريحان بوسط البطينا= ومنين ماهب الهوى فاح له ريح
ونهودها الي مالهجها الجنينا=حمر ثمرهن تجرح الثوب تجريح
لاخوخ لا رمان ولاهوب تينا= ولا مشمش البصره ولا بالتفافيح

وسلامتكم
وتقبلوو تحياتي

في امكانك اخي التعديل على الموضوع

بدل وضع مشاركه جديدة

ومشكور على القصه والابيات وحياك الله معنا

ولي عودة لتنسيق القصيدة

انا عارف ان في تعديل

بس مسويها حركه مزووح تجي وترووح

لا تدقق واجد انا ترا مفطوووم في المنتديااات يعني خبره
والقصيده جتني من شايب يعني قالها وهو معدلها وانا نقلتها زي قوله وشكرياااااااا

أسعدتنا بهذه القصة يا بندر الله يسعد أيامك

فهذه قصص وسوالف الأولين أصبحنا نتذاكرها في المجالس

ونتعجب لكثير من أحوال الناس في ذلك الزمان ..

لا هنت يا بندر ونترقب المزيد بإذن الله

الجديد موجود بس خل شيباننا الله يحفظهم يصحوون للسحور
هههههههه
احب مجالسهم اذا تكلمووو كلامهم مفيد وان قصوو القصص تلقا فيها الحكمه 000


تقبلووو تحياتي

	يعطيك العافيه اخوي بنددددددر على القصه وانا اشوف مافي خطا في القصه صح لسان من قالها

تسلم اخوي بايسن وصح بدنك

ولك احترامي وحبي