عيال العود مفلح

بسم الله الرحمن الرحيم
اخواني الاعضاء اطل عليكم اليوم بهذه القصيده التي قلتها في حفل زواج الاخ عيد بن هلال الشدادي في الرياض امل ان تحوز على رضا الجميع ........

الايالله يارب البريه = وياعالم بالاسرار الخفيه
تعلم ذنوب خلقك والخطايا = وانا مسلم ولي ذنب وخطيه
ولكن ياله اغفر ذنوبي = ووجهني على الدرب السويه
انا من دون بصرك ماتبصر = ولو كانت لي عزومٍ قويه
انا قلته ومن خافك يقوله = ومن يعصاك للنار اللظيه
بعدها ياسلام الله على اللي = لهم وسط الضمايرمقدريه
حزامي في اللزوم وتاج راسي= عيال العود قيدوم السريه
عيال العود مفلح جعل قبره = يساقا من هماليل الرفيه
بني شداد ربعي في الشدايد = كما حصون مذاريها ذريه
على وضح النقاء تاخذ وتعطي = على نهج السلوم الاوليه
هل البلجيك والسيف المهند = واهل قحص المهار المسرجيه
واهل نخوه واهل جود وشهامه = وتحما كان راحة للحميه
تفك الباب للضيف المسير = ويلقاله سمان وشاذليه
وتعطي الجار حقه ماتنقص = من حقوقه لو انه زاد غيه
وخوي الجنب ماتنزل مقامه = مواجيب لخوي مع خويه
هاذي بعض الوصايف والمزايا = وهايب جت من رب البريه
بدون قصور في باقي القبايل = ولو جاء في كلامي عنصريه
وختام القول ذكر الله تعالى= ونذكر بعده محمد نبيه
عليه افضل صلاة الله وسلم= عدد ماهبت الريح العذيه

1 حضور اول

صح لسانك يابو فراج وبيض الله وجهك

والشدادين يستاهلون المدح

لاهنت والله يعطيك العافيه

تقبل مروري الغربي

يا مرحبا بشاعرنا المهاجر ...!!

حياك الله يا أبو فراج ويا هلا وسهلا بك وبقصيدتك

وعز الله إن ربعك يستاهلون الطيب وعلومه

وأنت كفيت ووفيت وما قصرت

وإن شاء الله نشوفك متواصل معنا ولا عاد تقاطعا

:؛:



صح لسانك وعلا شانك ..

يستاهلون الشدادين هالقصيدة الجزلة ويستاهلون اكثربعد ..

ماننحرم من تواصلك ..



:؛:

اخوي الفاضل متعب الشدادي
صح لسانك ولاهنت والشاعر مثلك يفخر بمدح ربعه
مدحت وابدعت وربعك يستاهلون المدح وماقلت فيهم قليل من كثير
بيض الله وجهك على هذه القصيدة الرائعة والى الامام بارك الله فيك
وتقبل تحياتي

صح لسانك اخوي ابو فراج

ولاهنت على القصيدة وانت الله يبيض وجهك

ماقصرت في النظم والمحاوره هاك الليله

لك مودتي

صح السانك مليون ويستاهلون الاد شداد

متعب ..حي الشعر الحي

وصح لسانك لين ترضى

ابدعت في الحبك

والسبك واجزلت المدح

للي يستحقونه .. فالك البض

وفالك التوفيق

ونعم ألف مرة بشاعرنا القادم بقوة متعب الشدادي

يالربع والله متعب شاعر له مستقبل كبير

بس يبغى له وقفة وتشجيع من الشدادين خاصة وبني الحارث عامة

شوفوا وقفة مطير مع شاعرهم تركي لين طلعوه وهو شاعر عادي جداً

		المشاركة الأصلية بواسطة : الغربي اقتباس
	1 حضور اول صح لسانك يابو فراج وبيض الله وجهك والشدادين يستاهلون المدح لاهنت والله يعطيك العافيه تقبل مروري الغربي

صح بدنك والله لايهينك