مكياجها من ربها اللي خلقها

جتني وضحكتها تسابق خطاهـا=وعلى محيّاهـا تجسّـد غلاهـا
قمر وتفرق عن جميع الكواكب=في حجمها في وصفها في ضياها
بنت وعليها الزين فايـق ولايـق=سبحان فارق وصفها عن سواها
استغفر الخـلاق مانـي بظالـم=إن قلت ما شافت عيوني كماهـا
رهيفة إحساس ورقيقة مشاعـر=صدوقة في حبهـا وش حلاهـا
الله وهبها عن جميـع العـذارى=زين ويحق لهـا وربـي تباهـا
مفتون انا في حبها واعذرونـي=جمالها من قبلهـا مـن وراهـا
يا حظ عيني يوم عينـي تراهـا=ويا سعد قلبي يوم قلبي معاهـا
هني من نومه سكن فـي هدبهـا=وهني كحل (ن) ما يفـارق صباهـا
مكياجها من ربها اللي خلقهـا=طبيعـي و قلبـي تنفـس هواهـا
وعطرها الفـواح منهـا وفيهـا=ورده ولا يذبحنـي إلا شـذاهـا
والمبسم الصافي وبيض الثنايـا=وجمال أمسى واكتمل في شفاها
وعيون سود وناعسات و كحيلـة=تقول ليـل حاطهـا واحتواهـا
عن وصفها تعجز بيوت القصايد=سبحان رب ما حرمهـا عطاهـا
جمالها يقهـر قلـوب العـذارى=جمال ياكم مـن عيون سباهـا
من حبها راحت عظامـي برايـا=مدري متى روحي تفارق شقاهـا
ما غير أنادي بسمها في منامـي=من كثر ما قلبـي تمنـى لقاهـا

اخوي راع الوفاء

احييك على هذه الرائعه

وهلابك بين اخوانك

وان شاءالله نشوف جديدك

معنا على طول

صح لسانك

اخوك

زعيم الحب

كل الاحترام

صح لسانك ولاهنت اخي الكريم

راع الوفاء

نتمنى نشوف جديدك دايماً

دمت بود

رهيفة إحساس ورقيقة مشاعر = صدوقة في حبها وش حلاها
راع الوفاء
صح لسانك وبيض الله وجهك قصيدة وافية من شاعر وافي
وتقبل تحياتي

صح لسانك يابو ماجد

وبيض الله وجهك

على هذه القصيده الرائعه

بروعه تواجدك

في انتظار جديدك يالغالي

تقبل مروري الغربي

يا هلا بشاعرنا راع الوفاء

حياك الله يالذيب وحي ما جيت به

عز الله ما فيه شيء أروع من الجمال الإلهي ولا أحسن منه

صح لسانك ولا هنت وإن شاء الله بيكون لك ديوان شعري

من ضمن دواوين شعراء منتديات الشدادين