قصيدة الملازم الحارثي في الأمير سلطان

السلام عليكم ورحمة الله وبركاته ........................أما بعد إليكم قصيدة الملازم الحارثي في صاحب السمو الملكي الأمير: سلطان بن عبدالعزيز ، عندما مازار مركز الجيش بالجنوب وعسى أن تحوز على إعجابكم :

خل النياح وفارق العش يا طير=غرد وهز الريش في كل عالي
اليوم هذا غير وأيامنا غير= والبارحة ما هي سوات الليالي
الأرض صارت في عيوني نواوير= والبدر تم وجا مكان الهلالي
وابها تحدت في بهاها الغنادير= فلت جدايلها وقامت تلالي
وفي وجه خالد للفرح ألف تعبير = وحجاج فيصل فيه كل ابتهالي
من السعادة باقي شوي ونطير= عز الله ان اللي لفا الدار غالي
يا مرحبا ما غرّدن العصافير = يا مرحبا ما زاف نبت السهالي
ترحيب احلى من حليب المصاغير =وضح رعت روض ربيع وخالي
باللي شكت رجله طوال المشاوير= يا طى بها درب الخطر ما يبالي
قرت عيون اللي يحبون يامير = طاريك.. والاّ الحين شفتك قبالي
يا ما حسبت الوقت حسب الدنانير = اسامر انجوم الثريا لحالي
مبطي وانا اسمع فيك وصف البياطير= واليوم جالي في القصيده مجالي
يا سيدي مال القوافي معاذير = عن البيوت الوافيات الجزالي
من لا جعل للمدح قيمه وتقدير=ماظنتي يلفت ذهون الرجالي
وانت الذي معك السحاب المزابير =تمشي ويتبعك الحيا والخيالي
وانت الذي باسمك تباح الاسارير= ومثلك له اسماءٌ عراض طوالي
سلطان يا سلطان من يومك صغير= ما في بسلطانك وشخصك جدالي
كانوا ولازالوا يسمونك الخير = وياكثر الاسما اللي تزاحم فبالي
كريم سبلا الا زبون المخاسير = طلق الحجاج الا بعيد المدالي
درع البلاد الا طويل الاشابير=ابو اليتيم الا عشيق المعالي
لا والله ابن مسطر المجد تسطير = على حصى الأرض ونفود الرمالي
واخو فهد ذروة سنام المشاهير= صفوة ملوك الارض باول وتالي
فهد ولا قلنا فهد جاوب النير = تهتز لاسمه راسيات الجبالي
زعيمنا اللي للعلا واصل السير = حتى تعلينا على كل عالي
ماللطموح بوسط راسه معايير = ولا للعوج عنده ياكود اعتدالي
اليا زعل تزعل ملوك وجماهير= وليا رضى ينهي جميع الجدالي
مايشبهه غير الثنين المناعير = انته. وأبو متعب كريم السبالي
عبدالله اللي فيه من سالم الزير=خطل اليمين الليث حام التوالي
سقم العدو اليا هرج دون تفكير=رده على العدوان جاهز وحالي
نفخر بكم والا القصايد تعابير =يا شيوخ نجد الشعب كله موالي
والله لو فيكم عن الملك تقصير = ما خصكم ربي عظيم الجلالي
منّا وفينا ما لفيتو مداوير = حكامنا وقت الدهور الهزالي
ورث الجدود امن الليالي المعاسير = قبل القصور وقبل صرف الريالي
هاك الزمان سلاحنا حملة بعير = ومن يومنا متوثقين الحبالي
منهاجنا واضح ولا فيه تغيير= نموت ما نرضى عليه البدالي
مااستعمرونا اللي غذاهم خنازير=تشهد لنا شهب السنين الخوالي
من قبل عاشر جد أبو بوش وبلير = ما هي ثلاث شهور والا حوالي!
واليوم في وقت الرخا والتياسير = شفنا العجب! لا والله الا الهبالي
يا كثر ما قامت تسوق المقادير = ويا شيب عيني لاذكرت وطرالي
المسجد اللي هزه اصوات تفجير = في حزة فيها يجاب السوالي
والمسلم اللي ذبح من دون تبرير= ودم الرضيع اللي على الوجه سالي
بنشدك يا مكفر هل الدين تكفير = وش حكم ذبح المسلمين العزالي؟
تدبر القرآن والهدى تدبير= واخذ الجواب بصيغته والكمالي..
فضحكم الله يالوجيه المغابير =يا طغمة التخريب والانحلالي
واللي على الفتنه تدق المزامير= نعرف مطامعهم على كل حالي
ونعرف من يدفع رسوم الفواتير= يا الحيه اللي جحرها الاحتلالي
لنحورهم حنا سوات الازارير= حنا حماة الدين ياهل الظلالي
الارض نزرعها رماح ومسامير= يحرم عليهم وطيها بالنعالي
ديارنا ماهيب كابل وكشمير = يا هملالي صدق يا هملالي!!
حامينها الاجداد عج ومعاصير=بسيوفهم على ظهور الجمالي
واليوم يا سلطان شفهم طوابير =ملّوا من المجلاس تحت الظلالي
يبون يوم فيه للحق تكبير =عن الكلام تبان فيه الفعالي
يا سيدي قل وش تبي بس ويصير=حدد هدف لو هو عسير المنالي
فالجو نفاثه وفالقاع جنزير= وان متّ هاك اليوم من طيب فالي
هذا وطننا ماسكناه تهجير = الجيش واحد ما حملنا الحمالي
لو ينتخي عرعر تلبيه خرخير= كل الجنوب يصير جنب الشمالي
لا يا وطن لا تحسب إنّا مدابير = لو الدهر في بعض الاحيان مالي
طالبك لا تجفل من الوقت وتذير = وكلّ ابناك وبالله الاتكالي
وان كان ما شفت السعد والتباشير =عيب علينا لبسنا للبدالي
نذر علي لحرسك وافديك واغير= ديني. وعرضي فيك. وأغلى حلالي.
واللي يأثر فيك بأيّات تاثير = ابرى منه لو كان عمي وخالي
وان مت واخذتني صروف المقادير= والله لوصي فيك حتى عيالي

صح لسان الملازم مشعل بن محماس الحارثي

ومشكور يالصقر على النقل الرائع

ولكن اتمنى التقليل من المواضيع

ومراجعه شروط القسم

مشكور على النقل الممتاز ... وصح لسان الشاعر :

مشعل بن محماس الجياشي الحارثي

مشكور على النقل وصح لسان شاعرها

صح لسان الملازم مشعل بن محماس الحارثي

ومشكور يالصقر على النقل الرائع

صح لسان شاعرهاا

اخي الصقر الجريح القصيدة لها اكثر من سنتين

والاعضاء ودهم بشي جديد ياليت تطرح الشي الجديد

وتتجنب القصائد القديمه اللي طرحت قبل كذا

وشكراً لك يالغالي

لو ينتخي عرعـر تلبيـه خرخيـر = كل الجنوب يصير جنـب الشمالـي

صح لسان الشاعر مشعل الحارثي

وسلمت يمينك اخوي الصقر الجريح

تسلم الصقر الجريح على النقل المتميز ولصح لسان الشاعر مشعل بن محماس
تقبل مــروري

الصقر الجريح لك الله إني كنت في الطابور الي ما بغاا الضلالي ههههههههههههههه

صح السان مشعل محماااس وصحت أناملك

بيض الله وجه شاعرنا الكبير مشعل بن محماس الحارثي

عز الله إنه كفى ووفى الله يسلمه

وأنت ما قصرت أخوي الصقر الجريح

في النقل والاختيار حفظك الله