قولوا لابو متعب ترى الشعب مقهور

أسعد الله أوقاتكم جميعا بالخير والبركات
كثرت القصائد التي تتحدث عن وضع الأسهم في الآونه
الاخيره واصبحت ثقافة الاسهم ثقافه جديده بما تشمله
من متاعب والام وأحلام تلاشت كما يتلاشى السراب ,
قرات هذه القصيده فاعجبتني واحببت ان انقلها لكم
وهي موجهه لقائد مسيرتنا حفظه الله

قولوا لبو متعب ترى الشعب مقهـور=ياخـادم البيتيـن امسـك عصـاهـا
ضاعت فلوس الناس مع كـل هامـور=ومثلك يعرف البير ويعـرف غطاهـا
من سي لاسوأ وبين عاثـر ومعثـور=وسهمك 0وهو سهمك رموه بخلاهـا!
كيف اشكي العله علـى كـل دكتـور=والطب عندك وانـت تعـرف دواهـا
ماخافـو الله خالـق النـار والنـور=حتـى الأرامـل شاركوهـا بعشاهـا
ياقلبي اللـي فيـه نيـران وحـرور=ضاقت علي دنيـاي وسكـر فضاهـا
سوقك بلون الـدم باسبـاب مغـرور=يضغط علـى سابـك وكسـر يداهـا
في عشر اواخر نرجي الذنب مغفـور=قامـوا علينـا قومـة ٍ مـا وراهــا
واعمار صارت دمهـا اليـوم منثـور=وخاب الرجاء باعمار واللـي رجاهـا
ياما بنينـا فوقهـا ابـراج وقصـور=وراحت سدى والسوق دحـدر معاهـا
كم شاب قال ابغى اتزوج من الحـور=وافلس وبيره جف مـا شـاف ماهـا
وكم راعي أسره أصبح الصبح مفقـور=العيـد بكـره واسرتـه مـا كساهـا
وقمت اتفكر وادرس الـراي والشـور=قلت ازبن لصقر العروبـه .. ذارهـا
بكلمه تجي من عنده اليـوم مسـرور=والسوق يرجع عشب يـروي ظماهـا
يادرعنا لا صـار بالكـون عاصـور=كم صرخة ٍ للنـاس تسمـع صداهـا
يالحر 00 يابن الحر 00 والحر مخبور=قاد الحـرار الشامخـه فـي سماهـا
ما يلحقك يا سيـدي شـك وقصـور=لكـن رسالـه ياصـلـك محتـواهـا
انـك ابونـا والرجـا فيـك موفـور=عدلك شمـل كـل الديـار وغشاهـا
جوني يعزوني على السـوق ماجـور=قلت البقـا بالشيـخ يطفـي لظاهـا
ويرد لون السوق عشبـي ويخضـور=مثـل علـم دار السعـود وصفـاهـا
خيرك عميم وشاكر النـاس مشكـور=ومزن الحيـا عـم البـلاد وسقاهـا
انت الرجا بعد الولـي تدفـع الجـور=واسلم عساك تدوم وتحمـي حماهـا

قصيده جميله لاهنت يالصقر

على النقل الرائع

ولكن اتمنى التقليل من المواضيع

جوني يعزوني على السـوق ماجـور
قلـت البقـا بالشيـخ يطفـي لظاهـا
ويرد لون السوق عشبـي ويخضـور
مثـل علـم دار السعـود وصفـاهـا

قصيدة أستراتيجية أخي الصقر الجريح
وصح لسان قائلها ولا هنت يا أبن الرجال

قصيدة رائعة وتسلم على النقل





تقبل مرورى

الله يعين الشعب على بلواه ومشاكله اللي ما تنتهي


لكن فرج الله قريب وتنتهي كل الأزمات المالية

شكراً أخي الصقر الجريح

الله يعين المسلمين

مشكور اخوي الكريم

كل الود

مشكور اخوي تقبل مروري
تحياتي ,,,