قصيده للشاعر الكبير / عواض الحارثي موجهة الى الشاعر المتألق خالد فراخ

بسم الله الرحمن الرحيم

هذه القصيدة للشاعر / عواض بن غراب الحارثي

ومسندها للشاعر / خالد بن فراخ الحارثي

علما ًإن الشاعر عواض غراب الحارثي غني عن التعريف وهو من كبار شعار المحاورة في

منطقة حائل والقصيم ومن فحول شعر النظم أمد الله في عمره على طاعته وارجوا من الله عز

وجل أن يوفقه في مسيرته الشعرية

سلام عد الورد والورق لا ناح=وعداد علماً بالصحافه يذاعي
يا عزوتي يا خالد الصبر ذباح=أنخاك يا خالد وطق الصباعي
قالوا تصبر يا بو مشهور وارتاح=مال الونين مع ازرق الدمع داعي
قلت الصبر يا اهل الوفاء عندي وباح=وانا لحكم الله قيوداً مطاعي
يزوع جوفي زوع ورادت أرماح=وردو على عداً ثمانين باعي
نويت اسامر دلتي لين الإصباح=حتى من المشرق يبين الشعاعي
ولا قاد نور الصبح من شرق وانضاح=عانقت ضلعن مرتعا ًللسباعي
واقول يا دمعً على الخد سفاح=ارو أشجراتً من ضماها صراعي
ما همني كلب ًمن الخلف نباح=الفضل لله تحت فيّة أذراعي
اضرب تهاتيه الخلى لوهي اشباح=واعرف شعور نمورها والضباعي
وارثي سلايل مروية شلف وارماح=دخيلهم محشوم عقب الضياعي
عضيان لا من قيل برق الحيا لاح=اهل شيم وقيّم طويلين باعي
اسم ً على مسمى ما هو قرق ومزاح=ولا تسمينا بالاسم الصناعي
وحنا رجال ًمزبن لكل مضياح=وقحطان تخبر من سئل والرفاعي
خوينا محشوم في عز وافراح=ولو تجرعنا المراره جراعي
حنا شياهينً كما الجدي وضاح=وايضا معشية السباع الجياعي
قومي بني الحارث وأهل تاج ووشاح=لضاقت السيره وجمع المساعي
شرابت الفنجال لصاح صياح=قوم ً على كبود العدا سم أفاعي
يا ما أدخلو من كل لا جي وسواح=ومدهالهم بفجوج نجد الوساعي
أهال خمس البيض كسابت امداح=موتي بغلك يالقلوب الوجاعي
منهو حفظ دينه مع الله ما طاح=ولغير وجه الله حشا ما نراعي
يا شارعين البحر للبحر سباح=بحرً على شطه ترس السواعي
ويا مدورن في بشت ابن عمه ارباح=لبس الاصاله والشرف ما يباعي
اسمع كلاماً يشدي الكيف لا فاح=يبهج صدر منهو للامثال واعي
يشدي حليب اللي ضوت عقب مسراح=ما ترتع إلا في قفار المراعي
في مهمهن ما حوله أصياح ونياح=إلا الترزم بين فيض وقاعي
وهذا وانا ماني لذا الهجر مرتاح=ولاداني الفرقا وطار الوداعي
والعذر ياللي للتماثيل لماح=لو صار في بعض المعان إنهزاعي
وصلاة ربي عد ما تذر الأرياح=على النبي ما سعي في الارض ساعي

صح لسان الشاعر عواض بن غراب الحارثي

وسلمت يمينك على النقل اخوي ابن جربان

يعطيك العافيه

صح لسان الشاعر عواض الحارثي

واشكرك اخي على النقل

ونحن جميعاً في انتظار رد خالد الحارثي

أرحب يابن جربان ومشكور على النقل الطيب وصح لسان شاعرها

ولا تبطي علينا بقصيدك اعجل علينا ولك كل الود

بيض الله وجه شاعرنا الكبير ابن غراب ولا هان

ولا هان أبو نايف الغني أيضاً عن التعريف

ننتظر الرد من شاعرنا خالد بن فراخ

ونشكرك يا ابن جربان جزيل الشكر على نقل القصيدة إلينا

صح لسان الشاعر عواض بن غراب
ولاخ خالد فراخ كفو للرد بقصيدة مماثلة
وشكرا لك يابن جربان على النقل الرائع
وتقبل تحياتي

يعني وش نقول يابو غراب ؟؟

لي عودة تليق بالقصيده..

ومشكور ياحمود على النقل..

شكراً يابن جربان على نقل قصيدة الشاعر / عواض بن غراب واشكره أنه خصني بشكواه من
بين شعراء القبيله هذه ثقه أتمنا أن أكون عند حسن ضنه .
والله يعينني على الرد على هذه المعلقه

يا عزوتي يـا خالـد الصبـر ذبـاح
أنخاك يـا خالـد وطـق الصباعـي

علماً أن هذا البيت الدال أن القصيده تخصني ولكن الناقل ذكر الاسم / كامل لاثبات انها مرسله لي وكذلك
أتصال من صاحب القصيده عليه

صح لسان الشاعر عواض

ابن جربان

متميز في كل ماتجلب لنا من

قصايد وأحداث ترفع الرأس

وفقك الله ورعاك