يا بحر .. فيني من الحزن

يا بحر .. فيني من الحزن .. كثر مافيك =من حزن .. وأوجاع .. وغياب .. وغرايب
لاتلومني إليا شفتني .. دايم أجيك =ولاشفتني دايم .. على الشط .. ذايب
حزني كبير .. أكبر من حدود .. شاطيك =وأقسى من .. جروح الزمان .. العطايب
وإن كان تنشدني فأنا .. مقدر أخفيك =دايم اظن .. ويطلع .. الظن .. خايب
في هالزمن .. أقرب حبايبك .. يشقيك =إلين تدفع في غلاه .. الضرايب
من بعد هذا .. يبتعد .. عنك .. ويجفيك =ماكنه .. بجنبك .. قضى الوقت .. طايب
وإلا .. الخوي اللي توقعت .. يفديك =يفديك عمره .. لاغدت بك .. نشايب
صد .. وتصدد .. مايبي .. سمع .. طاريك=وياما .. أنت .. دونه .. أتعبتك .. الطلايب
لاتقول لي .. بدري .. وتوك .. ويمديك =وتعال .. وأسمع باقي الهرج .. صايب
خلك بحالك .. وأطلب الرب .. يهديك =ولا تنشد اللي غاب .. وين أنت .. غايب?
وإن شفتني غايب .. عن حدود .. شاطيك =أعرف تراني .. تحت .. ذيك .. النصايب
وأعرف تراني .. دايم إن ضقت .. بآجيك =لأني .. أنا .. والموج .. صرنا .. حبايب

خيالي حلم

رائعه جداً تحمل بين حروفها الحزن .. الأوجاع .. الغياب ..

صح لسان من قال

وسلمت يمينك على إختيارك المميز

حزني كبير .. أكبر من حدود .. شاطيك ..
وأقسى من .. جروح الزمان .. العطايب !!


تهت في جمآل هذه الأبيات الرآئع ـه..
سلمت على هذا الإحساس الرآقي ..
دمتـ مبدعاً..

غريب بدياره .....
شجون .... مروركم يعطيني دافع لأبحث عن مايرضي اذاواقكم ....
لكم الشكر على مروركم ...

صح لسان شاعرهاااا

مشكور اخوي الكريم

كل الود

لا هنت أخوي الغالي خيالي

على هذه المشاركات الطيبة

والاختيارات الأكثر من رائعة

تسلم يمينك والله يعافيك

صح إلسان شاعرها

وصحت أوصيبعاتك على النقل ..

صح إلسان شاعرها ومشكور على النقل الجميل
تحياتي ,,,

اختيار جميل وكلام في غاية الروعه
لاهنت اخوي خيالي حلم

مناجاة رائعة بين الحزن الدفين والبحر ..

سلمت يداك أخوي على النقل الرائع..