زواج المديره !!!

(بسم الله الرحمن الرحيم)

كيفكم ان شاالله تكونوا بخير

كنت اتصفح احد المنتديات وشفت هذي القصه وعجبتني قلت لازم اجيبها لكم

وان شاالله تعجبكم ..اخليكم مع القصه

تدور القصة حول مديرة مدرسة عزباء غابت عن المدرسة يومين

ولما عادت

لمدرستها قابلتها المدرسات

سلامات وينك يامديرة ؟

قالت :باركولي تزوجت

قالو مبروك

يامديرة ولكن منهو زوجك ؟

قالت بصراحة زوجي هو زوج إحداكن !!

المدرسات :تكفين علميننا أي وحدة منا ؟

قالت المديرة :والله ما أعلمكن

المهم حاولوا معاها فقالت أنا منيب متكلمة اللي تبي تعرف

هل هو زوجها وإلا لا تجيب بكرا

معها خمسمية ريال وإذا جت توقع تحط الخمسمية على الطاولة

واللي آخذ خمسميتها فهي مهو زوجها

واللي أخلي خمسميتها على الطاولة ولا آخذها فهو زوجها

عيب علي أتزوج زوجها وآخذ بعد منها خمسمية ريال

وافقن المدرسات على الطريقة ويوم جابكرا وكل وحدة منهم معها الفلوس

جت الأولى والثانية والثالثة والرابعة حتى العاشرة

والمديرة تاخذ الخمسميات

يوم جت المدرسة

الـ 11 وبدت المديرة تأفف .. المهم حطت الفلوس على الطاولة

وقالت لهاتكفين خذيها يالمديرة قالت المديرة

اعذريني قالت المدرسة كأنها قليلة حطت المدرسة ألف بدال الخمسمية

قالت المديرة:

أووووووووووووه معليش أثرك أنتي جواهر والله إني

آسفه غلطت ، تنفست المدرسة وقالت الحمدلله يعني بتاخذين الفلوس

المهم أخذتها المديرة ودخلو بقية

المدرسات حتى الـ 23 والمديرة تلعب بأعصاب

كل وحده وفي النهاية

تاخذ الخمسميةالمهم بقي مدرسة وحدة فقط ماجت يوم اتصلو عليها المدرسات

هاه وينك ياأستاذه قالت: والله اني تعبانه وماني جايه

قالت المدرسةالغايبة : هاه من صار زوجها اللي متزوج المديرة؟

قالو لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليهابس يبونها تجي عشان يتطمنون إنها هي لأنه

مابقى إلا هي )

وقالو المدرسات لازم تجين تكفين المهم جت

تسحب رجليها بالقوة ويوم جت تدخل المدرسات

كل وحده مبسوطة أنها مهي هي وبدن يسمن

على المدرسة الـ 24 عشان ماتنصدم

دخلت المدرسةالأخيرة غرفة المديرة وحطن باقي المدرسات

أيديهن على قلوبهن

وحطت المدرسةالخمسمية على الطاولة وضفتها المديرة

يوم طلعت لقنها عادية وما صار شي وفلوسها أخذتها المديرة

قالو يابنات

فيه وحده منكن ماخذت المديرة فلوسها ؟

قالو لا والله

كلنا أخذت فلوسنا

ودخلو المدرسات

على المديرة وقالو أخذتي الفلوس من كل المدرسات

تلعبين علينا

!! منهو زوجك !!

قالت المديرة

المهم الدراهم ( 12000 ريال ) ماراح ترجع

وأنا والله

لا تزوجت ولاشي لين الحين عزوبية ووالله

كنت مريضة هاليومين

ولكني اطلبككن

قبل شهر تدفعن على مية ريال نصلح المصلى

ولا وحدة

منكن دفعت .. قلت والله لأدفعكن 500 ريال

نصلح المصلى

ونشتري مصاحف وقف للمسجد

قالو المدرسات

بردها الله بالعافية فداك الدراهم ولو تبين

زود عطيناك

هو صدق بس

رجالنا ماتزوجوا علينا .!


مايستفاد من القصة

1- المرأة تدفع فلوس الدنيا كلها ولا يتزوج زوجها عليها

2- المدير الناجح هو من يفكر في عمل مفيد إجتماعياً ويستطيع فرضه بإقناع

3- عمل الخير موجود في النفس المسلمة ولكن يحتاج إلى إيقاظ في بعض الأوقات

4- من واجبات مدراء ومديرات المدارس والمدرسين الاهتمام بالمصليات

5- القصة لاتعني الانتقاص بأي شكل من قدر واحترام المرأة


منقوووووووووووووووول


ودمتم

:icon_mrgr :icon_mrgr :icon_mrgr
والله ذكية عرفت شلون تطلع الدراهم وتعلمهم درس ماينسونه في بذل الخير
الله يكثر من أمثلها
ومن ناحية المرأة تدفع فلوس الدنيا كلها ولا يتزوج زوجها <<<هالقصة أكبر دليل
مشكور أخوي على القصة الممتعة
الله يعطيك ألف عافية

حلال والله فيهن يا أبو بندر

فلوس متكومة على قلوبهن ما يدرن وين يودنها ؟

لت كل المديرات مثل هذي المديرة

تسلم يديك يا أبو بندر

		المشاركة الأصلية بواسطة : اقتباس
	1- المرأة تدفع فلوس الدنيا كلها ولا يتزوج زوجها عليها

والبعض منهن تدفع عمرها حتى ولا يتزوج عليها زوجها .. :icon_mrgr

بجد إن كيدهن عظيم ..

لكن ياليت كل الكيد كـ كيد هذه المديرة ..

يعافيك ربي ياأبو بندر وسعت خاطري بهذه القصة ..

سلمت وسلم غاليك ..

متفائل

يعطيك العافية على نقل القصة

سبق وأن طرحتها بمنتدي القصص

خالص الشكر

مافيه شيء جديد عن هذا الجنس
لديهم حنية زائدة "نوعاً ما" ....

ويفضلون أشياء على أشياء
على حسب ماتقتضيه المصلحة ....

يعطيك ألف عافية أخوي متفائل
لاخلا ولاعدم ...

تحياتي لك

اختي

هدوء الشدادين

ياهلا والله فيك

		المشاركة الأصلية بواسطة : اقتباس
	والله ذكية عرفت شلون تطلع الدراهم وتعلمهم درس ماينسونه في بذل الخير الله يكثر من أمثلها

الله يكثر من امثالها فعلا عرفت كيف تأخذ منهن بسخاء لاصلاح المصلى

		المشاركة الأصلية بواسطة : اقتباس
	ومن ناحية المرأة تدفع فلوس الدنيا كلها ولا يتزوج زوجها <<<هالقصة أكبر دليل

طيب انا بودي اسأل هالسؤال

لماذا معظم النساء يراودهن هذا الهاجس وبشكل مستمر

		المشاركة الأصلية بواسطة : اقتباس
	مشكور أخوي على القصة الممتعة الله يعطيك ألف عافية

العفو الله انه يسلمك ويعافيك

مشكوره على تواجدك

ودمت

اخوي

السلطان

ياهلا والله فيك

		المشاركة الأصلية بواسطة : اقتباس
	حلال والله فيهن يا أبو بندر

اكيد حلال مادام يبذل هالمال في سبيل الخير

:icon_mrgr :icon_mrgr

		المشاركة الأصلية بواسطة : اقتباس
	فلوس متكومة على قلوبهن ما يدرن وين يودنها ؟

الله انه يرزقهن من واسع فضله

يارجال خلهن على راحتهن لوماهن ماتحركت الاسواق ولا صار فيه حركة اقتصادية في البلد

		المشاركة الأصلية بواسطة : اقتباس
	تسلم يديك يا أبو بندر

الله يسلمك ويعافيك

مشكور على الحضور

ودمت

اختي

سيدة الاشجان

ياهلا والله فيك

		المشاركة الأصلية بواسطة : اقتباس
	والبعض منهن تدفع عمرها حتى ولا يتزوج عليها زوجها .. بجد إن كيدهن عظيم ..

العجيب ان المرأة ممكن تقتل نفسها حتى لايتزوج زوجها عليها ولكن لو حصل ماكانت تخافه

نراها تستسلم للامر الواقع وتقبل العيش مع الضيفة الغير مرغوب فيها

		المشاركة الأصلية بواسطة : اقتباس
	لكن ياليت كل الكيد كـ كيد هذه المديرة ..

امنية نتمنى حدوثها واستمراريتها مع العلم ان معظم نسائنا ولله الحمد يمدنا ايادي المساعدة لمن يستحقها

		المشاركة الأصلية بواسطة : اقتباس
	يعافيك ربي ياأبو بندر وسعت خاطري بهذه القصة .. سلمت وسلم غاليك ..

تسلمين الله انه يعافيك ويوسع صدرك دوم

مشكوره على حضورك

ودمت

هههههههههههههههههههه
ذلحين ما علي من القصة ياأبو بندر
المهم فيها أن هالمديرة حفظها الله وين مكانها؟؟الهمام الهمام
الصدق والله جزاها الله كل خير على الفكره الحلوه .
عليهن حركات ...في الصميم .
مشكور ياأحلى حكواتي في الحته
تحياتي