فمان الله

فمان الله يا اول من سكن بين الضلوع العوج = عسى دربك سفير ويا عسى الله ما يخليني
توكل لا توادع رح عسى درب الجفاء المسهوج = يصادف درب فرقا عقبها ما تلمحك عيني
سمحت من الهوى ومن القصيد ومن زراق الموج = ورميت أغلى مجاديف الغرام وجيت بيديني
أبا أغرق في عذابك لا رحلت ويصبح المنتوج = قصيدٍ في حياتي سلوتي وإن مت يرثيني
وإذا هبن بنات الريح للذكرى بدون سروج = ابسرج مهرة النسيان وارحل من عناويني
وابنسى لين اسج وارسل الونات فوج وفوج = وابنسى دمع عيني ينتثر وانساك من حيني
صبور? اي والله اني ما ثنيت العزم قبل ادوج = بريضان الجفاء واضما لوصلك لين تسقيني
شجاع? اي والله اني ما عرفت الذل قبل اسوج = قدم رجلي على دربٍ لبيت اهلك يوديني
كريم? اي والله اني ما عرفت الشح قبل تروج = دموعي في عيوني ثم اشح بحسرتي فيني
احبك? حسبي الله ليت مالك في سماي بروج = ولا لك في البسيطه كود شي بينك وبيني
دخيلك لا تلفت رح بفالك واترك المرجوج = تغانم ما بقالك ولاّ انا ماعاد يمديني
فمان الله سق ركبك على درب السنين العوج = ولكن طالبك لـ اقفيت عني لا تخليني

ضيدان بن قضعان

صح لسان الشاعر شكرا على النقل شموخ

فمان الله سق ركبك على درب السنيـن العـوج

ولكـن طالبـك لـاقفيـت عنـي لا تخليـنـي


::

رائع جدا هذا البيت ,,

ورائع هو ضيدان بن قضعان ..

والأروع من هذا هو ذوقك الراقي بـ الاختيار ..

سلمت يداك ..

		المشاركة الأصلية بواسطة : $$$نايف الحارثي اقتباس
	صح لسان الشاعر شكرا على النقل شموخ

صح بدنك

العفو


وشكراً لتواجدك

		المشاركة الأصلية بواسطة : سيدة الأشجان اقتباس
	فمان الله سق ركبك على درب السنيـن العـوج ولكـن طالبـك لـاقفيـت عنـي لا تخليـنـي :: رائع جدا هذا البيت ,, ورائع هو ضيدان بن قضعان .. والأروع من هذا هو ذوقك الراقي بـ الاختيار .. سلمت يداك ..

سيدة الذوق

الأروع منها كلها

تواجدك

نورتي

صح لسان شاعرها

وسلم لنا ذوقك الرائع أختي شموخ شدادية

لك كل الود

وابنسى لين اسج وارسل الونـات فـوج وفـوج
وابنسى دمع عيني ينتثر وانسـاك مـن حينـي


صح لسان الشاعر الكبير بن قضعان

وسلمت يدينك يا الشامخة على نقلك المميز


تقبلي خالص تقديري وأحترامي

بيض الله وجهه

الشاعر هذا أحبه وأحب قصيده

وله قصايد وهو في السجن مع سلطان الهاجري

أبحث عنها كل يوم ما وجدتها


منها يوم دخل عليه في العنبر سلطان الهاجري

رحب فيه وقال ضيدان

مرحبا في حله دونها عشرين باب .....

والباقي اكمله لكم في موضوع مستقل

إن وجدتها

سلمتي على النقل

الله يا شموخ على القصيدة وجمالها

والله على روعتها وقوة معانيها وجزالة قوافيها

تسلم يديك على اختيارك

وننتظر أن نشاهد قصائدك أنتي في القريب العاجل

		المشاركة الأصلية بواسطة : ريم الصحراء اقتباس
	صح لسان شاعرها وسلم لنا ذوقك الرائع أختي شموخ شدادية لك كل الود

هلا ريم الصحراء

الذوق تواجدك

مانعدمك