أرضي غروري

بسم الله الرحمن الرحيم

واسعد الله اوقاتكم بكل خيروكل عام والجميع بصحه وسلامه

قصيده غزليه اتمنى ان تنال اعجابكم

وسامحونا على الغياب الطويل وعلى القصور

ارمي بشالك ثم هزي بالاكتاف=ماغيرك احدٍ معجبتني وصوفه
وتمخطري بالحيل يازين الاوصاف=ثم انحني لي يالهنوف العطوفه
وارضي غرور اللي يصخر لك القاف=الشاعر اللي سكنك في حروفه
شاعر يغني لك على كل محراف=وكل القصايد بالخيال امعسوفه
لجلك ولا غيرك لدنياي ينظاف=انتي هنا قلبي وغاية شفوفه
بيني وبينك وعد وعهود واحلاف=امشي معي والدرب الاقشر نطوفه
نذرٍ علي لرقى معك راس مشراف=واسكنك قصراٍ عالياتٍ سقوفه
واعيش عمري معك ماعندي خلاف=مادام راسي شايلاته كتوفه
واكتب لك اميات القصايد والالاف=واتعب لك الهاجس وامضي حلوفه
واحط لك في داخل القلب صراف=يصرف غلاك اللي تزايد بجوفه
واسهر معك فالليل من دون كشاف=والعب لك السامر وانظم صفوفه
واقول هزي ياحياتي بالاكتاف=ماغيرك احدٍ معجبتني وصوفه
وانا ترى راعي عدالات وانصاف=ولاعمري الحقت المولي حسوفه
لي مع هل الطالات قاله ميقاف=وشخصيتي بين الرجال معروفه
دخلت جو الحب والقلب منلاف=وعزي لقلبٍ قام حبك يلوفه
يقلبٍ يقف نبضه وهو مابعد خافه=ولا يدخله غيرك ويضرب دفوفه
قلبٍ يصون الحب ويصيب الاهداف=ولا كل بنتٍ فالعذارى تحوفه
صابر على الدنيا ولاهوب خفخاف=لكن ماله من يقدر ظروفه

الغربي

اشتقنا لإبداعاتك يـ الغربي

غزلية رائعة كعادة حرفك المختلف

صح لسانك ملايين

وكل عام وأنت بخير

صح لسانك يالغربي

صراحه ابدعت

وكل عام وانت بخير

تقبل مروري

صح لسانك قصيده رائعه

لك تحيتي.

كعادتك حفظك الله مبدع كما انت

قصيدـه غزليـه من أجمل ما قرأت لك يـا أبو عبيـد

صح لسآنك ولا هنت يا بعدي ..

الله الله الله شئ جميل هزي بالكتاف قصيده

غزليه ممتعه لكن ها المره ماحفظة منها ولا بيت ههههههههه

صح للسانك

الله الله يا أبو عبيد

بعد الغياب أكيد بيكون هناك إبداع

أعجبني هذا البيت

ارمي بشالك ثـم هـزي بالاكتـاف
ماغيرك احـدٍ معجبتنـي وصوفـه

خصوصاً هزة الاكتاف وكأنها ترقص دبكة

لا تكون شامية وحنا ما ندري ؟!

لا هنت يا الغربي

		المشاركة الأصلية بواسطة : شجــــــــــون اقتباس
	اشتقنا لإبداعاتك يـ الغربي غزلية رائعة كعادة حرفك المختلف صح لسانك ملايين وكل عام وأنت بخير

تشتاق لك العافيه ياشجون

وحنا ترا اشتقدنا للمرورك وتواجدك

صحت ابدانك

مبدع كـ عادتك أخوي الغربي

وشهادتي فيك مجروحه .!

صح لسانك يا الذيب وبيض الله وجهك


والله يعطيك العافيه .,

ونبي تواصلك مثلأ أول وأكثر ولأعاد تغيب علينا .!


تقبل مروري

		المشاركة الأصلية بواسطة : الجازي اقتباس
	صح لسانك يالغربي صراحه ابدعت وكل عام وانت بخير تقبل مروري

صحت ابدانك يالجازي

ومشكوره على مرورك المميز

تحياتي