حبه بقلبي رغم فرقاه في زود

كتب الاخ سعود عن مشاركتي >جمهور جزل القوافي<

(قصيده امتداد لما سبقها خط شعري متشائم ولكنه جميل)

تلك الكلمات استهاضت المشاعر ونبشت ماخلف اسوار الضلوع

واعادتني إلى طرق باب رثاء من أسال الله أن يجمعني بها في مستقر رحمته

مع العلم بان ماكتبت في حياتها وبعد مماتها لن يكون سوى مجرد رؤؤس اقلام

عن ماتكن لها الضمير من مكانه لايستطيع ان يصفها اللسان أو تصورها المشاعر

ولكن ماأود ان اقوله للاخ سعود هو { very very good}

ياسعود قلبي من عنا الهم مضهود=والحال يعلم فيه رب البرايا
كلمتك نار وصادفت كوم بارود=وساقت قواف الشعر سوق المطايا
برق ٍ ينوض وبه صدى صوت ورعود=وهلة مزون ٍ مثل وبل الرفايا
مع درب نوء ٍ له براهين وشهود=وخلج القوافي له سواة الرعايا
متشائم ٍ من لوعة الوقت ياسعود=وقافي يترجم ماتكن الحنايا
طيف الهنا في دنيتي شبه مفقود=معاد باقي للسعاده بقايا
رغم إن مالي من شديد الحزن فود=وادر إنه بقلبي مسو ٍ سوايا
لو كان مالي به مذمه ومنقود=ناره على قلبي تجر الكوايا
حب ٍ بقلبي رغم فرقاه في زود=أقول يالله ياجزيل العطايا
تلم شملي به بعد قبر ولحود=في جنتك عقب افتراق ونحايا
يارب تسقيها ومن حوض مورود=في ساعة ٍ تحشر عبادك عرايا
لولاه في قلبي رعى قلبي الدود=لكن على حبه تغذى الخلايا
رحل وله قلبي بساتين وورود=صروح ٍ بنت جدرانها من مرايا
بزين النبا والطيب خلت لها حدود=واسوارها من صافيات النوايا
برامج حمايه على القلب وبكود=وصفة جيوش الحب دونه سرايا
تطري عليه كلما هبة النود=واشوف صورتها بكل الزوايا
وطيفه لقلبي نفحة المسك والعود=وفاأحلام نومي ما لطيفه حلايا
ان زارني طيفه وخلق الله رقود=فالنوم يسوى عندي اغلى الهدايا
وإن قمت وليا مالها عندي وجود=هالقومه أقسى من سهوم المنايا
وختامها لسعود( very very good )=وله سقت قاف الشعرسوق المطايا

صح لسانك والله ياتركي

ونسأل الله لك الخير

متشائم ٍ مـن لوعـة الوقـت ياسعـود
وقافـي يترجـم ماتـكـن الحنـايـا

الله أكبر

صح لسانك يا تركي والله يكتب لك الخير يالغالي

الله الله الله

على الابداع

قصيدة جمعت الجزالة والقوة

وعبرت عن لوعة الفراق باسلوب

رائع ،،

يعني وش أقول الا أنك أنت اللي very good

أبدعت فصح لسانك مدد بدون عدد..

وسجل كل أعجابي هنا !

اخوي تركي

صح لسانك لاهنت

ونسال الله ان يرحم من فقدت

ويعوض خير ايها الاخ الطيب

وتقبل تحياتي

حب ٍ بقلبـي رغـم فرقـاه فـي زود=أقــول يالله ياجـزيـل العـطـايـا
تلـم شملـي بـه بعـد قبـر ولحـود=فـي جنتـك عقـب افتـراق ونحايـا

اللهم آمين

صح لسانك يا تركي
وشاعر ما شاء الله عليك

تقبل تحيتي

يااااااااااااااااااااااااااسلام يابوغايب

كفيت ووفيت يالنشمي وجعله آآآآآآآآآآخر المصايب والحزن

صح اللسانك ملايين شااااااااااعر المنتدى الاول بلا منازع

لاهنت يابو غايب وتقبل فائق أحترامي وتقديري

ننتظر جديدك وعلى القوة






دمت بخير


,,,, عناد القاف

	صحت أبدنكم هذا أقل ماأستطيع أن أقوله لكم مني فاااااااائق الاحترام والتقدير

الله عليك يا آبو غايب ،

صح لسانك يالغالي وسلمت يمنآك ..

الله يصبرك ويعينك يالحر

أخوي تركي عبيد الله يسمع منك ويعطيك العافيه ويطول أيامك
وتقبل كل الود