الشاعر مصلح بن عياد والشدادين

بسم الله الرحمن الرحيم

قصيدة للشاعر مصلح بن عياد الشلوي الحارثي

يالله ياربي عليك اعتمادي = انت الذي عندك مفاتيح الارزاق
ما اسبح الا بأسم رب العبادي = في رحمته عاشق و واثق ومشتاق
انا مجاهد والجهاد الجهادي = اجهاد ضبط النفس عن كل فتاق
النفس مثل الطير وقت الهدادي = امارة ٍ بالسوء قطاعة الساق
اللي يفوت من العمر ما يعادي = القيد بذراع الجمل والبل اطلاق
تسمعوا هرج الصحيح الوكادي = الصدق له عند الرياجيل ميثاق
سلام ياقصر ٍ على جال وادي = قصر ٍ عسى باني كيانه ما ينعاق
ابوسعد زبن الضيوف العوادي = شمط اللحى ماهم درابيل الارواق
والكيف بن وهيل والجوهادي = والكبش له مطبخ ومصلخ ومعلاق
ذبح القعود وذبحة الكبش عادي = السوق حامي يامدورة الاسواق
وسوالف ٍ ماهي سوالف دوادي = فيها حكم فيها من الهرج مالاق
في قصر بن هلال نادى المنادي = ياضيف خمس امهيلات ٍ على ساق
مزعفرن فنجالها اشقر يشادي = دم الغزال اللي يباريه تفاق
تلقى حليب مقرقعات التوادي= وتمر الحساء دهمن يفكن الارياق
والمده الجزله ليا جاك حادي = لا جاك ديانك وقال انت بواق
يابادي المرقاب لرجم بادي =و يا بادعين القاف للشعر عشاق
وبأسمي وبأسم مطوعين الاعادي = قوم ٍ ليا ردوا على جرد الاعناق
لا حولوا بمنقشات الهنادي = يامن بهم قلب ٍ من الخوف خفاق
الاد شداد الحضر والبوادي = اهل الشهامه والمكارم والاخلاق
اقدم الترحيب وافدي وافادي = مالي عن وجيه الرياجيل مدراق
يامرحبا يا طيبين المبادي = عداد ما سار القلم فوق الاوراق
وقوتي وياقوتي وشربي وزادي = شوف الوجيه اللي تبشر بالاوفاق
وجيه الرجال اللي تحب وتعادي = سلم ٍ لمن سالم عدو ٍ لمن باق
حياكم الله يا ضناين فوادي = اعلن صداقتكم على روس الاشفاق
اللاش في قلبه حمار وسوادي = صداقته حنظل وعرفج وطباق
الزوم والكبره ماهي من عتادي = والزايده والناقصه والتلصاق
امشي على مهلي واحقق مرادي = وافرح ليا قالوا هذى الرجل صداق
ياجاهل اعقل لا تعيش اتحادي = ياعاقل اصمت لا تضيعك الاوهاق
للحق والباطل تحث الجيادي = للخير سباق وللشر سباق
يا ماشي ٍ درب الغلط وين غادي = اعقل هداك الله ترى العمر ينساق
والعمر يبلا والليالي جدادي = ألحق على روحك ترى الوقت سراق
لا والذي سير عمود الجرادي = ما قرت الدنيا ليعقوب وإسحاق
الدين يا اهل الدين عنبر وكادي = لابد من بعد التجماع الافراق
تمسكوا بالدين غابي وبادي = تذكروا لا ألتفت الساق بالساق
الدين ساس الجد والاجتهادي = نور العيون اللي بها الفضاء ضاق
امشوا على نهج الرسول القيادي = الله يكافيكم بلا سو الاطباق
وصلوا عليه وسلموا بالهجادي = على رسول ٍ ما زرع بغض وانفاق
عليه اصلي عد ما ذاع رادي= وعداد ما خيل من الوسم برّاق

وسلامتكم

صح لسان شاعرها والله يعطيك العافيـــة ياأميرنا ,

مشكور يالضيغمي على مرورك يالغالي

صح لسان قايلها وبيض الله وجهك يا أميرنا على
نقلها وتقبل تحياتي ...........أخوك الرحال

يامرحبا يالرحال حياك الله ومشكور على الرد يالغالي

صح لسان أبو فهد

وبيض الله وجهك يا ابن مهرس

لاعدمناك

صح لسان شاعرنا

ابو فهد ومشكور يابن مهرس

على الاختيار الموفق

صح لسان للشاعر مصلح وبيض الله وجهك يابن مهرس

السلطان
عبدالله الشدادي
ماجد الشدادي
مشكورين على المرور وصح أبدانكم

صح لســان بن عياد ومشكــور يابن مهـرس