قصيده قالها الشاعر بسيس ابن حديد رد على قصيدة الشاعر صالح ابن عايض الحارثي

هذه القصيده قالها الشاعر بسيس ابن حديد في بعض مشايخ واعيان اهالي قياء اللي سبقوه الله يرحمهم جميع

يامرحبا عد المطر من مناشيه=ياشاعر جتني بيوته قويه
من يجت وانا اهد في البيت وابنيه=اخاف بعض الناس تنقد عليه
فيصل فقد عمه وكثرت شكاويه=جعله يطيب من الجروح الخفيه
الوقت هذا مايعلم بطاريه=عوايده من يوم بقعا صبيه
الميت اللي مات وشلون نحييه=نرضى بحكم الله وسنة نبيه
مستور جعل الله من النار ينجيه=عسى مقره في الجنان الفضيه
وبيت بلا عمدان ماينقعد فيه=واللي بلا عمدان مافيه فيه
والعد يافيصل حيا من ظواميه=عقب الشراب الزين يبسة دليه
حطو محله واحد من بناخيه=والا عياله كان فيهم حميه
والساس طيب والرياجيل تبنيه=حتى يجيلك من جماعتك زيه
ياخدي اللي دمعة العين تحفيه=تبكي على عاضه ومطلق لديه
ياعاضه اللي ماتبيت نواعيه=جعله شهيد مع الوجيه الرضيه
والحد عقبه منهو اللي بيحميه=منه اليا نشران والمالكيه
ومطلق وسيع الصدر ياجاهل فيه=شيخ وفريض وكلمته منطقيه
شيخان كن الحي ماسيرو فيه=ومستور والرابع محمد عطيه
يالله ياللي بامرك الرزق تعطيه=تخلف على فيصل وتخلف عليه
الموت لاجا صاحبه مايخليه=ينزله من فوق ظهر المطيه
يتل روحه لين تاصل علابيه=ويجرجره حتى تراقل لحيه
سفر الحضاري يوم مسفر يناديه=قال اصبرو وانا بجيكم شويه
وجته المنيه قبل ياخذ مقاضيه=ماشاف اهله ولا كتبله وصيه
ومسفر قعد شهرين واصبح مخاويه=الموت للمخلوق مسرع مجيه
ويبكيه مشروع على الخط بانيه=بين الجبوب وبين وادي عصيه
شفت الحوادث كل طيب تنقيه=ميالة ماتعترف بالخطيه
والموت يبغاله سمين يعشيه=والمعذره كان القصيده رديه
والطيب اللي كل فرض يصليه=وختامها مني سلام وتحيه

الله يرحم شاعرنا بسيس ويسكنه فسيح جناته اللهم امين
وتسلم ياخوي والى الامام دوما


ماني من اللي بالمواقيف مهزوز
حامض على بوز الزمان اهتزازي
ماهمني رايق ومبدع ومحجوز
ولاتعب براس الخلايق جهازي

رحمه الله وأدخله الجنه

شكرا شكرا لك يا مجموعة إنسان ودمت بود

يعطيك العافيه

اختيار موفق

لك الشكر والتقدير

وجته المنيه قبـل ياخـذ مقاضيـهماشاف اهلـه ولا كتبلـه وصيـه

ومسفر قعد شهرين واصبح مخاويهالموت للمخلـوق مسـرع مجيـه

الله يرحم شاعرنا بسيس ويسكنه فسيح جناته اللهم امين
وتسلم ياخوي والى الامام دوما