صور من الماضي ابيات لسعد ابن حديد ورد بسيس بن حديد رحمهم الله جميعا

سعد يقول:

الا يالله اجعل وايتي مايجيه اخلاف=على شان كل البدو في القيض يردونه
ويسقي لطيف الروح جالي ثمان ارهاف=انا خادم له والعرب مايخدمونه
اهي بنت شيخ في القا يحتمي الميقاف=اليا هون المركي هل الخيل ينخونه

رد بسيس يقول:

الا ياسعد وايتك لو وضبه عساف=اليا هزه البطناج قربع دركسونه
اليا جا يشغل دقر السلف في الحذاف=ولايشتغل لين الجماعه يدفونه
الا واعذابه قمت تعجل به المحراف=ليا رحت به مليان جا مايفضونه
نصيحه هل المضما ترى كسبهم ينعاف=اليا جاك رزق سكرو الباب من دونه
ترى من تعطل عندهم مايجيه اسعاف=اليا غلق البنزين واشتلت جيلونه

المعذره القصايد اطول من كذا مع تحيات اخوكم الراوي انحش جيتك

الله يرحمه

عبر عن همومه اليوميه بصدق التعبير
تحياتي

الله يرحمه ويسكنه الجنه


وشكرا لك يا شاعرنا يا ليتها في القصائد المختاره

عسى الله يرحمهم ويسكنهم فسيح جناته

وشكرا ً لك أخوي الغالي إنحش جيتك

على هذه القصيده وبيض الله وجهك

الله يرحمه ويسكنه الجنه
وشكرا اخووووي على النقل

صح للسان الشاعر بسيس الله يرحمة

لكن أتمنى منك تخلي حجم خط التنسيق 5

شكرا لك يالغالي

الله يرحمهم ويغفر لهم ويسكنهم فسيح جناته
ونعم الرجال والله
ولا هنت يا شاعرنا وبيض الله وجهك ما قصرت
لكننا نطمع منك بالمزيد

الله يرحمهم ويسكنهم الجنة

وياليت تزودنا بالقصائد اللي عندك لجدك سفر بن حديّد ( أخو قطنه ) وقصائد أبناءه عليهم رحمة الله