أبيات وجدانية / يا صرم قلبي للشاعر بسيس بن حديد رحمه الله

يا صرم قلبي عقب فيصل وفواز=يا ليتهم عند السفر وادعوني
فيصل طلع جيد وفواز ممتاز=ماني بناسيهم وهم مانسوني
الكبد فيها حلية النار والقاز=مدري متى راحوا ومتى يجوني
من عقبهم لمشاهد البيت معتاز=وانا من أول كل ما جيت جوني
هم في تبوك وكنهم يم الاهواز=وضاقت بي الدنيا بعد فارقوني
وبالليل مرقد واتلزلز تلزلاز=حتى تبين النجمه ام القروني
تقول يصلاني كما نار خباز=والباب مقفل من ورايه ودوني
اوجزتها للي يحلون الالغاز=وان ماعرفتوا حلها سامحوني

صح لسانك
ابيات جميلة جدا......

الله الله يا شاعرنا
وعسى الله يرحم أبو فواز ويسكنه فسيح جناته
شاعر بحر ويغرف من بحر وما أحد ينكر عليه جزالته

اوجـزتـهـا لـلــي يـحـلـون الالــغــاز
وان ماعرفـتـوا حـلـهـا سامـحـونـي

المعنى في بطن الشاعر على قولتهم
ولا هنت أخوي انحش جيتك

الله يرحمك يابسيس

مازال قصيدك حي

رحمك الله

شكرا لك على جهودك ونبي قصايد أكثر لـ بسيس بن حديد يا أنحش جيتك

ملاحظة :

شعراء بني الحارث عامة والشدادين خاصة توضع قصائدهم في الشعر الشعبي حتى لو كانت منقولة

تـقـول يصـلانـي كـمـا نـــار خـبــاز
والبـاب مقفـل مـن ورايـه ودونـي

سلمت يمناك ولا عدمناك أبيات
تساوي عدد حروفها ذهب , ورحمة
الله على الشاعر رحمة واسعة

بارك الله فيكم جميع وان شاء الله تسمعون الكثير من قصايد المرحوم ابو فواز وقصايد اخوانه

رحم الله شاعرنا أبو فواز وأسكنه فسيح جناته

ولاهنت يالغالي على نقل القصيدة وقصائد أبو فواز تشرى بالذهب