نصيحه قالها الشاعر بسيس للشباب فقط

عزي لرجال يخلي الوظيفه=مافي يده مكسب ولا راس مالي
وعزي لتباع النفوس الضعيفه=رجل يجيه النوم والجيب خالي
وعزي لمن خلا العلوم الشريفه=وصلاة ربي كبها مايبالي
وعزي لمن خلا مواجيب ضيفه=ولاقدم الميسور من كل غالي
وعزي لمنى صارت حياته كسيفه=رجل وجنب عن دروب الرجالي
وعزي لبايع سلعته بالنصيفه=على فقير عذبه بالمهالي
وعزي لرجال لبوسه نضيفه=جوف اسرته مامدهم بالريالي
وعزي لمن زال اليالي مريفه=تحت المكيف راقد في الظلالي
ياكدي اللي راح ماله خليفه=قعدت في بيتي وحيد لحالي

7

وصيّة توعوية وإرشادية على مستوى عالي
مانقول إلا الله يرحمك ويغمد روحك الجنّة يا أبو فواز

والله لايهينك أخوي على نقل هذه القصيدة ،

ودام تواجد شرواك يابعدي فيما تجلبه لنا من قصائد
جزلة وبها من الفائدة الكثير ..

الله يرحم أبو فواز ويسكنه فسيح جناته
ولا هنت يا أبو محمد وعساك على القوة دوم
كفيت ووفيت وإن شاء الله يكون لأبو فواز صفحة مستقلة

بارك الله فيكم جميع
مارح ابخل عليكم بقصايد شعرانا الكبار امثال عبيد ابن سلطان وعويض ابن علي
وغيرهم الكثير وان شاء الله نكون متواصلين معكم بفضل حضوركم اللي يبهج الصدر