اهداء لقبيلة الحرث عامة والشدادين خاصة

هذه القصيده اهداء لقبيلة الحرث عامه والشدادين خاصه

من الشاعر / مقيم مرزوق السبيعي

الذي استاذنته في نشرها في هذا الموقع الشامخ

والقيت في حفل زواج الشاب / ثواب بن معيش الشدادي الحارثي

بحضور الشيخ / علي ابن مهرس يوم الخميس 1/8/1430هــ

يالله ترزقنا بجنات واظلال=في حزة تجزآء النفوس بعملها
وتغفر لنا يارب وتجمل الحال=وانفوسنا يارب تغفر زللها
إلا ولي مده وانا الفكر شغال=وادور الندر واحلي جملها
واتعب على الابيات واظرب بها امثال=وادراء مناقيد الرجال وزعلها
من بعدها واعداد واد اليا سال=واعداد ما مر الديار وغسلها
سلام للحرث كريمين الافعال=إعداد دورات السنين ودبلها
اهل الكرم لاشحة الناس بالمال=واهل المواقف يوم محد وصلها
يردون ميراد الظوامي على الجال=في ساعة ماكل رجل جملها
في ساعة فيها يضيعن الاقوال=وصم الرمك ترد المنايا بهلها
مواقف الابطال تحفظ للابطال=ويبين فالشدات دايم بطالها
اسوات ابن مهرس مبارك اليا شال=تصعب احموله ماحد يحتملها
قال البهاره جالها اليوم نزال=وياشين فال اللي بجيشه نزلها
وخذوالهم يومين والحرب فسجال=وفازو ونالوا وطردوا دخلها
ومحمد الجار الله العام وش قال=لاجيت عقال الرياجيل سلها
قلته وانا ربعي سلاطين وجبال=روس الجبال اللي يذري جبلها
اليا رضوا غيث على الارض همال=لاحل بالقيعان يظهر نفلها
وان زعلوا الله يدفع الشر زلزال=ايحول بعال الهضاب ال سهلها
سبعان لادارة رحى كل محال=وعيال خلق الله تزايد عيلها
انعيل ونداوي عمى كل عيال=ونخلي الجهال تنسى جهلها
ويوم العرب فالجوع واحوالها احوال=مداتنا لا ما يدور بدلها
اهل الثلاث اللي بقت عبر الاجيال=رمز الكرم والجود للي فعلها
ومن غير قاصر كل عود له اعيال=وتاريخنا كل القبايل شملها
واليوم في عز ومهابات وإجلال=من يوم جانا اللي بحكمه عدلها
وصلوا على شفيعنا يوم الاهوال=اللي دعا الامه وغير جهلها

مقيم مرزوق ابو زوير السبيعي

صح لسان الشاعر مقيم كفى ووفى
ماقصرت في نقلك الله يعطيك العافية

يا هلا والله بأخونا السواح والله يحييك في منتديات الشدادين
نرحب بك أجمل ترحيب بيننا ونتمنى لك حضوراً موفقاً ومشاركات طيبة
وصح لسان الشاعر مقيم ولا هان والله يحييكم كلكم معنا
وننتظر أن توافينا بالمزيد من قصائد هذا شاعرنا مقيم

كفووووووووو والله .. صح لسانه ملايين

وبيض الله وجهه .. قصيدة جزلة من شاعر جزل

ونعم فية وفي ربعه سبيع الغلباء أهل الفعول الطيبة

أخوي سواح لا هنت يا ذيبان على النقل

والله يعطيك العافية .!!

قصيدة
جزلة من شاعر جزل
ونعم فيك وفي ربعك سبيع الغلباء أهل الفعول الطيبة

أخوي
سواح
لا هنت يا ذيبان على النقل والله يعطيك العافية .!!

		المشاركة الأصلية بواسطة : رعد الجبوب اقتباس
	صح لسان الشاعر مقيم كفى ووفى ماقصرت في نقلك الله يعطيك العافية

صح بدنك ولا هنت

هذا واجب وابو مرزوق يستاهل من يخدمه

صح السان الشاعر مقيم
ونعم بالغلباء واهل الثلاث
بدون قصور بجميع القبايل
كفى ووفى وبن الحارث اهل العلوم الغانمه
تقبل تقديري وردي ونتشكر على النقل الرائع
اخوك ابو عبدالمجيد

صح لسان الشاعر الجزل/ مقيم بن مرزوق السبيعي

وبيض الله وجهه ووجيه ربعه كلهم وحضورهم في حفل بنيخيهم شرف لنا وفخر

واللي بيننا وبين سبيع تتقاصر الحروف في التعبير عنه فهم عوانينا وجيراننا وأصاحبنا

والتاريخ يشهد على هذه المحبة من عصر الشيخ سعد بن قطنان السبيعي والشيخ مبارك بن مهرس

بيض الله وجه الشاعر مقيم بن مرزوق وصح لسانه مدد بلا عدد

مواقف الابطال تحفظ للابطال
ويبين فالشدات دايم بطالها

بيض الله وجه الشاعر مقيم وصح لسانه وفى وكفى
والله يعطيك العافيه اخوي السواح علي النقل الرائع
الله لا يهينك

صح إلسانك يالسواح

ومرحبا بك ودمت بود ..

وكفو أنت كفو ..