كذب الوجيه

ياكثر الوجيه اللي تحب الغدر والزيف=مابين الوجيه اللي تشابه ملامحها
وجيهٍ مخيفه بالخفا والزمان امخيف=زمانٍ يحلل سالفتها ويشرحها
مابين النوايا الزايفه حرفة التحريف=تبطن خيانتها وتظهر تسامحها
يصدق بها الجاهل ويفطن لها الحريف=ويعرف خفاها عاقلٍ مايصارحها
كما خنجر الخداع لا نخوه ولا تشريف=تبى غفلة المقفي وتهفي وتجرحها
تراني في وجه الله من الغدر والتزييف=وكذب الوجيه اللي تدوّر مصالحها
لقيت البشر صارت كما الكيف للكييف=على لذة الدنيا وغفلة مشفحها
تمد الامل وتشد بيتٍ بطين وليف=وشمس المقيله دبة العمر تلفحها
تطارد مع الايام طرد البحر للسيف=ولا بد للايام ساعة وتنطحها
قلوب البشر سلعه ولا حصّلت تصنيف=وكلمه تزعلها وكلمه تفرحها
ليا جيت ابسكنها تساحيت مثل الضيف=على شان لازلت مع الوقت اسامحها
و اثرني غريبٍ في زمانٍ مخيف اسخيف=مابين الوجيه اللي تشابه ملامحها

شعــر .. بشــــير الذيابي

محشوم من الغدر والزيف

وصح إلسانك وقصيدة معبرة وجميلة جدآ ..

هلابك شاعرنا بشير ومرحبا فيك

حياك الله يا أبو محمد
كافي ووافي يا بعدي
والناس مهما بلغت مساؤهم
لكن يبقى للخير أهله وللحسنات أصحابها
صح لسانك ولا هنت يا الذيب

قصيده في غايه الجمال والروعه مشكوووور يعطيك العافيه

بندر النايف
ابو عبدالله
شليويح
صحت ابدانكم
والله لا يهينكم

تراني في وجه الله من الغـدر والتزييـف
وكذب الوجيه اللي تـدوّر مصالحهـا
لقيت البشر صارت كما الكيف للكييف
على لـذة الدنيـا وغفلـة مشفحهـا

بشير الذيابي

صح لساانك مليون ولايكفوون

قصيده بقمة الرووعه والجماال

ابداااع وتميززز

انفرردة به

سلمت وسلمت يداااك لاعدمنااك

تحيااتي لك

صح لسانك ولا هنت
الله يعطيك العااااافيه

ذياب النهار
لا يمكن ارضى بك
صحت ابدانكم
تحياتي

و اثرني غريبٍ في زمانٍ مخيف اسخيـف

مابين الوجيـه اللـي تشابـه ملامحهـا

تسلم على الكلمات الرائعه يا الذيابي



والزمن هذا الحذر فيه واجب واختيار الصحبه فيه مهم جدا





دمتم بود

مرحبا فيك اخوي
ومرحبا بمرورك الجميل
تحياتي