من مساجلات الشاعر بجاد ابن محمد مع الشاعر بسيس ابن حديد

الله من قلب تزايد همومه=لولا ضلوعي كان يابسيس ينزال
هبة به الغربي وزادة سمومه=بقصا ضميري صار في القلب ولوال
يومن بعض القوم خلا لزومه=وتخلفوا ربعي وخلوني الحال
يابسيس كيف الجدر ترقع ثلومه=اليا تصدع لازم الجدر ينهال
يابسيس وين العد ياوين قومه=اللي لهم في ماضي الوقت منزال
لطامة العايل في وقت الخصومه=وافين في القالات في كل الاحوال
راحوا كما ليل تهاوت نجومه=ولا بقى ذكر على وجه الاطلال
من بعدهم صار الحصيني وبومه=نزل منازلهم وسوى له اظلال
عد هله تحت الثرى في حزومه=ومن عقبهم ياربنا ترحم الحال
بعض العرب يحفض صلاته وصومه=وايضا يجي في الناس طيب وبطال
عينت طرش بينات وسومه=حم الشعوف اللي من الجال للجال
البارحه جاني على الراس غومه=وامسيت افكر بين ناقض وفتال
ومن لامني عساه ينطل هدومه=ولا شرا له ضان من عند هلال

رد بسيس على بجاد يقول:


يامرحبا باللي لفتني علومه=من شاعر قصايده تشرح البال
سلمت يارجل قويه عزومه=زبن الدخيل اليا اعتزا كل خيال
يابجاد بيتك بينات رسومه=واصبر على الدنيا ترى الدهر ميال
يابجاد لاتجزع من امر الحكومه=وسر القلوب مجودينه بالاقفال
الراس عالي والايدين محكومه=ومشاكل الدنيا عريضات وطوال
يابجاد لو ماودنا بالنقومه=محدن يخلي ماقفه مثل ماقال
ابيارنا منا مهيب محرومه=نفتكها من دون ملفا ومعدال
عزي لرجل كل ماحتاج قومه=ميقافهم ساعه مثل لعب الاطفال
البحر يبغى له رجال تعومه=ماسب ربعي لو حصل بعض الاحوال
ياعدنا اللي نايفات رجومه=عينت اهلك اللي لهم ذكر وافعال
يالايمي مثواه تبطي محمومه=ماقالت اشرب قهوتك والطم الفال

الله يرحم الشيخ بجاد بن محمد
ويدخله فسيح جناته
ويرحم الشاعر بسيس
شكرا يا ابو فواز

الله يرحم جدي بجاد بن محمد ويسكنه فسيح جناته

عز الله إني فاقدة كثير وخصوصاً هالأيام ,,

والله يرحم أبو فواز رحمة واسعة شاعر كبير الله يجعل الحنة مثواه ,,


هذا هو الشعر الجميل شعر لشاعرين أصيلين ينبض بداخلة قيم وروعة وشموخ

وعتاب لطيف ..


يا رب تجمعنا بهم في جنة الخلد

وأنا سأنبه للموضوع حتى يترحم الأعضاء عليهم ويدعون بالمغفرة لهم ..

الله يرحمهم ويغفر لهم


جميعا

قصيدة رائعة بحق

شكرا انحش جيتكـ

الله يرحمهم ويغفر لهم,,


جميعا,,

قصيدة رائعة ومشكور,,

الله يرحم أبو خالد ويسكنه فسيح جناته
والله ونعم الرجل والله ونعم الرجل
عسى مثواه الجنة

والله يرحم أبو فواز ويغفر له
وألف شكر لك يا أبو محمد

الله يرحمهم ويغفر لهم
وجميع موتى المسلمين

الله يرحم الشيخ بجاد بن محمد
ويدخله فسيح جناته
ويرحم الشاعر بسيس
شكرا يا ابو فواز

الله يرحمهم جميعاً

ويسكنهم فسيح جناته

رحمهم الله رحمةً واسعة وجميع المسلمين الأموات منهم والأحيـاء
الله يعطيك العافية أخوي إنحش جيتك على نقلك لهذه القصيدة الجميلة.
وشكراً ،،،،