قصة الحنيش . الشلاوى بني الحارث

السلام عليكم ورحمة الله وبركآته

مسـآئكم / صبآحكم .. ورد

أول شغله اعذروني لأني مالقيت مكان منآسب أضع فيه موضوعي

ع العموم أنا سردت لكم قصه الحنيش وبدايه انقسام القبيله وطريقه الصلح

ولله الحمد

وهذه هي القصة ...

كان هناك شيخ يدعى بريمان الحنيش من قبيلة الحنشة وكان أميرا لبني الحارث عامة وكانت قبيلة كبيرة تسكن بوادي ضراء وذات يوم حصل بينه وبين الشيخ صالح الموسى وهو صهر للحنيش ( زوج ابنته ) خلاف فقام الحنيش بالإغارة على الشيخ صالح ومن معه ودارت بينهم معركة إنتصر فيها الشيخ بريمان وقتل الشيخ صالح فنزح من سلم من جماعة الشيخ صالح بالتجاه الجنوب الشرقي ونزلوا بوادي ترج ومعهم زوجة الشيخ صالح الموسى لأنها كانت حامل وخشيت أن يقوم أبوها بقتل جنينها خوفا من أن ياخذ بثأر أبيه إذا كبر وبعد وصول آلاد مخلد بوادي ترج ولدت زوجة الشيخ صالح مولودا وسموه ( نجم ) واتفق كبار السن على كتم قصة الحرب مع الحنيش وربعه عن الشباب وصغار السن لانه لا طاقة لهم بحرب الحنيش والثأر منه وخشيه من أن يتحمسون الشباب للتأثر ويهلكون انفسهم وأيضا لإنهم وجدوا بوادي ترج بديلا جيدا يغنيهم عن ديارهم ونشأ نجم نشأت الأبطال والفرسان وورث عن والده الخصال الحميده وعندما كبر كان دائما يسأل عن والده وكان من حولة يقولون أن ابوه مات بسبب المرض ولكن فراسته لم تجعلة يقتنع بهذه الإجابه وفي أحد الأيام وأثناء تفقده للأبل رأى الراعي ( وهو من العبيد كبار السن ) يضرب أحد النياق المصابه بالهيام وهو يردد (حنيتي لديرة أهلك ) ولم يعلم الراعي أن نجم خلفه فعلم نجم بأن هذه الديرة ليست بديرته وقام بتهديد الراعي بالقتل إن لم يخبره عن ديرة أهله وقصتهم فأخبرهم الراعي بقصت حربهم مع الحنيش وأن الحنيش قتل أبوه وأجلى قومه عن ديارهم وذهب نجم لإمه للتاكد مما سمع من الراعي وبعد تأكده وعند حلول المساء قام بإشعال النار في قمة أحد الجبال وكان من طبع البادية أن يفعلوا ذلك عن حدوث أمر عظيم ليجتمع الناس للتشاور وبعد أن أجتمع القوم أخبرهم نجم بالقصة وصاح فيهم طالب الفزعه والأخذ بالثار وأسترجاع ديارهم من الحنيش وقومه فستجاب له الشباب ومن له الأستطاعة ولكنهم أحتاروا في كيفية معرفة الديار نظرا لطول السنين وحداثة أعمارهم فأشار عليهم نجم بفك عقال الناقة ومتابعتها حتى تصل إلى ديارها القديمه وفعلا أستمروا يتابعونها إلى أن وصلة إلأى وادي ضراء وبكت الناقة وعرفوا بأنهم وصلو الديرة المقصودة وبعد إستطلاعهم للديرة وتأكدهم أنهم لا يستطيعوا الانتصار على الحنيش وربعه إلابالحيلة وضع نجم خطة ذكية بان يقوم أحد الرجال السريعين بالتظاهر بانه من الحنشل ويسرف بكره من حلال القوم ويهرب بالتجاه أسفل الوادي وسيتبعه القوم وحيث أن الوادي يضيق إلى الأسفل وفي أضيق نقطه يكون جيش نجم منتشرين في الجبال على ضفتي الوادي و عند و صول القوم للنقطه المذكوره يبدا الجيش في قتلهم مستغلين عنصر المفاجاه و معتمدين على مواقعهم المرتفعه و المحصنه و بالفعل تم تنفيذ الخطه و هلك الكثير من ربع الحنيش و لم يسلم الا القليل بينما لم تكن خساره نجم كبيره وعندما علم الحنيش بان نجم موجود وجماعته قال ابلغوه باننى اريد مقابلته فرد عليهم نجم بقوله يجعلنى فى ( الجود ) يعنى يجودنى من الغدر .
بعد ان تقابلوا قال الحنيش لن نبقى فى الديره مع بعض إما أن ترحل او انا ارحل .بعد ذلك تزوج نجم بن صالح من بنت عمه الحنيش واخذ جماعته ورحل الى سدرين وهى قريبه من حضن ونزل فى سدرين فتره من الزمن . قام غزاه من عتيبه واخذوا ابل الحنيش واثناء عودتهم لديرتهم تقابلوا مع ربع نجم بن صالح وعند سوالهم عن مصدر تلك الابل ابلغوهم بانهم سلبوها من الحنيش فما كان منهم الا اخذها وردها للحنيش وربعه .
عندما علم الحنيش رد بقوله سبعين باهل نجم (يعنى يسبهم ) .بعد ان علم نجم ابلغ قومه بان الحنيش يسبهم وقال شدوا حزمكم سنغزو الحنيش اثناء ذلك علمت زوجته بنت الحنيش وكان لديه فرس معروفه بسرعتها وجيدها قامت بنت الحنيش ووضعت ابره او ( صيخ ) فى يد الفرس حتى لاياخذها نجم .بعد ان اخذ نجم ربعه وسرح للغزو قامت بفك الفرس وركبتها وحدرت لابوها الحنيش لكى تبلغه .وصلت بنت الحنيش قبل القوم وابلغت ابوها وعند وصول نجم وربعه دارت معركه بينهم قتل الكثير وقام نجم بضرب فرسه التى اخذها الحنيش من بنته ليغزوا عليها وقد عرفها نجم وسقط فلوها من بطنها بعد ان ارسل نجم عليها السهم .قال نجم لعمه الحنيش انا استطيع قتلك ولكن اريدك ان ترحل انت وربعك فقال الحنيش دوروا لى ديره مراقيها سنادي وطيورها حنادي و بحث حتى راى إن ميسان هي المكان المناسب فرحلوا واستقروا فيها وهي الان معروفه بدار الحنشة فردت بنت الحنيش هذه القصيدة :

سَرحت من سدرين صفرٍ شمره= تنش الشذى عنها بليلٍ سرايح
تنش الشذى عنها بليل وكنه= قناع عزرى ماهواء الحزم طايح
ومع صلاه الظهر او عقب ساعه =على النير مطوي الجبى بالصفايح
ومع صلاه العصر او عقب ساعه= تنش من البرقى جهامن روايح
ومع صلاه المغرب او عقب ساعه =عديتها فى الجدر جدر بن لايح
لكل حارثين قنيد بن عمه= وعزى لكم ياهل الوجيه الفلايح
قربنا لهم فى الدور كل مجرب =وقربنا لهم كل سديسٍ وقارح
ولكن جثى الخيل فى بطن رمرم =جثي الخشب جايه سحابٍ روايح
ولكن لحى الشيبان فى بطن رمرم= ثغام صيفٍ من القيض فايح
ويا سابقي عقب الغلا بانت الخلى= ذبحها ذعار القوم نجم بن صالح
ضربها برمحٍ خمسة اشبار طوله =ليا فلوها مع مضرب الرمح طايح

وقبل رحيل الحنيش وإتمام الصلح كان الشرط الثاني هو ان يتعادون القتلى و يقوم كل طرف بدفن عشرة (بتشديد العين كما تنطق بالعامية البدوية ) رجال في كل قبر و يتم القسم بأن القبر فيه عشرة وكان الحنيش يدفن كل عشرة رجال في قبر ويحلف عليهم وكان نجم يدفن غصن من شجرة تعرف ( بالعشر ومفردها عشرة ) ويحلف إن في القبر عشرة فلاحظت احدى بنات الحنيش ما يفعل نجم و اخبرت والدها و لكن من حكمته رد عليها ( ليت في القبور خشب ) ثم رجع من أراد الرجوع من قوم نجم إلى وادي ترج حيث انهم قد نشاوا هناك وفضلوا العوده إلى اهلهم وبعد وصلهم إلى ترج سألوهم عن من تبقى مع نجم فقالوا ( لم يبقى الا شلوة الحرب ) ولذلك سموا الشلاوى بهذا الإسم

منقول ياربع ، للفائدة .

تحياتي / نيشان الناصري

يا هلا بك يا نيشان ...

والسالفه زد سمعناها من عوادتنا ،، لكن هي ماهي حديث كلاً يقولها على ما سمع ...



لكن أنا بأنشدك ،، نجم وربعه . هم اللي يقالهم السبيّق << يعني سبوقين ؟؟

لاني أنا موحيها من أبوي الله يرحمه ،،


يقول يوم حنت الفاطر ،، والعبد يضربها ،، ويقول :

(( تبين ضرا والوادي الجرّاح )) << هذا اسم ديرتهم والوادي اللي حولهم ..

وهي ماتوقع الا في اذن نجم (( السبيّق )) ..

وهو ينادي العبد ،، قال وين ضراء والوادي الجراح ؟؟ ووش تبابه الفاطر يوم تحن علاه ؟؟

قال : (( يا أمي <<< ياعمي ههههههههه )) يا امي والله ما اأرف وا وا << ويقوم العبد يتنحش ما يبا يعلمه ..

قال : عان والله لما علمتني ،، انك معاد تمص الخمس ..

قال العبد : يا أمي حنا مجلّين وابوك مذبوح << وهلّ السالفه علاه ..

وترى اللي حوّل للعد هو نفسه نجم ،، يوم جا يتخير في البل عشان يسرق واحدتاً منها ويجيب الريجيل خلافه ..

راح وقام يشرب من الما << وهو مصيبه يقولون ..

اليا فيه عجوزاً تسبره وتسبر سواته وطريقة شربه للما ..!!!!!!!!


قالت : (( يهيب يا ذا الورع ،، والله لو ما قعد في السبيّق أحد لقول إنه منهم )) << شف فطنة العجوز ..


ويوم شاف هاك البكره اللي ييقن أنها ما تنطرح وهو يعلّق على ظهرها ويكزها .. والريجيل يتقاحصون خلافه ..

اللي بعصا واللي بشلف واللي مغيراً جهده على رجله ،،، وهم يتصايحون (( اطرح الورع وابكم اطرحوا الورع ))

ويوم إنه جابهم لعيال عمه ،، وهم يحطون فيهم النون واللي مايعلمون ...

ويوم جو (( يتخالصون ) عقب الصلح ،،

راح السبيّق وقال احفروا ودفــّـنوا في القبور (( عودان العشر )) << اللي هي عودان شجرة (( العشرة )) ..

ويوم جا الحنيش وقال والله إن في هالقبر عشره << يقصد عشرة ريجيل ،، ويحلف على كل قبر مثله من قبور الحنشه ..

قام السبيّق وراح لقبوره ومعه الحنيش >>> وقال والله إن في هالقبر عشرة << وهو مايقصد الريجيل لكن يقصد عودان العشر ..


اليا بنت الحنيش وزانه وتوحي طرايقهم مع ابوها ،،


قالت : (( يابوي الرجّال لا يلعب علاك ..!!!!! مافي قبورهم غاار عودان العشر ؟؟ ))

قال : <<< وانتبهوا وش قال الحنيش ،، لان ابوي يقول تراها عند حقين الحجاز لهالحين << يعني صارت مثل ..

قال الحنيش : (( اسكتي يا بنت ما للقبر الا ملاه ))




وهذا اللي انا موحيه من أبوي الله يرحمه ...

وممكن يكون صح وممكن لا ...

واللي عنده علم بعد يعلمنا ،، ...

حياك الله يا نيشان ومرحبا فيك

وإن شاء الله نشوف مؤرخينا وتعقيبهم على القصة ..

لأن قصاص المتون يتكلم تقول أنه في أستراحة الجبوب ^_^

يا أخوي نريد كلام ( نبلعه ) يا قصاص المتون

		المشاركة الأصلية بواسطة : $ قصاص المتون $ اقتباس
	يا هلا بك يا نيشان ... والسالفه زد سمعناها من عوادتنا ،، لكن هي ماهي حديث كلاً يقولها على ما سمع ... لكن أنا بأنشدك ،، نجم وربعه . هم اللي يقالهم السبيّق << يعني سبوقين ؟؟ لاني أنا موحيها من أبوي الله يرحمه ،، يقول يوم حنت الفاطر ،، والعبد يضربها ،، ويقول : (( تبين ضرا والوادي الجرّاح )) << هذا اسم ديرتهم والوادي اللي حولهم .. وهي ماتوقع الا في اذن نجم (( السبيّق )) .. وهو ينادي العبد ،، قال وين ضراء والوادي الجراح ؟؟ ووش تبابه الفاطر يوم تحن علاه ؟؟ قال : (( يا أمي <<< ياعمي ههههههههه )) يا امي والله ما اأرف وا وا << ويقوم العبد يتنحش ما يبا يعلمه .. قال : عان والله لما علمتني ،، انك معاد تمص الخمس .. قال العبد : يا أمي حنا مجلّين وابوك مذبوح << وهلّ السالفه علاه .. وترى اللي حوّل للعد هو نفسه نجم ،، يوم جا يتخير في البل عشان يسرق واحدتاً منها ويجيب الريجيل خلافه .. راح وقام يشرب من الما << وهو مصيبه يقولون .. اليا فيه عجوزاً تسبره وتسبر سواته وطريقة شربه للما ..!!!!!!!! قالت : (( يهيب يا ذا الورع ،، والله لو ما قعد في السبيّق أحد لقول إنه منهم )) << شف فطنة العجوز .. ويوم شاف هاك البكره اللي ييقن أنها ما تنطرح وهو يعلّق على ظهرها ويكزها .. والريجيل يتقاحصون خلافه .. اللي بعصا واللي بشلف واللي مغيراً جهده على رجله ،،، وهم يتصايحون (( اطرح الورع وابكم اطرحوا الورع )) ويوم إنه جابهم لعيال عمه ،، وهم يحطون فيهم النون واللي مايعلمون ... ويوم جو (( يتخالصون ) عقب الصلح ،، راح السبيّق وقال احفروا ودفــّـنوا في القبور (( عودان العشر )) << اللي هي عودان شجرة (( العشرة )) .. ويوم جا الحنيش وقال والله إن في هالقبر عشره << يقصد عشرة ريجيل ،، ويحلف على كل قبر مثله من قبور الحنشه .. قام السبيّق وراح لقبوره ومعه الحنيش >>> وقال والله إن في هالقبر عشرة << وهو مايقصد الريجيل لكن يقصد عودان العشر .. اليا بنت الحنيش وزانه وتوحي طرايقهم مع ابوها ،، قالت : (( يابوي الرجّال لا يلعب علاك ..!!!!! مافي قبورهم غاار عودان العشر ؟؟ )) قال : <<< وانتبهوا وش قال الحنيش ،، لان ابوي يقول تراها عند حقين الحجاز لهالحين << يعني صارت مثل .. قال الحنيش : (( اسكتي يا بنت ما للقبر الا ملاه )) وهذا اللي انا موحيه من أبوي الله يرحمه ... وممكن يكون صح وممكن لا ... واللي عنده علم بعد يعلمنا ،، ...

هلآ بك زود ،

وآلله إن آللي قلته حتى آنآ آسمعه من شيبآننآ ،
وآلله يعطيك آلعآفيـه ،،

		المشاركة الأصلية بواسطة : بندر النايف اقتباس
	حياك الله يا نيشان ومرحبا فيك وإن شاء الله نشوف مؤرخينا وتعقيبهم على القصة .. لأن قصاص المتون يتكلم تقول أنه في أستراحة الجبوب ^_^ يا أخوي نريد كلام ( نبلعه ) يا قصاص المتون

آلله يحييك ويبقيك / وإنآ وآلله توني مبتدي بعد مآ صرت مؤرخ ،،بس إن شآء آلله مع إلوقت ، إتعلم إكثر ، وإلدنيآ " علم وتجآرب "

وإلموضوع مطورح لـ نقآش ، نبي كلن يبدي رآئيــه .

		المشاركة الأصلية بواسطة : بندر النايف اقتباس
	حياك الله يا نيشان ومرحبا فيك وإن شاء الله نشوف مؤرخينا وتعقيبهم على القصة .. لأن قصاص المتون يتكلم تقول أنه في أستراحة الجبوب ^_^ يا أخوي نريد كلام ( نبلعه ) يا قصاص المتون

نبلعه ..!!!!!

عاان يا نايف وانا اخوك << انا ماني بزال علاك في هرجه ،، والعلم ما جبته من مخباي أنا قلت في اول شي ترى السالفه موحيها من عوادتنا ،، وبعد من أبوي خص ...

وانا والله لا حضرت ذبحتهم ولا فزعت لصياحهم يوم تقول نريد كلام نبلعه <<< وعلمتكم في التالي وقلت يمكن يكون صح أو خطا ...


والسوالف من مبطي وكلاً يعرف << ماهي بحديث ...

السوالف تلقاها عند عرب تامه ومعروفه ،، وتلقاها عند عرب مجبوعاً نصها ...


ولا صار ان كلامي ما بلعته << الشكوى لله وانا ولد عمك <<< امسحه بهالوجه واربك تلقى لابن عمك عذر ...

ههههههههههه يا زينك والله يا قصاص المتون ويا حبني لك
والله إن سوالفك تعجبني وما يغرني منها ولا حرف يا ذيبان
سولف يا ولد عمي على كيفك وخذ راحتك ...


حياك الله أخوي نيشان ويا هلا بك في منتدى ربعك الشدادين
كلامك وقصتك أخوي هي الحقيقة حتى لو صار هناك بعض
الخلاف في بعض الأحداث لكن يبقى الهدف واحد وهو اللي
ذهب إليه الكثير من المؤرخين في تقسيم قبيلة بني الحارث
إلى قسمين وليست ثلاثة ومنهم مؤرخنا الدكتور عايض بن فدغوش
عليه رحمة الله وغيره من المؤرخين
ومن يعارض هذا التقسيم ويريد أن يجعل هناك نسباً آخر أو تقسيماً مخالفاً
فهذا قوله ضعيف وحجته مردودة ولا تدخل عقل أحد أبداً

يعني باختصار هذه القصة وردت ومن أكثر من مصدر
وإن اختلف الرواة في سرد بعض الأحداث لكن يبقى المضمون واحد
وهو أن الحنشة والموسى كلهم من نسل مخلد بن سرحان

والله يحييك أخوي نيشان والمنتدى منتداك
ونتمنى أن نشاهد تعليقاً لأخينا ومؤرخنا ابن مهرس.

اخوي السلطان / الله يبقيك ويغليك ويطول مهاليك ويكثر من آمثالك ..

آخوي السلطان / تبعـا ً لما سبق . سمعت من شيبان القبيله انه حصل معركه بين " صالح الموسى بن مخلد إبن سرحان " وبين ( بريمان الحنيش ) عندمآ آكل الذيب بنت " الصانع " اللي كان عند [ بريمان الحنيش ] فذهب بريمان الى صالح الموسى ،
وقال له / ادفع دية " بنت الصانع "
فقال صالح : لن ادفعها ، وأمتنع عن ذالك ،
قال بريمان : انته اولى بدفع الديه للصانع .

فقال صالح الموسى / لمآذا ؟
قال بريمان / لأنك انت والذيب عيال عم .!

قال صالح/ وش ذا العلوم .!

قال بريمان / انته صالح الموسى بن مخلد بن سرحان . والذيب - ذيب بن سرحان بن مخلد
وهذا يدل على انكم عيال عم ، وعليك دفع الديّـه ..

فـ دارت معركه بينهم ، ...

آمل آن يطرح هذا الموضوع لـ ألنقآش / حتى نصل للمعلومه الصحيحه .


وهل الحنيش وصالح الموسى عيال عم كمآ ذكرت " إخوي السلطآن " سلفـا ً ..؟

وهل المعركه التي دارت بينهما هي معركة وادي " رمرم " ام غيرها ؟

تحيآتي / نيشآن آلنآصري .

يآربـع . نبي نقآش / مآنبي آحـد يدخل آلموضوع ويسكت . نبي كلن يبدي علمـه وآللي يعرفــه ..!

حياك الله أخوي نيشان
وسع صدرك وهوّن على نفسك
ولا تستعجل في اللي تبي تناقش فيه