قصيده للشاعر بسيس رحمه الله موجهه للشاعر عايض ابن عيد الحارثي

يأبو نوار احذر تغبي عليه=نبا نسافر صبح والبال طايب
ياعايض ابن عيد منته بعيه=انا خويك زال تذري الهبايب
خلك معي لاتنطلق من يديه=ودي بدربك ياعريب النسايب
وجنب عن المركز مع اشعاب ليه=الفحص غلق عندنا والضرايب
ان جيت طالع في الظهر ماعليه=وان رحت بعد العصر شبو شبايب
قال احضر الرخصه مع التابعيه=واللي على التفتيش ضابط ونايب
وان جيت اطلعها تراجف يديه=اخاف اروح للسجن والعقايب
الامن امان ويحفظون الرعيه=والله يقويهم على كل خايب
بغيت احول مع جبال الثنيه=مشي على الاقدام مبغى الركايب
عابر سبيل ومطرقي في يديه=مالي ومال محوشين الجلايب
وان شافني مخلوق مالد فيه=ماقال وش انته وش انت جايب
وابا اتريح في الشرايع شويه=واشرب وشرب الكيف ماهو بعايب
وان كان جانا معزبي بالبليه=بقول تكرم ردها للحبايب
دبة حثال ولالها قابليه=هاذي على اهل الكيف صارت مصايب
وبطب بيت الله راحه وفيه=ونطوف مع ناس تطوف وتعاقب
وصلاة ربي عد وبل النشيه=على النبي والله علانا يراقب

صح لسان الشاعر
بسيس والله يرحمه ويسكنة فسيح جنانة كل الشكر لك

الله يرحم أبو فواز ويسكنه الجنه

ولا هنت يا انحش جيتك وعطنا كل القصيد اللي عندك ولا تنسى قصيدة ابن شلاح:

البادية راحت لعتبان وبقوم = واللي بقى منها خذاه المطيري

عابر سبيل ومطرقي في يديه
مالي ومال محوشين الجلايب
رحمة الله عليك يابن حديد والله يبيض وجهك اخوي انحش جيتك على هالنقل الطيب لقصايد علم من اعلام الشعر