قصيدة الشاعر: محمـد عبدالله الحارثى

يدور الزمن ويبين اللاش والرجال=يبين الكفو واللاش ما بانت فعوله
وأنا لو تمر اجيال واجيال بعداجيال=علومي تجمل مع هل الطيب الطوله
تراني جمل وأن عودت للحمول جمال=اشيل الحمل واللاش طاحتبه حموله
يكفيني اني حارثي والرجال افعال=وأنا قد هرجي وارفع الصوت واقوله
بني الحارث بيوم الملاقآ تشوف اابطال=ولدهم يدوس الموت ياطاه برجوله
على ارض العدا يوم نزلوها يجي زلزال=نهار اللقى ربعي لهم صوله وجوله
يجونك جموع اليا احتمى الهوش ثم تنهال=بروس البنادق تطلب المجدوتنوله
يجونك جموع أن جيت اوصف تقول جبال=تشوف العدا من فعلهم حيل مذهوله
يجونك سرايا عسكريه بدون بدال=بثوب الشرف ياتون وتحقق بطوله
على الخيل وضهور البعارين كم خيال=بعارين تطوي الدرب ما هيب معقوله
وشايبهم اليامنه صاح افزعوا ياعيال=تجيه العيال تقول مرضى ومهبوله
بيوم الوطيس الحامي تشوفهم جهال=يعشقون صوت الحرب لا دقت طبوله
واذا جا نهار السلم هل حكمه وعقال=على دين ربي طبقوا سنة رسوله
بني الحارث معشين ذيب الخلا الرحال=ثمانين ليله تجبر الكسربرجوله
ثمانين ليله ضيفهم لين طاب الحال=فعايل بني الحارث ولا هيب مجهوله
ومنهو لفاهم ضيف يبشر بطيب الفال=يحصل نشاما لأقبل الضيف فزوله
تراحيبهم تبهجه وارحب هلا تنقال=تراحيبهم للضيف حلوه ومعسوله
يقلط وينساقله لامن قلط فنجال=لياما انتهى الفنجال فنجال ساقوله
واذا هز فنجاله وكرم وراق البال=سمين الغنم بعد اشقر البن محصوله
كريمين وأن جا الضيف كنه يجينا هبال=نحب الكرم ونفوسنا فيه مشغوله
ولدنا الصغير اللي بعمر الشهر ما زال=يرحب بضيفانه وهو وسط هندوله
هني الدخيل اللي زبنا وقلبه ذال=امان الله يغطيه لا شافنا حوله
ما دام اسمنا جمرة عرب ليه مانختال=ونذكر فعايلنا وكلن له فعوله
وكل القبايل والنعم والنعم تنقال=اقوله بليا كذب والكذب وشهوله
ختمت القصيده والنهايه بسوي ارسال=لمنهو يشك بفعلنا جته مرسوله

الشاعر/ محمد عبدالله مظف المريري الحارثي

تـــــــرج
================================================== =======================

http://up3.m5zn.com/photo/2009/5/3/07/bmnpqkpzv.jpg/jpg

أشكرك صور بالحارث ترج

على تلك القصيده للشاعر محمد الحارثي

مع العلم أن الشاعر ليس بملازم حسب ماذكرت

وفقك الله

والنعم فيهم قبيلة الحارث
تسلم ع هالقصيده الجميله
وكل عام وانت بخير

محمد الحارثي
صح لسانك على هذه القصيدة الرائعة
ونعم بك وبقبيلة بني الحارث
وبجميع القبائل

والله ونعم الرجل
ويا زين القصيدة ويا طيب شاعرها
بكل فخر وبكل استحقاق
يستاهلون رجال ( جمرة العرب )
هذا المدح والثناء من شاعرهم الجزل أبو عبدالله
صح لسانك ملايين ولا هنت يا الذيب
ونتمنى ونطلب المزيد من قصائد شاعرنا أبو عبدالله

	،، ونعم فيك أخوي محمد الحارثي وفي جميع ربعنا حرّث ترج صح لسانك على هذه القصيدة الرائعة ولاهنت يابعدي ،

صح لسانك يا محمد بن عبدالله الحارثي
والنعم فيك وزود
جزل وما يجي منك ألا الجزل

صح ابداااااانكم جميعآآ


واشكر اخوي صور بلحارث ترج

على تنزيل قصيدتي في هذا المنتدى الشامخ


لاخلا ولاعدم

بيض الله وجهـــــــك يابن العم وجميع المتواجدين في منتدى ابناء العمومة الشداديـــن

ولا تحرمنا من جديدك

:harhar1:

سلمت يمنـــــاك ولا عدمنـــاك يا الـمريـــري