نهاية التجافي (مصافحه اولى)

ادارة واعضاء وزوار هذا المنتدى الشامخ

اسعد الله اوقاتكم بكل خير

هذه المصافحه الاولى لكم ولو انها متاخره ولكن

العفو منكم والوفاء مني

بوحٌ هاض به هاجسي ودونته اقلامي اطرحه بين ايدكم على امل ان يحوز اعجابكم

ترى التجافي فالنهايه يا خلي = يبعد قلوب احباب و يقرِّب احباب
ليتك تجي و تشوف وش صايرن لي = حتى تميِّز بين كرهك و الإعجاب
من بعد ما قفيت يا كل كلي = معاد تحمل دمعتي روس الأهداب
اصارع الدمعه غرور و تعلي = من خوف لاكسر شوكتي بين الأصحاب
لكن تعصاني وترجع تهلي = لا طاب لي وقتي و لا خاطري طاب
لو ان ضلع طويق جاين محلي = يمديه من شي تسويه قد ذاب
لا جيت ابا حل العقد ما تحلي = من دونها حراس واقفال و ابواب
وانته عليَّه بالخطايا تسلي = سيف اتهامك واصبح القلب منصاب
مغير تتبعلك سرابٍ مولي = والشك يرمي بك عل حفرة الداب
ترى الكلام اللي وصلّك وصلّي = فالناس به حاقد و حاسد و كذاب
اطلب من الله كل ما جيت اصلي = انه يجازي كل من كان الأسباب

اخوكم
مشعل الجعيد

مشعل الجعيد

الله يحييك ضيف وشاعر بين الجميع ونقول صح لسانك وعلا شانك وكل بيننا كل التقدير والأحترام

هلا فيك أخوي مشعل

مصافحة رائعة وحضور مُشرّف

صح لسانك وبإنتظار المزيد

دمت بخير ..

من جديد
يا هلا والله ومليار غلا بشاعرنا وأخونا الغالي
أبو الجازي
منوّر المنتدى يا ذيبان عند أخوانك الشدادين
والله يحييك بهذه القصيدة الرائعة
وصح لسانك ملايين يا شاعرنا
وننتظر منك المزيد والجديد
ونتمنى أن تتواصل معنا ولا تقاطعنا

		المشاركة الأصلية بواسطة : خيال الشدادين اقتباس
	مشعل الجعيد الله يحييك ضيف وشاعر بين الجميع ونقول صح لسانك وعلا شانك وكل بيننا كل التقدير والأحترام

الله يبقيك والشرف اكتمل بمرورك الكريم

		المشاركة الأصلية بواسطة : شوق شداد اقتباس
	هلا فيك أخوي مشعل مصافحة رائعة وحضور مُشرّف صح لسانك وبإنتظار المزيد دمت بخير ..

الشرف اكتمل بمرورك الكريم

تحياتي

		المشاركة الأصلية بواسطة : السلطان اقتباس
	من جديد يا هلا والله ومليار غلا بشاعرنا وأخونا الغالي أبو الجازي منوّر المنتدى يا ذيبان عند أخوانك الشدادين والله يحييك بهذه القصيدة الرائعة وصح لسانك ملايين يا شاعرنا وننتظر منك المزيد والجديد ونتمنى أن تتواصل معنا ولا تقاطعنا

الله يبقيك ويسلمك والمعذره على الغيبه الطويله

لكن المثل يقول مايبطي السيل الا من كبره

تحياتي لك ومرورك بحد ذاته وسام افتخر به

مشعل الجعيد
صح لسانك
قصيده رائعه من شاعر متمكن
دمت بكل ود

صح لسانك ملايين يابوسلمان

وحظور رائع جداً

ودنا ماتقاطعنا ياذيبان

لاهنت ولاهان مغليك

صح لسانك
اخوي/مشعل الجعيد
الله يعطيك العافيه
باتوفيق