ربعي بن الحارث وأخص الشدادين

بسم الله الرحمن الرحيم

السلام عليكم ورحمة الله وبركاته ....

أن شاء الله الجميع بصحه وعافيه وسلامه ...


هذي قصيده في لابتي آلاد شداد تتكلم عن بعض افعالهم لأن افعالهم لاتحصى ولاتعد في
وقت الجاهليه والسيف والرمح وفي وقتنا الحاظر

وادري اني قصرت وقصرت كثير لاكن آكيد انهم بيعذروني

ولا احد يلومني ولالي حيله امام هذا كله

مابي اخذكم بعيد القصيده تتكلم عن معناها وعن مضمونها ....

آتمنى أن تعجبكم وترضي تذوقكم الشعر العالي

ويهمني تقييم القصيده وأتمنى أن تشال من احد مبدعين المنتدى ..

ربعي بن الحارث وأخص الشدادين=قوماً لهم فالعز والطيب مقدار

ذباحة القعدان مبطي وهالحين=اهل الكرم والمرجله غصب تحتار

شجعان خلقه مانحب المساكين=نارد حياض الموت من بين الأخطار

افعالنا تشهد عليها الميادين=قولاً حقيقي شاع في كل الأقطار

آعجار بن مهرس زبون المخلين=شيخاً فعوله مثل همال الآمطار

من خلقت الدنيا وحنى سلاطين=وقت الجهل من فوق فرسان وبكار

اللي يعادينا يذوق العذابين=ويموت ماحط الحطب داخل النار

كم بنت شيخاً طلقوها الشياهين=غصباً على رجالها صار ماصار

والثانيه رجالها شيخ شملين=فارس يقول الموت اهون من العار

يوم ارسلت مكتوب تنخى الشدادين=جوها هل النخوات حمايت الدار

وطبو عليه أبديرته بين ظلعين=ثم اذبحوه الصبح في وسط الأنظار

افعالنا ماتنحصي بالدواوين=ورآياتنا بيضا مثل بيضّ الأزهار

خوينا مايلحقه فالزمن شين=دايم مكانه فوق ماهوب ينهار

وعدونا يشرب من آلهم كأسين=ويموت من قهره ومن حر ماصار

أي والله افخر ورفع الصوت صوتين=ياحيها من لابتاً تحمي الجار

وباقي القبايل نعم والله ونعمين=الطيب عند اهل الوفا صب تيار

(والعذر ) ياربعي ترى بين قوسين=قصرت في قولي وفي حق الأحرار

جف القلم واللي كتب بس بيتين=وادري مقصر لاكن السيف بـــتـــار

قاله ولد فايح على العسر واللين =وأفخر وآماري مايجي شعري آغبار

وصلاة ربي عد وفد الملبين=على محمد صفوة الخلق الابرار

وسـلامتكم ...


الشاعر : ماشع فايح الحارثي .

صح لسانك قصيدة جيدة

موفق إن شاء الله

شاعر وقصيدتك جزله في بني الحارث عامة والشدادين خاصة

وفقك الله وأستمر في عطاء الشعر

صـح بـدنـك رعد الجنوب

الله يوفق الجميع ..


لـــ مني كل أحترام وتقدير ـــــــك

الله لايهينك خيال الشدادين

الله يوفق الجميع لما يحب ويرضاء

لـــــ مني كل أحترام وتقدير ـــــــك

صح لسانك

قصيدة رائعة

لاهنت ولاهان مغليك

ماشع

صح لسانك يالذيب

قصيدة رائعة جداً جداً

صح بدنك أخوي ياسر الشدادي

مرورك الرائع والمميز

الله يعافيك ويخليك لغاليك..


لـــ مني كل أحترام وتقدير ـــــك

طارق الشدادي

صح بدنك ياكحيلان

رائع ومتألق في مرورك

لاخلا ولا عدم .....

لـــ مني كل أحترام وتقدير ــــــك

صح لسانكـ يابن فايح على هالقصيده الرايعه أخــوكـ: ابــن الامـــيـــر