حفل استقبال بناخي بني الحارث الشاعر ناصر بن ثويني العجمي

بسم الله الرحمن الرحيم

السلام عليكم ورحمة الله وبركاته
هذه الابيات التي قيلت في محفل حرث ترج عندما قدمنا اليهم في حفل تكريم الشاعر ناصر بن ثويني العجمي بناخي بني الحارث وشاعر المليون 0
وهذه الابيات للشاعر \ النقيب - فايز بن جزاء الشدادي :-

سلام واثنى السلام = على الرجال الحشام
على أبن يحي وربعه = ربعه ترى ربعنا
حنا الشداديين دوم = سقم العدا والخصوم
لا جاء مقام القبيلة = معروف ميقافنا
في اللازمه ما نغيب = وليا دعينا نجيب
نفزع ليامن دعينا = والطيب عاداتنا
من ماضيات السنين= كل العرب شاهدين
نروى السيوف الرهايف= دايم بوقعاتنا

وبعدها هذه المحاورة الرائعه والحضور المشرف من اعيان وافراد قبيلة الشداديين بني الحارث بالمنطقة الشرقية والرياض والقصيم 0
تم فقرات الحفل وخير ما بدا به فقرات الحفل القران الكريم ومن ثم كلمة لكبير خامس الضمود من حرث ترج بعدها القي الشاعر النقيب \ فايز بن جزاء الشدادي هذه القصيدة الرائعه :-

تبت يدا شعري ليا ما جمل الموقف وتب= لا صار ما يذهل عقول أهل الادب وألبابها
لا صار ما ينساق للواجب ليا منه وجب = والله لا جنب عن بيوت الشعر وأقفل بابها
يا مرحبا ترحيبة توزن مثل وزن الذهب = يرجح بها الميزان وتجمل مقام اصحابها
يا مرحبا يامرحبا من هيض بال ومن طرب=نيابة عن حاضر أبنا الحارث وغيابها
يامرحبا باللي حضر من كل صوب ومن حدب= غالي ولبى دعوة أصحابه قدروأجابها
ويامرحبا بصلب يام أهل الحسب وأهل النسب = وأهل الفعول اللي عداها في الزمان تهابها
عجمان في وقت الملاقا فعلهم يجلا الكرب = أهل السيوف اللي قوي في العدا مضرابها
عاداتهم تنشاف لامن صار للهيجاء لهب= لاطار في ماضي الزمن ستر البني وحجابها
يقولها راكان والتاريخ يشهد ما كذب = كم سربة يعزل غزايز خيلها وركابها
شيخ له التاريخ با الامجاد والعزة كتب = سيرة بطل تبقى ويبقى في الليال كتابها
وربعي بني الحارث مقابيس الوغى جمرة عرب= أهل الثلاث البيض محد جاهل بألقابها
أهل الشوايع بالوقايع تروي السيف الحدب= وقت اللقاء وقفاتهم كل يحسب حسابها
سقم العدا حماية التالي مقاديم السرب=أهل الجهام اللي على حد الخطر ترعابها
سيل ليا منه تحدر في المناحي واضطرب= خطر يشيل أعلى الجبال الراسية وهضابها
ومبروك يا ناصر خذيت البيرق ونلت اللقب= شاعر علم والجايزة ما غيرك انت أولى بها
فزت بجداره ما حسبت بموقفك لآطلق شنب= وكسبت فوق الجايزة حب البشر وأعجابها
ما هي غريبة لو خذيت الجايزة ولا عجب= وانته من رجال الهزيمة دوم ما ترضى بها
جدك ليا منه وقف في موقف الشدة غلب =وخالك على روس العدأ سيف يقص ارقابها
واليوم من فضل الله أن الآمن فى الدار استتب= أمن وخير ونعمة واجب شكر وهابها
والله يعز ملوك دولتنا مفككة النشب = حكام نجد اللي تؤمن دوم من يلجا بها
ما زعزعك يا دار متسلل ولو انه وثب= ما قدمه الا أهل الحراب اللي تسن حرابها
من حط رأسه داخل المحبال في حبله نشب=وان كبرت الفتنة بتأكل من قبس مشهابها
نعفي وندمح زلة الجاهل ونمهل با الغضب=والا ترى كل السوابق خابرين أربابها
وحنا خليجيين وحدتنا ترى وحدة شعب = أخوان ناقف صف واحد في المحن وانشابها

الشاعر النقيب -فايز جزاء الشدادي
----------------------------------------------------------

وبعدها القي شاعر العرب الشاعر حمود بن عبدالله ابن باين جربان الشدادي قصيدة رائعه ..

نهوي على الجزله كما يهوي الطير=ونمزع معاليق الفؤاد وحشاها
أفكارنا شرد ومنطوقنا غير=نفرق عن اللي سامها ما شراها
لا روحن خيل المعاني معابير=خيولنا صنع الشبيلي احداها
فيهن زهو عن غيرهن بالمحاضير=يردن لبحور الخليل وحماها
ونحت الصخر بأفكارنا قطف نوير=وجني الورود من الحدايق هواها
الشعر بحرن فيه صيد ومحاذير=ولا كل من هاز البحور احتواها
احدن كلامه مثل در المصاغير=وحدن يصدر قربته ما ملاها
وحدن تهب اله النسايم معاذير=وحدن يموت وحاجته ما قضاها
والشعر في ناصر تعدى المعابيير=جزل المعاني من نصيبه لواها
ناصر خذ البيرق صبي المخاسير=ونال المعالي برحلته واقتناها
شاعر ومثل لابته يا مناعير=انا اشهد انه كفو فيه انتباها
عمامه العجمان عوق الطوابير=وخواله الحرث زبن من نصاها
شاعر وصفق له شعوب وجماهير =وأهل الجزاله تشهد انه حواها
يا شاعر المليون تصبح على خير =ناصر خذا البيرق وغيره كواها

الشاعر حمود بن عبدالله بن جربان الشدادي

وبعدها تم تكريم الشاعر من خواله بني الحارث جميعا وقد شارك حرث ترج فرحتهم قبيلة الشداديين بني الحارث - وقبيلة الشلاوي - والبلاهدة من بنيوس 000 الخ
تم اهداء للشاعر ناصر بن ثويني العجمي من قبيلة الشداديين سيف مذهب مكتوب عليه اهداء من قبيلة الشداديين بني الحارث تكريما له قمت بتقديمه نيابة عن والداي الشيخ علي بن محماس ابن عجير ابن مهرس امير قبيلة الشداديين بني الحارث ونسال الله التوفيق والسداد للجميع 0
كما يسرني ان اشكر الجميع الذين شاركوا وتحملوا مشاق السفر والتعب من الرياض والقصيم والجبيل والدمام والخبر من اجل هذا الماقف لهذه القبيلة العريقة وليست بغريبة على ابناء قبيلتي الشدادين 0 والسلام عليكم ورحمة الله وبركاته 0

ماشاء الله حفل مشرف وشعر جزل وفقكم الله وياليت تنقل لموقعها الصحيح

بيض الله وجيه الشدادين

ويستاهل البناخي أبن ثويني

بيض الله وجيهم وماهو غريب ع بني الحارث

وشعر جداً راقي وجميل "

لاهنت ياخوي "

ابن ثويني شاعر كبير و جدير بالجائزة

و يستاهل هذا الاحتفاء .. نشكركم على المشاركة في هذا التكريم و ليس بمستغرب عنكم .

بيض الله وجيهكم على الحضور المشرف يا أبو علي

وهذا ليس بغريب على الاد شداد وموقفهم المشرف مع ربعهم ابن الحارث

وصحت ألسنة شعراءنا فايز بن جزاء وحمود بن جربان

والله يقويكم على العلم الطيب وأنتم أهله

اشكر الجميع على الحضور والمشاركه 0
ابن العم ابن مهرس
لاهنت وبيض الله وجهك على ذلك يا حزامي وتقبل شكري وتقديري لك ولاخوي فيصل وبلغ سلامي لوالدك والله يحفظكم ويرعاكم

يستاهل البناخي كل هذا الاحتفاء والتكريم
وخواله بني الحارث كفء لمثل هذه المواقف
لا هنتوا يا ربعنا وعساكم على القوة اليوم ودوم

بيض الله وجيه شعارنا وصحت السنتهم
قصايد قوية

شكرا ابن مهرس

اخوي سلطان
لاهنت على حضورك وشكرا