المعنى بحر يالغربي

		المشاركة الأصلية بواسطة : الغربي اقتباس
	اصبر وركد خطوتك قبل المشاعر لاتثور=وتدهورك في ليلةٍ محدٍ قدر يسري بها اصبر ليا عيد الفطر وتجيك باقات الزهور=وتطير من زود الفرح واحلامك تهذريبها

كملي وأنا صابر يابن عمي وأنا طبعي صبور=بس الليال المقبله من عاد يامن غيبها
عيد الفطر ياعيد ريض والليالي في دبور=عصفور في يدي ولا عشره ولو وديبها

الله الله يا الغربي ويا الرحال
الله يحييكم يا شعرائنا الكبار
والمنتدى منور بوجودكم الليلة ويفخر بمحاورتكم

لكن تكفون خلوا حجم الخط على ( 5 ) فقط
عشان ما يسبب تمدد في بعض متصفحات الأعضاء
والله يقويكم

ياعيد الأبيات مايطلع منها شي وش المشكله أنت رديت ولا باقي

		المشاركة الأصلية بواسطة : الرحال اقتباس
	كملي وأنا صابر يابن عمي وأنا طبعي صبور=بس الليال المقبله من عاد يامن غيبها عيد الفطر ياعيد ريض والليالي في دبور=عصفور في يدي ولا عشره ولو وديبها

ياكثر مانجبر بها الدنيا يابو ضاوي كسور=وانته تباطى موعدٍ به ساعةٍ ياطيبها
الصقر يشهر فالنوايف وانت حر من الصقور=اشهر ترى سود الليالي عاوياً لك ذيبها

ايه رديت

طلعت ولا لا

ان شالله يالسلطان بس خلنا لين نخلص وننسقها صح

الرحال الغربي صحت السنتكم

دائم يمتعني اجتماعكم

وتطربني محاوراتكم

الله الله شدوا حيلكم قبل مايجينا رمضان وتربط الشياطين

وعاد صاحبي الرحال اذا ربطت الشياطين يركد ههههههههههه

		المشاركة الأصلية بواسطة : الغربي اقتباس
	ياكثر مانجبر بها الدنيا يابو ضاوي كسور=وانته تباطى موعدٍ به ساعةٍ ياطيبها الصقر يشهر فالنوايف وانت حر من الصقور=اشهر ترى سود الليالي عاوياً لك ذيبها

الجرح في قلبي وقلبي ماتفيد أبه الجبور=وأنته جروح القلب تعرف وش دواء تطبيبها
من روس قوم ولا حسبت أحساب صكات الدهور=والله يعجل ساعة الفرحه ولايبطيبها

		المشاركة الأصلية بواسطة : الغربي اقتباس
	ايه رديت طلعت ولا لا ان شالله يالسلطان بس خلنا لين نخلص وننسقها صح

ماتطلع في المتصفح لين أسوي أقتباس وتطلع

مساجلة رائعة

صحت ألسنتكم شعرائنا .

		المشاركة الأصلية بواسطة : الرحال اقتباس
	الجرح في قلبي وقلبي ماتفيد أبه الجبور=وأنته جروح القلب تعرف وش دواء تطبيبها من روس قوم ولا حسبت أحساب صكات الدهور=والله يعجل ساعة الفرحه ولايبطيبها

الجرح نلقى له دواء قدام دمه لايفور=والجادل الطرقا على شوفتك شقت جيبها
ياصاحبي والنعم فيك ولا يهمك كل جور=لعيونك ادعس كل شكات الليال وريبها