ابيك تحس في همي وتلمــس رعشة الكفين

ابيك تحس في همي

كئيبه ليلة البارح توآرت بإنكسآر اثنين=انا والقلب من غلطه ماهي من ضمن غلطاتي
عبث منها بدون اسباب تشلع مهجتي نصفين=وانا في عشقــــهآ حتى حرمت العين غفواتي
رجاء لا تشيلين العتب كان الهدف حرفين=اذا ما تعرفيها مو خطايه اسمعــــي الاتي
على ذاك الطريق المنتمي للشك والتخمين=مشيت وياكثر ما بعثــرت فالناس نظراتي
اناظر في الوجوه والملامــح طيب وبعدين=انا من وين الاقي لك طريــق يحث خطوآتي
اقول هناك لا يمكن هنا يمكن هناك تبين=شعاع الضي واشــراق الامل وتلملم شتآتي
رسمتك حلم غايب عن حياتي من يجي عامين=لقيتك علم وايدينك تعــطر كل صفحاتي
وجيت انثر لك احسآسي وشوقي واحتراقي لين=تركتك في وضــوح تشوف حزني وانكساراتي
ابيك تحس في همي وتلمــس رعشة الكفين=ابيك تحس في وجـــدي عليك وجمر زفراتي
لاني كنت احسب الحظ مثل سهيل للسارين=سريت ولا لقيت سهيــــل في كل اتجاهاتي
لقيتك للأسف لاهي ولا تدري وصلت منين=وقسوة قلبــك اسقتني جفاك المجحف العاتي
فمان الله برحل والجروح تعانــق السكين=بســافر بالالم من شان ما ارضخ لاجل رغباتي
ابرحل عنك واترك لك حكايه داخل القوسين=تمتع بعدها باللي تطــــــــوله من معاناتي
مصير الشـــوق يعثى في حنايا مهجتك وتلين=بوقت فيه يا بعـــــدي عليك وصعب جياتي
انا يوم اشتكيت من الولــع ومن السهر والبين=ظننت انك تحس بثورة اوجاعـــــي ولوعاتي
اثاري الشـــوق ما يرحم ونار الصد عن نارين=كواني جمرها الحــــارق وانا في غمرة اسكاتي
عشان اني صبرت اتزيد جرحك في الحشا جرحين=وانا ما كنت اظــــن الصبر يخلف فيك هقواتي
ابصبر لين يشكي الصبر من صبري وبصــبر زين=و اروح بعيــــد وادفن صرخة احزاني وآهاتي
على الله والجــروح اللي بقلبي عن ثلاث سنين=عســــى ربي يخفف نزفهـــا وتجف دمعاتي
ولكن لو تلاقينـــــا و خانتني دموع العين=ترى ماهو بكـــا هذا عتب ذاتي علــى ذاتي

مما راق لي
تحياتي

ماراق لكِ راق لي ايضاً
شكراً على النقل الاكثر من رائع
تسلم يمينك

ياهلا والله فيك ياسر أسعدني مرورك حييييييل شكراً لك

راق لي ماصاغ قلمك المبدع عسوله

دمتي بحفظ الله

ياهلا ياهلا والله فيك ياعيني...نورتيني يالغلا...بس هذي قصيده مو كاتبتها

وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي
ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي


انتقاااااء ذوووووق عسوووووله

يسلم رسك

وصح لساااان الشاااااعر

تحياتي

ياهلا والله بشاعرنا الكبير أسعدني مرورك شكراً لك

صح لسان الشاعر

وسلمت يدينك فيما طرحتي


اشكرك

ياهلا والله فيك يارعد أشكرك حييييييل على مرورك العطر وعلى التنسيق لاني والله حاولت حاول مازبطت وياي نفسي ازبطها يوم

		المشاركة الأصلية بواسطة : عســــــــــولة اقتباس
	ابيك تحس في همي على ذاك الطريق المنتمي للشك والتخمين=مشيت وياكثر ما بعثــرت فالناس نظراتي اناظر في الوجوه والملامــح طيب وبعدين=انا من وين الاقي لك طريــق يحث خطوآتي اقول هناك لا يمكن هنا يمكن هناك تبين=شعاع الضي واشــراق الامل وتلملم شتآتي رسمتك حلم غايب عن حياتي من يجي عامين=لقيتك علم وايدينك تعــطر كل صفحاتي مما راق لي تحياتي

الله يعطيك العافيه ياعسوله
عن جد أبيات جميله جداً

تسلمين على الذوق وأنتقاء ماتنقلن