الشيخ علي بن شافي رحمه الله

الشيخ / علي بن نوار بن شافي البديواني الشدادي رحمه الله

شاعراٌ بالفطرة

ولد شاعرنا علي بن شافي في الحارثية عام 1333هـ .

ودرس المرحلة الإبتدائية والتحق بالعمل في الجيش العربي السعودي وقد شارك في حرب فلسطين عام 1948م وكذلك شارك في حرب شرورة وترقى في الرتب العسكرية إلى أن تقاعد برتبة نقيب ..

ويعتبر الشاعر علي بن شافي من أعيان قبيلة الشدادين ومن أعلامهم الذين لهم بصمات واضحة وجليه في القبيلة, وأشتهر بالكرم والشهامة وكان رحمه الله يتصف بحسن الجوار وقد توفي الشيخ علي بن شافي عام 1417هـ رحمه الله وأسكنه فسيح جناته ..


وإليكم بعض من قصائد هذا العلم رحمه الله




هذه القصيدة إحدى قصائد الشيخ علي بن شافي والتي تحدث فيها عن محبته لربعه واشتياقه لرؤيتهم:

يالله يا منشي صدوق المخاييل = يا خالق ٍ وأنته عليم ٍ بحالي
طالبك تهديني على الحق لا أميل = وتدلني للحق يا ذا الجلالي
وأليا نويت أنهج وسجت بي الحيل = يالله يا ربي عليك إتكالي
إن روحن بي بعد ظل المقاييل = يبن كيف رايب ٍ في الدلالي
يبن كيف ٍ مزعجن بأشقر الهيل = عند القرابة والربوع الغوالي

وهذه القصيدة قالها في مدح الأمير محماس بن شرار بن مهرس رحمهم الله جميعاً:

يا محلا شوف الرفاقه لفوفي = على دلال الشيخ ما هم بقازين
في بيت ابن مهرس عشير الهنوفي = محماس بن شرار سقم المعادين
نجره ينادي وحس نجره امعروفي = وتلقى مساييره حشام ٍ وغالين
ويذبح لهم حيل الغنم والخروفي = ويقلط عليها الضيف والربع الادنين
الاد مهرس مثل حد السيوفي = خلان ترفات البني المزايين

وهذه القصيدة قالها في مدح خواله البدارا من قبيلة البقوم:

يا راكب اللي مشيهن بالمغارا = مثل النعام إليا تهزم مراويح
ملفاك في عطف ٍ حموه البدارا = تلقى عيال ٍ كلبوهم مفاليح
خوالي اللي تحتمي كل غارا = إن جاء نهار ٍ للمشاكيل تطويح
يا ظفرهم لا جاء نهار المثارا = قوم ٍ على شيوخ القبايل ذوابيح
عرّاف في وسط المجالس كبارا = وكرام لا جوهم هل الفطر الفيح
كم حايل ٍ خلوا شحمها كسارا = وسط الصحون اللي تقلط مصابيح
وكيف ٍ نظيف معسف ٍ بالبهارا = وسوالف ٍ دارت على هبت الريح

وهذه القصيدة قالها شاعرنا في صديقه صالح الحمادي الروقي العتيبي الذي توفي في حرب فلسطين وقالها معزياً زوجته وقبيلته:

يا راكب ٍ من عندنا خمس عجلات = أسبق من اللي في الخضيرا يحومي
توصل خبرنا في الليال القليلات = وفي مثلها ترجع لنا بالعلومي
يا ناشد ٍ عنا ترى الحي ما مات = واللي درك خلي نهار الهجومي
كم واحد ٍ خلي نهار الشبوبات = صابة من الأقدار عطب السهومي
الله من قلب ٍ تولاه لوفات = قلب ٍ يلوفه مثل حر السمومي
على خوي ٍ كل ما قلت له هات = قام يتجدد مثل نبت الوسومي
يا واصل ٍ طيبه ترى شوقها مات = تلبس على صالح ضفي الهدومي
وأنا على صالح كثير الحسوفات = وكل ٍ على صالح كثير الهمومي
ودوا لأهل عرجاء مني تحيات = ومعوضين بخير كل اللحومي

وهذي إحدى قصائده العاطفيه:

يا راكب ٍ من فوق هجن صحاحي = حمر عمانيات جملات وزيات
هجن ٍ بنات جمالنا في المراحي = ضرايب اليمنا وقضبن بالارسان
مشملات ٍ لين تم اللقاحي = ومحصناتن بالشمايل والاشبان
وإن روحن سوات زرق الرماحي = وألا برد مزن ٍ من الصيف ربان
وأليا عطن مع القرار البراحي = قامن يخمن الحزم خم ضميان
يبن عند اللي نحبه مراحي = وباقي العرب ماني عليهم بعجلان
منازله بين الحثم والبراحي = ومقطانه الريا للبدو مقطان

وهذه إحدى قصائد الشيخ علي بن نوار بن شافي رحمه الله:

يا راكب ٍ اللي زارها ما يشافي = مفتولة الذرعان وقم الثنيه
ملفاك أخو سفره رفيق ٍ سنافي = ملفاً لأهل منجوبة ٍ عيدهيه
قله تراني للرفاقه ملافي = وراه ما يركب ويسيّر عليه
يشوف غرس عبيد وغرس ابن شافي = يمر بين الغرس صبح وعشيه
غرس ٍ ينشط خاطرك بالتشافي = ريحه زباد وعنبر في طويه

وهذه إحدى قصائده في مدح ربعه المهارسه :

يا أهل الركاب اللي يبن المشاحي = أن كان تبغون الشحم واشقر البن
انصوا نسل سحمان وذاك المراحي = وألا نسل فاهد وهم عيد أهلهن
نجر ٍ يدن وبنت الهيل فاحي = ومزعفرات ٍ في الفناجيل سيقن
والحايل اللي جاء لشحمها صحاحي = تقلط وحلوات التراحيب يثنن

وهذه أبيات قالها في أحد أحفاده:

يا نجر ياللي كل حي ٍ يناديه = يا زين حسه يوم فيصل يدنه
يشري له البن الخضر من مجانيه = وهيل يجيله في الفناجيل بنه
واللي يجيه من الجماعه يحييه = واللي يحطه في الصحن ما يمنه

وفي الختام لا نقول سوى رحم الله أوائلنا وجمعنا بهم في جنات النعيم آمين يارب العالمين

الله يرحمه ويسكنه فسيح جناته

سيرة طيبة وكلها تحمل اسم رجل طيب

اشكرك

الله يرحمه ويسكنه الجنة
نعم السيرة ونعم الرجل فسير الأولين تطرب لها الأذن
والخير في أبنائه من بعده
والله يعطيك العافيه أخوي أبو زايد والله يعطيك العافيه

مااجملها من سيره حينمما تتحدث عن هذا الرجل
الذي اشتهر بالكرم والطيب وحبه لربعه الشدادين
وتبقى سيرة خالده

الله يرحمه ويسكنه الجنه

الله يغفرله ويرحمه

سيره كله خير ومااجمل اخبارالاولين

دمت بخير

الله يرحمه ويسكنه الجنه
سيرة طيبه وعز الله انه يتصف بحسن الجوار
ومشكووووور يا بن مهرس

هؤلاء هم الرجال الذين نفخر بهم
ونطرب لسيرهم ونحب سماع قصصهم
ونترحم عليهم ونشتاق لزمانهم
فرحم الله الشاعر علي بن شافي
وأدخله فسيح جناته
وألف شكر لك يا مشرفنا العزيز
أبو زايد
ونطالبك بالمزيد

الله يرحمه ويسكنه فسيح جناته
*
*
*
*
*
*
*
*

,’

سيره أقل مايقال عنها قليله بحق الشيخ علي بن شافي رحمه الله ..
علم من أعلام الشدادين يفخر كل منا بجهوده وكرمه وعطائه ..
باذخ آلحرف..آلشوق..آلحب..وآلحنين
يرسم آلدهشة وآلذهول على من يعآنق ترفه

رحمك الله أبا محمد ..
ستظل بالذاكره إلى الآبد ..


||ابن مهرس ||
أشكرك من القلب على السير الخالده ..
والمجهود الجبار الذي تقدمه ..

الله يرحمه
ويعطيك العافيه
.........