النايفه لاهل القلوب النايفه للشاعر حمود المخلد

يالنايفـه هالـورد يشـكـي طايـفـه

لو الهموم صدور وحروفـي سيـوف

شاعرك شاعر لـو طغـت حسايفـه

ما يكبح جماحه من المجهـول خـوف

قـدر ولانـي يالعـزيـزه عايـفـه

ريح الغوى تلوفني في صمـت لـوف

يالنايفـه بالله مــا انـتـي خايـفـه

من غاويٍ يرسـم ولا يقـدر يشـوف

لملـم شتـات الحـزن فـي طرايفـه

بعثر الوف ولاح فـي سمـاه الـوف

زلزل ركـون الكـون فـي خفايفـه

واقف وخلق الله على فكـره تطـوف

يالنايفـه وش يختـصـر هالنايـفـه

والقلب ينزف غي وعروقي حـروف

اعشق!! صحيح اعشق وروحي هايفه

يا سرع ما يجذبني الحسـن العيـوف

اقطف له اندر وصف مـن وصايفـه

حتى تشوف عيونه اللي مـا تشـوف

واذا تـصـدّر خافـقـي ولايـفـه!

علّمته ش تعنـي للاحبـاب الحلـوف

ووشلون يضحـك لا همـت ذرايفـه

ووشلون يعشق شخص ما هو بمعروف

يالنايفـه ... يالنايـفـه ... يالنايـفـه

ولو اكشف الواقع بتذرف لـي ألـوف

يالغاليه ما هـوب انـا اللـي شايفـه

ملح الصراحه ذاااب في بحر الظروف

وان قلت لك كـل المشاعـر زايفـه؟

قولي كذب شاعر ولا خانت حـروف

دمتم بود

يعطيك العافيه قصيده راااااااائعه سلم ذوقك ياغلاتي

الله يعافيك يا الغلا

اسعدني مرورك كثييييييييير

دمتِ بخير

قصيدة رائعة

وجميلة وتحمل بداخلها حب غامض ولعله يكون صادق

دمت بخير

الأروع تواجدك ومرورك نايف بن شداد

نورت متصفحي

دمت بخير

راق لي ماصاغ قلمك

ابدعتي بطرحك غاليتي

دمتي بسعاده

قصيد رائعه يعطيك العافيه ويسلم ذوقك يالنايفه

غلا

أماني

شرفتوني والله

شكرا لكما على مروركما