تحت الأرض أحبك

مي هذي مثل طل الصبح لأغصان الحدايق=يبتسم قطر الندى لاباسته أو باسها
مي هذي بنت لامن شفت صدر الليل ضايق=أدري ان عيون مي اليوم طال نعاسها !
من هنا تصحى ويصحى الحب في عيون الخلايق=ومن هنا تغفى وتنسى الارض ضحكه ناسها
يسعد الله قلب مي اللي كثر ماهوب بايق=من قلوب الخلق..ماذكر مر يوم وداسها
لأن مي أرق بنت..ولو قست ماهوب لايق=حيرتني مي..الأجمل : هي..والا أحساسها !؟
بالها لاضاق زانت..كيف لامن صار رايق=في انتباهتها براءه..كيف اجل هوجاسها !؟
العمر لو كان ضحكه مي تكفيني دقايق=بس اخاف ان مت..تحني مي فوقي راسها
مي لو تبكي لموتي مالي الا افز فايق=من قبل لاموت أكثر..من نشيج انفاسها
مي .. لاتعطين بال لمن يقول الموت عايق=الجسد موته يفك الروح من حراسها
ماأحبك فوق الارض وبس ياكل الخلايق=حتى تحت الارض أحبك يابعد من داسها
مي لو ماقلت فيها بيت واحد ماتضايق=لأن مالي شعر ينشر لو رفض كراسها

قصيده تعني لي الكثير ..عسولة

ابيات رائعه ويا حظ مي فيها

صح لسانك اختي عسوله ولاهنتي

مودتي لك

فعلاً يااااااابختها
أشكرك على مرورك العطر

*ماأحبك فوق الارض وبس ياكل الخلايق=حتى تحت الارض أحبك يابعد من داسها *
راق لي ماصاغ قلمك المبدع
كلمات بقمه الروعه

فديتك والله ياعيني أشكرك على طيب مرورك

شاعر مبدع

وجميع مايكتبه يروق لي

عسووووله يسلم ذوقك

لاهنتي

شكراً لمرورك العطر يا الغربي يعطيك العافيه

		المشاركة الأصلية بواسطة : عســــــــــولة اقتباس
	العمر لو كان ضحكه مي تكفيني دقايق=بس اخاف ان مت..تحني مي فوقي راسها مي لو تبكي لموتي مالي الا افز فايق=من قبل لاموت أكثر..من نشيج انفاسها مي .. لاتعطين بال لمن يقول الموت عايق=الجسد موته يفك الروح من حراسها ماأحبك فوق الارض وبس ياكل الخلايق=حتى تحت الارض أحبك يابعد من داسها مي لو ماقلت فيها بيت واحد ماتضايق=لأن مالي شعر ينشر لو رفض كراسها

تسلمين ياعسوله على نقل المميز والجميل

وصح لسان الشاعر

ومي أكييييييد تستاهل أكثر من الأبيات هذه

مادام كل الكلام الحلو هذا فيها تستاهل

حياك الله يعطيك العافيه على طيب المرور......

تسلم يديك وفكرك يا عسولة
على هذا الذوق الفريد
والله يعطيك ألف عافية