أجيك مهما واجهتني صعوبات

تكررت عقب البطا والتقينا=من عقب مامرن سنينٍ طويلات
في صدفةٍ فيها حشا مادرينا=ولاهقينا نلتقي عقب مافات
لاشك جابتها الليالي وجينا=رغم الفراق ورغم ذيك المسافات
في موقٍف بان التوتر علينا=لحظه تلين إبها القلوب القويات
قالت شلونك قلت ربك عوينا=الحمد لله عاضني عقب لوعات
الله رزقني في هنوفٍ تبينا=احيت خفوقٍ كان بعداد الأموات
هي نور عيني فرحتي والضنينا=ألقابها عن ضيقة الصدر سجات
قالت سليت وقلت عقبك سلينا=لكن عقب مالاعنا الحب مرات
قالت شلون وقلت لاتسألينا=مافات فات ولا تفيد الحسوفات
قالت تكلم قلت مهما حكينا=الدمع ماينفع عزيزٍليا مات
قالت نسيت وقلت لامانسينا=لكن قنعنا والقناعه من الذات
قالت أروح وقلت وش في يدينا=روحي عسى في كل خطوه سلامات
بصبر على فرقاك مهما حيينا=ولا تشوه صادق الحب زلات
قالت على ماكنت دنيا ودينا=تكرم ونكرم عن دروبٍ رديات
قلت اسمحيلي قبل لاترحلينا=يم الديار اللي علينا بعيدات
تراي ذخرٍ لاحدتك السنينا=اجيك مهما واجهتني صعوبات
من اليوم اخوك وغيرها ما بغينا=كلي فداك ان صار بالوقت ميلات
وتبسمت بإعجاب مدري حنينا=وتهشمت قدام عيني بعبرات
قالت فمان الله قلت انتهينا=وقفت تكلم نفسها بس بسكات
وقفت تقديرٍ لها ثم مشينا=دربٍ مشوه اهل القلوب العفيفات
امشي واردد ليتنا ماالتقينا=وش جابها عقب السنين الطويلات

صح لسان شاعرها

ولاهنت ولا هان غاليك

يارسام ننتظر جديدك

دمت في رعاية الرحمن

هلا بـ"الطش و الرّش

مرحبا هشاش و الكاذب لا عآش

سلم غاليك و مغليك يا بعدهم


لبى روحك و الله



مداد الصفاء لقلبك



رسآمـ

يا هلا والله بأخي الغالي
رسام
والله يحييك بهذا الاختير الجرائع
دمت بكل ود يا ابن العم

صح لسان الشاعر ولا هنت يا رسام

الله يعطيك العافية على هذا الاختيار المميز

دمت في حفظ المولى

أهلاً بحضورك أبا عبدالله


الجرائع هو حضورك


السنبوسة و الشربه خلطة سحريه >> هع

مرحباً بك و مرحباً ببعثرة أحرفك أيها القائد


دمت بود و وداد


رسآمـ

لا هان غاليك و مغليك إختي النائفه

التميز هو متابعتكِ و حضوركِ

دمتِ بهذا الحضور و أكثر


رسآمـ

صح بوحك وصح كلك أبدعت ووفقت بإقتناءها

يعطييك العافيه وتقبل مروري

دمت بود وصفاء

أهلاً معزوفة الرحيل

صح لنا حضوركِ الصاخب

شكراً لتواجدكِ

دمتِ بخير

رسآمـ

يا الله على هالكلمات
والوفاء رغم الجراح ..

سلمت يمينك على هالنقل أخوي رسام ..