المُستحيل

الـمـسـتـحـيـل

ياعلها لك سفيره كـان نـاوي الرحيـل=أرحل ولاتلتفت لي عقـب شـد الرحـال
تلقى بدالي .. وأنا بلقـى بدالـك بديـل=وإن جيت ناوي تعود أقول هـذا محـال
حتى ولوجيت تبكي مـن فراقـي عليـل=إن عدت تحـرم عليـه لبستـي للعقـال
وفر دموعـك نصيحـه مايفيـد العويـل=ولاتحلم برجعتي حتى ولو فـي الخيـال
ولاتفرح إن صار ليلي في غيابك طويـل=عودت عيني على سهر الليـال الطـوال
كلي صلابه وعزم .. ولا أعرف المستحيل=وريث حب التحدي مـن عمـام وخـوال
علمني المرجله والصبر .. عـودٍ جليـل=وفهمني إن الصبر .. ميزه تخص الرجال
أشيل حملي ولا أشكي منه لوهـو ثقيـل=عودت كتفي على شيل الحمـول الثقـال
قالوا لي إنك حلو وقالوا لي إنـك جميـل=وأنا بعد شايفك رايـع .. بديـع الجمـال
مصيبتك ماتحس .. وبالمشاعـر بخيـل=دخيل ربك متي بتحس يابـن الحـلال ؟
غرورك أعماك يالمترف .. وعندي دليـل=وحقيقة العلم .. ماتشبـه لقولـة يقـال
ورغم الحلا والجمال .. ورغم ذاك الجديل=أرحل ولاتلتفت لي عقـب شـد الرحـال

راقت لي كثيراً

نايف العــويد

حياك الله ياابن جبري
صح لسان قائلها
وسلمت يمين ناقلها
راق لي مارق لك

ولاتفرح إن صار ليلي في غيابك طويـل

عوت عيني على سهر الليـال الطـوال

كلمات بقمه الروعه

صح لسان شاعرها ولاهنت ع النقل

دمت بحفظ الله

قصيدة جميلة

صح لسان شاعرها ولا هنت يا النايف على الاختيار المميز

دمت بخير

يابو سعد أبيات في قمة الروعه

تسلم يمينك يالذيب وصح لسان شاعرها

ولاهنت

اختيار رائع يا بو سعد

يعطيك العافية

مشكور أخوي كلمات قمة الذوق ورااااااااااااااااااااااااااااااائعه

إختيار موفق النايف
دمت بخير
شاكرة لك

		المشاركة الأصلية بواسطة : ياسر الشدادي اقتباس
	حياك الله ياابن جبري صح لسان قائلها وسلمت يمين ناقلها راق لي مارق لك

أبقاك الله أخوي ياسر

والله يسلمك من كل شرّ ولاهنت على مرورك ..

		المشاركة الأصلية بواسطة : غـــــــــــلا اقتباس
	ولاتفرح إن صار ليلي في غيابك طويـل عوت عيني على سهر الليـال الطـوال كلمات بقمه الروعه صح لسان شاعرها ولاهنت ع النقل دمت بحفظ الله

الأروع مروركِ العذب أخت غلا
لاهنتي ويعطيكِ ألف عافية ..