اخاف ارمش من عيوني

تجيني طيف يا عمري على جنحان شوقي لك=أخاف ارمش من عيوني وأبعثر جيت وصالك
حبيبي لا تجيني قول وين أنت وأنا أجيــــــــلك =أبيك تكون وين أنت وعلى عيوني أنا أسعى لك
وربي فوق روس الشوك لخلي القلب يمشي لك=وأخلي ظلالي يسبقني قبل يحضني منزالــك
ثواني بس ابتهـــندم من عيونـــــك وابهديلــــك=في عيني ضـــحكة حتــى تكــحل عيـن عـذالك
يقول الناس في غيابي تشب القلب ويضوي لك=حنيني وانوهد شوقه يمـــيل القــــلب لا مــــالك
قضى دمعي من عيوني أبي من عينك أبكي لك=أبي انثر من ورا عيوني دمــوع عيون ترحالك
تعبت أهرب من الاشيا البسـيطه من تفاصيلك=تعبت أسأل زوايا البيت عن أول وآخر أحوالك
وحتى الشوق من صبح الدرايش قــــام يهديلك=عصافير انربت ترفرف عـلى بيبان مدخــــــالك
هنا ترمي صباح الخير قبل لا تروح وادعي لك=وهنا تضوي مساء الخير في عيني من أهزالك
أنا من الليل يقطفني شعوري لـــك وأغنـــي لك =أنا من الصبح يليلني الحــزن من لون موالـــك
حرام الليل ما هو ليل إذا مــــا كنــــت في ليلـــــك=وحرام الصبح ما هو صبح إذا ما كنت في ضلالك
تروح وقلت أحط روحي على كـــفي وأنـــادي لك=نزعت العمر من شفت الغلا بــالروح نادالــــــك
بربك قول وش ســــوى الفـــــراق بوجه منديلك=تسيـــل ألــــوان طيـــــفي فيه إذا منه البكا سالك
حبيبي لا يبــــكيك الفراق ولا يهــــــد حيــــــلك =أخاف الدمع من عينك يجفف صورتي فبالــــك
تعال أحتاج أسولف لك عن الأيام أشكي لك=وأفض غيم الحزن وأنثر حنين الشوق بقبالك
تعال وحط في قلبي هموم الفرقا وأشيلــــــك =لأن القلب ما هو قلب إذا في نبضه ما شــالك
وقف دمعي من عيونك أبي من عينك أبكي لك =أخاف أبكي من عيوني وأبعثر جيت وصــالك

حياك ياعسوله وحي ماجبتيه

أنتقاء مميز لما تنقل أناملك

سلمتي وسلم ذوقك

ودي أنقلها لمرافئ البوح أحسها خاطره

بس أنتضر المشرفين ذو الخبره في هذا النوع

حياك الله يالغريق أسعدني مرورك ...خذ راحتك بالنقل أذا شايف كذا...يعطيك الف عافيه

تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك
ابدع
تميز
كلمات بقمه الروعه
يعطيك العافيه عسوله
ع الذوق الرائع
صح لسان شاعرها وسلمت انامل نقلتها
دمتي بحفظ الله

وربي فوق روس الشوك.. لا اخلي القلب يمشي لك

يعطيك العافية عسولة قصيده رائعة

دمت بخير ولكن هل يوجد من يستحق

جميلة جدآ هذه الكلمات العذبة

والتي تألقتي في اختيارها ونقلها من ذوقك المميز

ياعسولة

شكرا لك وصح لسان الشاعر سالم السيار

أشكركم جميعاً على روعة مروركم........

عـندمـآ طعنتً قررت
الذهــآب إلي قـآضي آلحــب

لشتكي مــن طعنآ قلبــي بخنجــر مسمــوم
وعند مثولنـآ آمــآم قـآضي آلحـب
كـنت آنــآ المجنـي عليـه ومن خدعتني هـي آلجـآنيـه
وكـآنت تنظر إلى آلـقآضـي بنفس تلك آلعيــون
سلامت يمينك يا عسولة

يعطيك العافيه على مرور أخوي...........